Euskadiko Minbizi Metastasikoaren Elkarteak (MAITE TA BIZI) antolatuta, ekitaldi honen helburua hurbiletik ezagutaraztea gaixotasuna, haren enpresa- eta lan-eragina, enpresak sentsibilizatzea langileengan eta haien familiengan bularreko minbizi metastasikoaren inguruan, eta TILs001 ikerketa-proiekturako dirua biltzea da.

Lourdes Íscar Osalaneko zuzendari nagusiak eman dio hasiera ekitaldiari, eta gizartea, oro har, eta langileak, zehazki, sentsibilizatzearen garrantzia azpimarratu du, lanpostuko lan-osasuna sustapen-planen bidez bermatzeko eta, ahal bada, hobetzeko eska dezaten. Bere hitzek pertsonarengan jarri dute arreta, eta osasunaren zaintzatik langilearen osasuna hobetzeko abian jarri behar diren tresnak azpimarratu ditu.

Ekitaldiak Mediolanum-en "Aproxima" ekimen solidarioaren aurkezpenarekin jarraitu du. Ondoren, antolatzaileak elkartearen misioa, lorpenak eta egungo proiektuak azaldu ditu, enpresek nola lagundu dezaketen eta ezberdintasuna nola markatu behar duten azpimarratuz.

Hitzaldi horren ondoren, TILs001 ikerketa-proiektuaren buru den Solti Taldeak aurreikuspenak laburbildu ditu pazienteen itxaropena eta bizi-kalitatea hobetu ahal izateko, eta ikerketak duen garrantzia familiako eta lan-inguruneko eragina murrizteko.

Amaitzeko, Marian Gerrikabeitiak mahai-inguru bat moderatu du. Bertan, pazienteek, senideek, enpresariek, psikoonkologoak eta Amaloha Casanova psikoneuroinmunologoak gai hauek jorratu dituzte: pazienteentzako eta familientzako lan-erronkak, lan-ingurune solidarioagoak eta inklusiboagoak sortzeko enpresen proposamenak eta enpresa-liderrak gero eta handiagoa den arazo horren inguruan sentsibilizatzeko beharra. Ekitaldia Lova Loisen musika emanaldiarekin itxi da.