Diru-laguntzak eta bekak

Adikzioen prebentzio komunitarioko programak garatzeko eta arlo horretan jokabide osasungarriak bultzatzeko laguntzak 2026

[adikzio-prebentzio-komunitario]

Deskribapena

Xedea

Agindu honen bidez, adikzioen arloko 2026rako dirulaguntzetarako deialdia egiten da. Dirulaguntza horiek Euskal Autonomia Erkidegoko toki-erakundeei emango zaizkie, Euskadiko Adikzioen VIII. Plana garatzeko toki- eta komunitate-eremuan, proiektu egituratu batzuek osatutako programa baten bidez, zeinak Programa horrek adikzioei heltzea eta horiek prebenitzea baitu helburu.

Agindu honen bidez lortu nahi den helburu orokorra da Euskadiko Adikzioen VIII. Planean jasotako ekintzak toki- eta komunitate-eremuan ezartzea. Zehazki:

a) Euskadiko herritarrek beren osasun-maila maximiza dezaten laguntzea, jokabide osasungarriak sustatuz eta arrisku-faktoreekiko esposizioa murriztuz, osasuna eta osasunaren arloko ekitatea sortzen dituzten ingurune fisiko eta sozialak bultzatuz.

b) Euskadiko biztanleen artean droga-kontsumoa eta portaera adikzio-eragileak saihestea edo atzeratzea, eta haien prebalentzia murriztea.

c) Osasuna sustatzeko eta adikzioak prebenitzeko programak hobetzen eta indartzen laguntzea, bizitzaren bilakaeraren ikuspegitik eta kapital emozionala eta pertsonek bizialdirako dituzten trebetasunak indartuz, bai eta adikzioei eta bestelako portaera adikzio-eragileekin lotutako arriskuak prebenitzea ere, horrekin erlazionatutako osasun-arazoei garaiz helduz.

d) Adikzioei heltzeko eta haiek prebenitzeko esku-hartzeetan, erakundeen arteko, sektoreen arteko eta beste gizarte-eragile batzuekiko koordinazioan aurrera egitea, adikzioen arloko politikak integratzea lortzeko.

Aurrekontuko zuzkidura

1.201.328,75 euro

Prestazio ekonomikoa

Muga

Osasun Sailak aurreko artikuluan ezarritako moduan onartutako aurrekontuaren % 50 finantzatu ahal izango du gehienez ere. Onartutako aurrekontutzat hartuko da aurkeztutako programaren aurrekontu osoa. Eskabidean deskribatu eta programa osatzen duten proiektu guztietarako egokia eta doitua izan behar du aurrekontuak. Programaren zuzeneko kostuak baino ez dira onartuko.

Programa bakar batek ere ez du jasoko kapitulu honi dagokion diruaren % 6 baino gehiago.

Ordainketa-modua:

Ordainketa zatikatua izango da, eta % 80 laguntza onartu ondoren ordainduko da, eta gainerako % 20a 2027ko martxoaren 1a baino lehen bidali beharko da justifikazio-memoriako "Mi Karpeta" egoitza elektronikoaren bidez. Bertan, diruz lagundutako programaren betetze-maila eta haren garapenaren balorazio kualitatibo eta kuantitatiboa adieraziko dira, bai eta toki-erakunde onuradunek adikzioen arloan garatzen dituzten beste jarduera batzuei buruzko informazioa ere.

Nori dago zuzenduta

EAEko toki-erakundeak

Beren lurralde-eremuan adikzioei aurre egiteko eta prebentzio komunitarioko proiektu egituratuek osatutako programak kudeatzen dituzten toki-erakundeek jaso ahal izango dituzte laguntzak, zuzenean edo erakunde espezializatuekin lankidetzan.

Toki-erakunde bakoitzak laguntza-eskabide bakarra aurkeztu dezake, garatu beharreko programak finantzatzeko. Programa horiek proiektu egituratu multzo batez osatuta egongo dira.

Agindu honen ondorioetarako, Euskadiko Adikzioen VIII. Plana toki- eta komunitate-eremuan garatzen duten programatzat hartuko dira Euskadiko Adikzioen VIII. Planean jasotako jarduketa hauetako bat edo batzuk jasotzen dituztenak:

- Ingurune osasungarriak garatzen aurrera egiteko egiturazko neurriak bultzatzea.

- Substantzia adiktiboen eskaintza murrizteko eta kontrolatzeko esku-hartzeak indartzea, inplikatutako eragileen arteko koordinazio hobearen bitartez.

- Araudia eraginkorki aplika dadin urratsak egitea

- Adikzioen prebentzioa indartzea bizitzaren etapa guztietan (haurtzaroan, nerabezaroan eta gaztaroan, helduaroan eta adinekoen artean), bai eta, oro har, adin guztietan ere.

- Adikzioak dituzten pertsonentzako arreta-ibilbideak zehaztea eta hedatzea, dauden arazoak kontuan hartuta eta profil guztietara egokitutako erantzuna eskainiz.

- Adikzioak dituzten pertsonei lotutako estigma murriztea.

- Jokoarekin eta teknologien gehiegizko erabilerarekin lotutako jokabide problematikoak dituzten pertsonen arreta integrala indartzea.

- Adikzioen arloan ikerketa eta berrikuntza sustatzea.

- Adikzioen arloan lan egiten duten profesionalen aholkularitza- eta trebakuntza-jarduerak bultzatzea.

- Adikzioen esparruko politiken eta programen ebaluazioa indartzea.

- Adikzioen arloko jardunbide egokiak eta ibilbide profesionala aitortzeko sistemari laguntzea.

- Adikzioekin erlazionatutako politika sektorialek adikzioen murrizketan duten eragin positiboa maximizatzen laguntzea.

- Adikzioen lanketan edo prebentzioan parte hartzen duten erakunde guztien arteko sare-lana sendotzea eta bultzatzen jarraitzea.

Betekizunak

  • Beste edozein administrazio edo erakundetatik (publikoa zein pribatua) helburu bererako dirulaguntzak, laguntzak, diru-sarrerak edo bestelako baliabideak eskatu direla eta, hala badagokio, eskuratu direla jakinaraztea.

  • Euskal Autonomia Erkidegoko Administrazio Orokorrak eta haren erakunde autonomoek emandako izaera bereko laguntzen edo dirulaguntzen esparruan hasi eta oraindik izapidetzen ari den edozein itzultze- edo zehapen-prozeduratan sartuta ez egotea.

  • Pertsona edo erakunde eskatzailea ez egotea administrazio- edo zigor-arloan laguntza edo dirulaguntza publikoak lortzeko aukera galtzearekin zigortuta, edo horretarako ezgaitzen duen legezko debekuren baten eraginpean, berariaz aipatuta sexu-diskriminazioagatiko debekuak, Emakumeen eta Gizonen Berdintasunerako otsailaren 18ko 4/2005 Legearen azken xedapenetatik seigarrenean xedatutakoarekin bat etorriz.

Erakundeak

Deitzen duen erakundea

  • Osasuna / Osasuneko eta Eraldaketa Digitaleko Sailburuordetza > Osasun Publikoaren eta Adikzioen Zuzendaritza

Ebazten duen erakundea

  • Osasuna > Osasuneko eta Eraldaketa Digitaleko Sailburuordetza

Kontaktu-informazioa

Zuzenean: Herritarrentzako arreta zerbitzua

Kodea

0032122

Eskabidea eta dokumentazioa aurkeztea

Dirulaguntza eskatzeko, eskabide-inprimakia aurkeztu behar da, dokumentazioa aurkezteko jarraibideetan azaltzen den dokumentazioarekin batera. Izapideak bide elektronikotik egin behar dira, "Nire karpeta" ren bidez.

Sartu zaitez tramitazio elektronikorako aplikaziora. Identifikazio elektronikorako bitarteko bat izan behar duzu.

Eskabidea

Ebazpena eta errekurtsoak

Ebazteko epea

Ebazpena Euskal Herriko Agintaritzaren Aldizkarian argitaratuko da 2026ko abenduaren 31 baino lehen.

Diru-laguntza emateko modua

Lehiaketa

Isilbidearen ondorioak

Ez onartzea

Justifikazioa

Dirulaguntzaren helburua bete dela eta jasotako funtsak zertan erabili diren justifikatzeko, toki-erakundeek 2027ko martxoaren 1a baino lehen aurkeztu beharko dituzte fitxa honetan agertzen diren agiriak, kanal telematikoaren bidez (euskadi.eus-en "Nire karpeta" erabilita).

Sartu zaitez tramitazio elektronikorako aplikaziora. Identifikazio elektronikorako bitarteko bat izan behar duzu.

Nire karpeta

Beste tramite batzuk