Kontsumoko erreklamazioa, kexa edo salaketaren aurkezpena Kontsumobiden

Kontsumitzaileak edo erabiltzaileak, hots, enpresa, profesional, merkataritzako establezimendu edo zerbitzu-emaile batengandik azken hartzaile gisa ondasunak edo zerbitzuak eskuratu dituen edonork.

Ez zara kontsumitzailea, baldin eta produktu, ondasun edo zerbitzu bat eskuratu eta ekoizpen edo merkaturatze prozesu batean edo zerbitzuak eskaintzeko prozesu batean integratzen baduzu, nahiz eta prozesu horrek zuzeneko mozkinik ez izan.

Kontsumobide-Kontsumoko Euskal Institutua

Arabako Lurralde-Zerbitzua

• Santiago hiribidea, 11. 01002 Vitoria-Gasteiz.
• Telefonoa: 900 840 120
  
• Faxa: 945 06 21 42
• Posta elektronikoa: kb-araba@kontsumobide.eus

Bizkaiko Lurralde-Zerbitzua

• Recalde zumarkalea, 39 A - Behea. 48008 Bilbao
• Telefonoa: 900 840 120
• Faxa: 94-403 19 67
• Posta elektronikoa: kb-bizkaia@kontsumobide.eus

Gipuzkoako Lurralde-Zerbitzua

• Easo kalea, 10 5.a 20006 Donostia / San Sebastián
• Telefonoa: 900 840 120
• Faxa: 943 02 25 72
• Posta elektronikoa: kb-gipuzkoa@kontsumobide.eus

Ordutegia

• Astelehenetik ostiralera, 8.30etatik 14.00etara.

Erreklamazio bat aurkeztu nahi baduzu, erreklamazio-orriak edo zeure burua identifikatzeko aukera ematen duen edozein euskarri iraunkor erabil ditzakezu. Internet bidez ere egin dezakezu.

Honako hauei buruzko datu guztiak adierazi behar dira:

• Erreklamatzailearen datuak (izena, helbidea, NANa/pasaportea, telefono-zenbakia, posta elektronikoa…), baita erreklamazioa aurkeztu nahi zaion establezimenduarenak ere.
• Gertaera non izan den.
• Erreklamatu nahi diren gertaeren zehaztasunak: behar bezala identifikatu behar da produktua edo zerbitzua (prezioa, eroste-eguna…).
• Pretentsioa edo eskaera. Azalpen argi eta zehatz bat, zer lortu nahi duzun adierazten duena: produktua entregatzea, itzultzea, ordezkatzea edo konpontzea; obra edo zerbitzua amaitzea, eta, hala dagokionean, diru-kopuru bat.
• Agiri edo frogen zerrenda, erreklamazio-orri originalarekin batera.
• Erreklamazio-eguna.
• Sinadura.

Erreklamazioarekin batera, honako hauek aurkeztu behako dituzu: faktura edo ordainketaren egiaztagiria, kontratua, informazio-liburuxkak, berme-agiria edota gertakariak balioesten laguntzen duen beste edozein froga edo dokumentu. Dokumentazio hori guztia kopia arruntean aurkez daiteke, baina jatorrizkoak gorde beharko dituzu, alderatzeko eskatzen badizkizute edo.

Salaketa edo kexa bat aurkeztu nahi baduzu, egin dezakezu erreklamazioak egiteko formularioa betez edo internet bidez.