Baimenak

Erakunde Kolaboratzailea izateko onarpena. Lehen Aukera programa.

Deskribapena

Prozedura honen helburua da erakunde laguntzaile izatea Lehen Aukera 2022 deialdiari zehazki lotutako enplegu-eskaintzak biltzeko eta erregistratzeko.

Eskaintzak biltzeko eta erregistratzeko eta/edo trantsizio-prozesuaren kudeaketa eta jarraipena egiteko baimena 3 pertsonak izango dute gehienez erakunde kolaboratzaile berean.

Erakunde kolaboratzailea eraginkorra izateko eskakizuna izango da Lanbide-Euskal Enplegu Zerbitzuko langileak ematen duten prestakuntza-ekintzetara joatea eta prestakuntza horri onura ateratzea erakundeak eskatutako baimena eskuratuko duten pertsona guztiek, horretarako ezarritako egunetan. Horren aurretik, http://www.lanbide.euskadi.eus webgunean prestakuntza-ekintzen tokiak eta ordutegiak argitaratuko dira, baita ekintza horietan parte hartuko duten erakundeen zerrenda ere.

Aurreko puntuan aipatutako prestakuntza-ekintza egin beharrik ez dute izango Lehen Aukera programako aurreko urteetako laguntzen deialdietan enplegu-eskaintzak biltzeko eta erregistratzeko kolaboratzaile izan ziren zentroek, baldin eta egiaztatzen badute prestakuntza jasotako eta, ondorioz, aipatutako deialdi horretan enplegu-eskaintzak biltzeko eta erregistratzeko jarduerak egiteko baimendutako pertsona hori/horiek enpresako plantillan daudela orain ere.

Prestakuntza-ekintzak bukatutakoan, Lanbide-Euskal Enplegu Zerbitzuko Laneratzea Aktibatzeko zuzendariak ebazpen bat emango du, erakunde laguntzaile izaera emateko adierazitako eskakizunak betetzen dituzten erakundeei, deialdi honetan aurreikusitako ondorioetarako.

Nori dago zuzenduta

1. Erakunde kolaboratzaile izan daitezke EAEko honako erakunde hauek:

  1. Unibertsitateak.
  2. Lanbide-heziketako ikastetxe publikoak eta pribatu itunduak, bai eta ikastetxe horiek biltzen dituzten elkarteak ere.
  3. Lanbide-Euskal Enplegu Zerbitzuaren erakunde kolaboratzaileak, 2020-2022 deialdiko lanerako prestakuntza emateko dirulaguntzen eta 2021-2023 deialdiko lanerako orientazioa emateko dirulaguntzen onuradun badira.
  4. Udalak, mankomunitateak, kuadrillak, tokiko garapenerako agentziak eta Behargintzako zentroak.

3. 13.5 artikuluan definitutako trantsizio-prozesuaren kudeaketa- eta jarraipen-jarduerak egiteko erakunde laguntzaile izan daitezke unibertsitateak, Lanbide Heziketako ikastetxe publikoak eta pribatu itunduak.

Erakundeak

Kudeatzen duen erakundea

  • Lanbide - Euskal Enplegu Zerbitzua / Lanbideko Zuzendari Orokorra - Euskal Enplegu Zerbitzua > Laneratzea Aktibatzeko Zuzendaritza

Ebazten duen erakundea

  • Lanbide - Euskal Enplegu Zerbitzua / Lanbideko Zuzendari Orokorra - Euskal Enplegu Zerbitzua > Laneratzea Aktibatzeko Zuzendaritza

Kontaktu-informazioa

Harremanetarako datuak

Email: laneratze@lanbide.eus

Kodea(k)

  • Erakunde Kolaboratzailea Lehen Aukera 2022: 1098903

Eskabidea eta dokumentatzioa aurkeztea

Trantsizio-prozesuaren kudeaketarako eta jarraipenerako soilik erakunde laguntzailea izatea eskatuz gero, erantsi "Datuak babesteko konpromisoa" sinatuta.

Eskaera jaitsi, bete eta igo Egoitza Elektronikoaren bidez.

Egoitza Elektronikoa

Ebazpena eta errekurtsoak

Ebazteko epea

6 hilabete eskaera egin denetik

Isilbidearen ondorioak

Gaitzetsiak