Farmazialari laguntzaileak, ordezkoak eta arduradunak izendatzeko baimena
- Erakundea:
- Osasuna
Deskribapena
Farmazialari titularraren edo titularkideen presentzia eta jardun profesionala ezinbesteko baldintza da ekainaren 17ko 11/1994 Legearen 5. artikuluan aurreikusitako eginkizunak betetzeko. Eginkizun horien ordez, farmazialari ordezkoak edo arduradunak aritu ahal izango dira.
Farmazia-arretarako presentzia eta jardun profesionala ezinbestekoak diren farmazialariez gain, farmazia-bulegoek jardun egokirako beharrezkotzat jotzen diren beste profesional eta/edo laguntzaile batzuk ere izan ditzakete.
Farmazialari laguntzailea
Farmazialari horrek, farmazialari titularraren edo titularkideen, arduradunaren edo ordezkoaren zuzendaritzapean, farmazia-bulego batean garatzen diren funtzioetan laguntzen du. Farmazialari laguntzaileak nahitaez izendatu beharko dira, kontuan hartuta ekintza profesionalen kopurua, farmazialari titularraren adina, botikinak edo medikamentu-biltegiak administratzeko esleipena eta baimendutako sekzioak.
Farmazialari ordezkoa
Aldi baterako titularrari edo titularkideei dagozkien eginkizunak betetzen dituen eta erantzukizunak bere gain hartzen dituen farmazialaria, honako kasu hauetan: gaixotasuna, istripua edo amatasun-atsedena, gai publikoak edo lanbide-ordezkaritza betetzeko izendatzea, norberaren gauzetarako absentzia, bere lanbide-jarduerarekin lotutako ikasketak egitea edo urteko oporrak.
Titularkidetasun-kasuetan, aurreko atalean aurreikusitako arrazoiren bat titularkide guztietan gertatzen denean bakarrik izango da beharrezkoa ordezko bat sartzea.
Ordezkoak izendatzeko betebeharraren salbuespenak: farmazialari laguntzaile bat duten farmazia-bulegoek pertsona horrek botikari titularra edo kotitularra ordezkatu ahal izango du araudiak ezartzen dituen kasuetan, hain zuzen ere, farmazia-bulegoetako giza baliabideen hornidurari buruzko ekainaren 3ko 129/1997 Dekretuaren 6. artikuluan aurreikusitako egoeretan. Ordezkapen-komunikazio hori "Farmazia-bulegoek Farmazia Zuzendaritzari nahitaez jakinarazteko prozedura komunaren" bidez egin beharko da. Prozedura hori hemen dago eskuragarri: https://www.euskadi.eus/komunikazioa/farmazia-bulegoek-egin-beharreko-jakinarazpenak/web01-a2farma/eu/
Farmazialari arduraduna
Farmazia-bulegoaren titularrari edo titularkideari dagozkion eginkizunak betetzen dituen eta erantzukizunak bere gain hartzen dituen farmazialaria, heriotza, erretiro edo ezintasun kasuetan, edo hura ez dagoela adierazten duen adierazpen judiziala. Titularkidetasun-kasuetan, ez da beharrezkoa izango farmazialari arduraduna izendatzea, baldin eta hala eskatzen bazaio Farmazia Zuzendaritzari.
Farmazialari laguntzaileen, ordezkoen edo arduradunen farmazia-bulegoarekiko lotura amaitu dela jakinaraztea
Farmazia-bulegoetako giza baliabideak hornitzeari buruzko ekainaren 3ko 129/1997 Dekretuaren 24. artikuluan ezarritakoaren arabera, farmazia-bulegoarekin atxikirik dauden farmazialari-laguntzaileen, ordezkoen edo arduradunen lotura amaitutakoan, amaiera horren berri eman beharko da 10 eguneko gehieneko epean, amaitu zenetik zenbatzen hasita.
Jakinarazpen hori farmazia-bulegoek Farmazia Zuzendaritzari nahitaez egin beharreko jakinarazpenen prozedura komunaren bidez egin behar da, helbide honetan eskuragarri: https://www.euskadi.eus/komunikazioa/farmazia-bulegoek-egin-beharreko-jakinarazpenak/web01-a2farma/eu/
Nori dago zuzenduta
Farmazia-bulegoen titularrak edo titularkideak edo, hala badagokio, legezko ordezkariak edo jaraunsleak.
Aplikatu beharreko araudia
Erakundeak
Kudeatzen duen erakundea
- Osasuna / Administrazio eta Finantzaketa Sanitarioko Sailburuordetza > Farmaziako Zuzendaritza
Ebazten duen erakundea
- Osasuna / Administrazio eta Finantzaketa Sanitarioko Sailburuordetza > Farmaziako Zuzendaritza
Kontaktu-informazioa
Harremanetarako datuak
Gobierno Vasco. Eusko Jaurlaritza
Farmazia Zuzendaritza. Ordenazio Farmazeutikoko Zerbitzua
- Helbidea: Donostia-San Sebastian. 1 - 01010 Vitoria-Gasteiz
- E-mail: ordfarma-san@euskadi.eus
- Telefonoa: 945019269
Zuzenean: Herritarrentzako arreta zerbitzua
Kodea(k)
Farmazialari laguntzaile, ordezkoa edo erregentea izendatzeko baimena
Urtean zehar gertatzen diren nahitaezko zuzkidurako langileen bajen ondorioz farmazialari laguntzaile izendatzeko baimen-eskaerak gehienez ere 15 eguneko epean egin beharko dira, bajaren egunetik zenbatzen hasita.
Nolanahi ere, farmazialari laguntzaile berria gehienez 40 eguneko epean hasi beharko da lanean, aurreko farmazialari laguntzaile baja ematen zaionetik zenbatzen hasita.
Farmazialari ordezkoa izendatzeko baimen-eskaera
- Gaixotasunak, istripuak edo amatasun-atsedenaldiak eragindako absentzia gertatu eta hurrengo 3 egunen barruan.
- Gainerako kasuetan, absentzia gertatu baino 15 egun lehenago gutxienez.
Farmazialari arduraduna izendatzeko baimen-eskaera gehienez ere 10 eguneko epean egin beharko da, titularra hiltzen denetik edo erretiroa edo ezgaitasuna edo absentzia deklaratzen denetik zenbatzen hasita
- Bete itzazu eskatutako inprimakiak, inprimakirik badago.
- Presta ezazu eskatutako dokumentazioa formatu digitalean.
- Sartu zaitez tramitazio elektronikorako aplikaziora. Identifikazio elektronikorako bitarteko bat izan behar duzu.
-
- Proposatutako farmazialariaren Farmaziako lizentziaturaren/graduaren titulua.
- Proposatutako farmazialariaren N.A.N.aren kopia.
- Proposatutako farmazialariaren aitorpena, agindutako eginkizunak betetzeko bateraezintasun-arrazoirik ez duela adierazten duena eta izendatutako pertsonak izendapena onartzea. Pdf
- Elkargokide izatearen egiaztagiria edo, elkargokide ez bada, elkargokide izatearen konpromisoa, jarduten den probintzian.
- Kotizazio sozialari buruzko txostena (indarrean dagoen KDT).
- Farmazialari gisa lan egiten duten langile autonomoen eta kontratatutako lanaldiaren erantzukizunpeko adierazpena.
- Tasak ordaindu izanaren egiaztagiria: https://www.euskadi.eus/osasun-alorreko-tasakinformazioa/osasun-alorreko-tasak/web01-a2farma/eu/
- Ordezkapena izanez gero:
- Baja-partea, gaixotasunagatik edo istripuagatik bajaren kasuan.
- Gaikuntza- edo espezializazio-ikasketetan izena ematea, bere lanbide-jarduerarekin lotutako gaikuntza- edo espezializazio-ikasketak eginez gero .
- Farmazialarien Elkargo Ofizialaren txostena, arrazoi pertsonalak eta behar bezala egiaztatuak daudenean.
- Familia-liburua, amatasun- edo aitatasun-baimena edo adingabearen legezko zaintzagatiko lanaldi-murrizketa izanez gero.
- Arduraldia izanez gero:
- Erretiroa, ezintasuna edo absentzia egiaztatzea, arrazoi horietakoren batengatik.
- Heriotza-ziurtagiria, jaraunsleak, eta farmazia ixteko edo eskualdatzeko konpromisoaren agiri sinatua, heriotza kasuan.
-
Dokumentazioa osatu gabe badago, 10 eguneko epean akatsak zuzentzeko eskatuko zaio eskatzaileari. Hala egin ezean, uzian atzera egin duela ulertuko da, eta espedientea artxibatu egingo da. Errekerimenduaren ondorioz espedientea behar bezala osatzen bada, 15 eguneko epea dokumentazio osagarria aurkezten den egunetik aurrera zenbatuko da.
Dirulaguntza hauen tramitazio elektronikoa egiteko beharrezkoa da:
- Pertsona juridikoaren identifikazio elektronikoa (Izenpe-Entitatearen ordezkariaren ziurtagiria, FNMT ziurtagiria, …)
- Pertsona fisikoaren identifikazio elektronikoa (NAN elektronikoa, Izenpe-Herritarraren ziurtagiria,…) Bigarren aukera hau posible izango da, pertsona hori Eusko Jaurlaritzako Administrazioko Ordezkarien erregistro elektronikoan izena emanda baldin badago (informazio gehiago ondorengo estekan).
Halaber, beharrezkoa da:
- Zerbitzu elektronikora sartu eta hemen, bete beharreko lau pausu izango dira:
- Eskaria bete.
- Prestatutako dokumentu eta inprimakiak erantsi.
- Eskaria sinatu.
- Erantsitako dokumentazioa eta eskaria bidali.
Oharra: Hiritarren eskubidea da, Administrazio jardulearen boterean edo aurkitzen duten prozedurarako arau aplikagarriek ez eskatutako dokumentua ez aurkeztea, (Administrazio Publikoen Administrazio Prozedura Erkidearen urriaren 1eko 39/2015 Legearen 53. artikulua). Eskubide hau erabil ahal izateko, eskaerako emandako Dokumentazioa atalean, emandako dokumentuen informazioa beteko du.
Abisua:Tramitearen jarraipena eta espedientearen segimendua Nire karpeta-n egin dezakezu.
Ebazpena eta errekurtsoak
- Ziurtatu identifikazio elektronikorako bitarteko bat duzula.
- Prestatu dokumentazioa formatu digitalean.
- Sartu Nire karpeta aplikaziora.
Gora jotzeko errekurtsoa administrazio-errekurtsoa da. Honen bidez, administrazio-organo bati eskatzen zaio hierarkikoki haren mende dagoen beste organo batek emandako egintza berrikusteko eta zuzentzeko.
Zer egintzaren aurka jartzen da?
- Administrazio-bideari bukaera ematen ez dioten egintzen aurka.
- Zuzenean edo zeharka auziaren muina erabakitzen duten edo prozedurak aurrera egitea eragozten duten izapidezko egintzen aurka.
Zer organori jartzen zaio?
- Errekurritutako egintza ematen duen organoari edo haren goragokoari.
Zer epe daukazu errekurtsoa jartzeko?
- Hilabete, egintza espresu bat errekurritzen baduzu.
- 3 hilabete, presuntziozko egintza bat errekurritzen baduzu.
Zer epe dauka Administrazioak ebazteko?
- 3 hilabete.
Epe horretan Administrazioak ez badizu ebazpena jakinarazten:
- Errekurtsoa baietsitzat joko da, baldin eta presuntziozko egintza errekurritu baduzu.
- Errekurtsoa ezetsitzat joko da, baldin eta egintza espresu bat errekurritu baduzu.
Zer errekurtso jar dezakezu gero?
- Administrazioarekiko auzi-errekurtsoa, bide judizialetik.
- Berrikusteko errekurtso berezia, salbuespenez.
Informazio gehiago: Administrazio Publikoen Administrazio Prozedura Erkidearen urriaren 1eko 39/2015 Legearen V. titulua, II. kapitulua, Administrazio-errekurtsoak
- Ziurtatu identifikazio elektronikorako bitarteko bat duzula.
- Prestatu dokumentazioa formatu digitalean.
- Sartu Nire karpeta aplikaziora.
Aukerako berraztertzeko errekurtsoa administrazio-errekurtsoa da. Honen bidez, administrazio-organo bati eskatzen zaio berak emandako egintza berrikusteko eta zuzentzeko.
Aukerako errekurtsoa denez, interesatuek errekurtso hau jartzeko aukera dute ala, nahiago badute, Administrazioarekiko auzi-errekurtsoa jar dezakete zuzenean.
Zer egintzaren aurka jartzen da?
- Administrazio-bideari bukaera ematen dioten egintzen aurka.
Zer organori jartzen zaio?
- Errekurritutako egintza ematen duen organoari.
Zer epe daukazu errekurtsoa jartzeko?
- Hilabete, egintza espresu bat errekurritzen baduzu.
- Noiznahi, presuntziozko egintza gertatu eta biharamunetik aurrera.
Zer epe dauka administrazioak ebazteko?
- Hilabete: Epe horretan ez bazaizu ebazpena jakinarazten, errekurtsoa ezetsitzat joko da.
Zer errekurtso jar dezakezu gero?
Aukerako berraztertzeko errekurtsoa jartzen bada, Administrazioarekiko auzi-errekurtsoa jar daiteke gero, bide judizialetik.
Dena dela, aukerako errekurtsoa denez, interesatuek Administrazioarekiko auzi-errekurtsoa jar dezakete zuzenean.
Informazio gehiago: Administrazio Publikoen Administrazio Prozedura Erkidearen urriaren 1eko 39/2015 Legearen V. titulua, II. kapitulua. Administrazio-errekurtsoak.
- Ziurtatu identifikazio elektronikorako bitarteko bat duzula.
- Prestatu dokumentazioa formatu digitalean.
- Sartu Nire karpeta aplikaziora.
Zer egintzen aurka jartzen da?
Erreklamazio ekonomiko-administratiboen ebazpen irmoen aurka, hauetako egoeraren bat gertatzen denean:
- Espedientean sartutako dokumentuen eraginez, egitezko errakuntza gertatzea ebazpena ematerakoan.
- Gaia ebazteko funtsezko balioa duten agiriak agertzea, eta, agiri horiek, ebazpena eman ondoren agertu arren, agerian uztea errakuntza dagoela errekurritutako ebazpenean.
- Ebazpenean funtsezko eragina izatea ebazpenaren aurretik edo ondoren epai irmo baten bidez faltsutzat jotako dokumentu edo lekukotzek.
- Prebarikazio, funtzionario-eroskeria, indarkeria, iruzurrezko azpikeria edo bestelako jokabide zigorgarri baten ondorioz ematea ebazpena, eta epai irmo batek hala aitortzea.
Zer organotan jartzen da?
Euskadiko Ekonomia Arduralaritzako Epaitegian.
Zer epe daukazu errekurtsoa jartzeko?
1. kasuan, lau urte, aurkaratutako ebazpena jakinarazten zaizun egunetik hasita.
Gainerako kasuetan, epea hiru hilabetekoa izango da, dokumentuak ezagutzen direnetik edo epaia irmo bihurtzen denetik hasita.
Zer epe dauka Epaitegiak ebazteko?
Epe horretan ez bazaizu ebazpena jakinarazten, errekurtsoa ezetsitzat joko da.
Beste tramite batzuk
- Ziurtatu identifikazio elektronikorako bitarteko bat duzula.
- Prestatu dokumentazioa formatu digitalean.
- Sartu Nire karpeta aplikaziora.
Ebazpena eman baino lehen, eskabidean atzera egiteko aukera dago.
Atzera egin arren, babesten zaituzten eskubideak mantenduko dira, eta beste prozedura baten erabiltzeko aukera izango da.
Informazio gehigarria: Administrazio Publikoen Administrazio Prozedura Erkidearen urriaren 1eko 39/2015 Legearen 94. artikulua
- Ziurtatu identifikazio elektronikorako bitarteko bat duzula.
- Prestatu dokumentazioa formatu digitalean.
- Sartu Nire karpeta aplikaziora.
Eskaerak edo komunikazioak informazioa gehitzea beharrezkoa bada, organo eskudunak 10 eguneko epea emango dizu dokumentazio berria aurkezteko. Ezer aurkezten ez baduzu, Administrazioak komunikazio edo eskaeraren tramitazioarekin aurrera jarraituko du.
Agiri hauek aurkez ditzakezu:
- Administrazioak eskatu dizkizun agiriak, baldin eta zuzentzeko errekerimendua jakinarazi badizu.
- Beharrezkotzat jotzen dituzun agiriak, nahiz eta Administrazioak ez eskatu.
- Ziurtatu identifikazio elektronikorako bitarteko bat duzula.
- Prestatu dokumentazioa formatu digitalean.
- Sartu Nire karpeta aplikaziora.
Noiz egin diezaioket uko laguntza bati?
Ebazpena eman ondoren, edozein momentutan.
Zer gertatzen da nire eskubideekin?
Uko egiten baduzu, galdu egingo dituzu prozedura honetan babesten zaituzten eskubideak
Informazio gehigarria: Administrazio Publikoen Administrazio Prozedura Erkidearen urriaren 1eko 39/2015 Legearen 94. artikulua
- Ziurtatu identifikazio elektronikorako bitarteko bat duzula.
- Prestatu dokumentazioa formatu digitalean.
- Sartu Nire karpeta aplikaziora.
Eskaerak deialdiko arauan ezarritako betekizunak betetzen ez baditu, organo eskudunak 10 eguneko epea emango dizu akatsak zuzentzeko. Zuzentzen ez badituzu, Administrazioak eskaeran atzera egin duzula ulertuko du.
Agiri hauek aurkez ditzakezu:
- Administrazioak eskatu dizkizun agiriak, baldin eta zuzentzeko errekerimendua jakinarazi badizu.
- Beharrezkotzat jotzen dituzun agiriak, nahiz eta Administrazioak ez eskatu.
Informazio gehigarria: Administrazio Publikoen Administrazio Prozedura Erkidearen urriaren 1eko 39/2015 Legearen 68. artikulua
- Ziurtatu identifikazio elektronikorako bitarteko bat duzula.
- Prestatu dokumentazioa formatu digitalean.
- Sartu Nire karpeta aplikaziora.
Eskaerak edo komunikazioak informazioa gehitzea beharrezkoa badu, organo eskudunak 15 eguneko epea emango dizu informazioa gehitzeko. Gehitzen ez baduzu, Administrazioak komunikazio edo eskaerarekin aurrera jarraituko du.
Agiri hauek aurkez ditzakezu:
- Administrazioak eskatu dizkizun agiriak, baldin eta dokumentazio gehitzeko errekerimendua jakinarazi badizu.
- Beharrezkotzat jotzen dituzun agiriak, nahiz eta Administrazioak ez eskatu.
- Ziurtatu identifikazio elektronikorako bitarteko bat duzula.
- Prestatu dokumentazioa formatu digitalean.
- Sartu Nire karpeta aplikaziora.
Beharrezkoak iruditzen zaizkizun dokumentuak aurkeztu ditzakezu, nahiz eta Administrazioak ez eskatu.
- Ziurtatu identifikazio elektronikorako bitarteko bat duzula.
- Prestatu dokumentazioa formatu digitalean.
- Sartu Nire karpeta aplikaziora.
Une oro alegatu ahal izango dituzu izapidetze-akatsak eta, bereziki, geldiaraztea, aginduzko epeak haustea edo gaiaren behin betiko ebazpena eman aurretik konpon daitezkeen izapideak ez egitea dakartenak.
Informazio gehigarria: Administrazio Publikoen Administrazio Prozedura Erkidearen urriaren 1eko 39/2015 Legearen 76. artikulua