•  San Josék espezializazioaren aldeko apustua nabarmendu du, lan-baldintzak eta espetxe-eredua hobetzea lortzeko

María Jesús San José Justizia eta Giza Eskubideen sailburuak astelehen honetako Gobernu Kontseiluan izendatuko du Pablo Martínez Larburu espetxeetako funtzionarioa Espetxe Zerbitzuen zuzendari. Transferentzia egin eta hiru urte eta erdi igaro ondoren, lehen aldiz sortu da kargua.

Martínez Larburu Zuzenbidean Lizentziatua da, eta Masterra du Kriminologian. Espetxeetan lan-esperientzia luzea du, jazarpen terroristan profesional horiek jopuntuak eduki zituen garaitik. Zerbitzu publiko honetan bokazio eta esperientzia handia ditu. Zuzendari berria jurista eta zuzendariordea izan zen Iruña Okako zentroan 2005era arte, Ibaiondoko Heziketa Zentroko arduraduna 2005etik 2021era, jurista Martutenen eta 2021etik gaur egunera Espetxe Kudeaketa programaren arduraduna.

Azken asteetan sindikatuekin izandako elkarrizketetan egon da, lan-baldintzen akordioa lortzeko asmoz. Lehentasuna izango da hori, errekurtso materialen kudeaketarekin batera. Zigor-ejekuzioak Justizia Zuzendaritzaren esku egoten jarraitzen du, Chema Bastos buru, berau ere espetxeetako profesionala. Biak aritu dira, beste bi arloko zuzendariekin batera, Alfonso Gómezen gidaritzapean, Justizia Sailburuordearenean, alegia.

Espetxe Zerbitzen Zuzendaritza sortzea sailburuak bere legebiltzarreko lehen parte hartzean iragarri zuen, hartutako eskumenaren espezializazioa lortzeko asmoz, beste eremu batzuetan funtzio sakabanatuak dituen lehen etaparen ondoren beste arlo batzuetan sakabanatutako funtzioen lehen etaparen ondoren. Aurreratu bezala, eta hala Dakar azaroaren 5ean onartutako eta ostegunean argitaratutako Sailaren egitura-dekretuak, bere egitekoei urtarrilaren 1ean ekingo dio.

Sailburuak, gauden momentua kontuan izanda, izendatzearen profila azpimarratu nahi izan du, izan ere, “badakigu zaila dela, negoziazio-prozesu oro definizioz horrelakoa baita. Baina konpromisoa hartu nuen Legebiltzarrarekin eta sindikatuekin espezializazioa lortzeko, eta baita espetxeetako beharrizanen dedikazio esklusiboa ere. Helburua trasnferentzia enuntziatu hutsa ez izatea da, baizik eta bertan lan egiten dutenen eta presoen baldintzak hobetzea. Eta izendapen honekin, koska eta zelda bakoitza ezagutzen duen norbait, zentroetan lan egiten duten edozein erakunde sakonki ezagutzen duen norbait izanik, konpromisoa berresten dut”, adierazi du.  

Behin izendapena balioduna denean, Martínez Larburuk zuzenduko ditu martxan dauden negozioazioak. Negozioazio-prozesu horretan, Sailaren nahia akordioa ahalik eta arinen lortzea da. Lan horretan Justizia Administrazioko zuzendariak lagunduko dio, orain arte eta behin-behinean bileren buru izan dena.

Informazio gehiago Irekia atarian (Leiho berrian irekiko da)