Retortillo sailburuak "Biosphere Responsible Tourism Destination" ziurtagiria jaso du FITURren

2017.eko urtarrilak 19

Turismo, Merkataritza eta Kontsumo sailburuak Turismo Arduratsuaren Institutuak, ITRk, eta Turismoaren Mundu Erakundeak, TMEk, helmuga turistiko eta arduratsu gisa Euskadiri emandako “Biosphere Responsible Tourism Destination” ziurtagiria jaso du gaur. Aitorpen horrek sailak hazkunde ekonomikoa sortzen duen turismoaren alde duen apustua bermatzen du turismo iraunkorraren ikuspegitik.

Euskadiren eredu turistikoa garapen turistiko iraunkor baterantz bideratzeko asmoarekin Eusko Jaurlaritzak duen konpromisoa Euskadin “Biosphere Responsible Tourism Destination” eredua abian jartzeko konpromiso-gutuna sinatuta gauzatu zen, Turismo Iraunkorraren Kontseilu Globalak (GSTC) bermatutako eta garapen iraunkorreko 17 helburuekin lerrokatutako irizpide globalen arabera.

Donostia, Jomuga Iraunkorren Biltzarraren egoitza 2017an

Turismo, Merkataritza eta Kontsumo Sailaren eta ITR-ren arteko lankidetzaren emaitza gisa, 2017an -NBEk Turismo Iraunkorraren Munduko Urtea izendatu du-, Donostiak Jomuga Iraunkorren Biltzarra hartuko du. Nazioarteko topaketa horrek garapen iraunkorreko 17 helburuen alderdi espezifikoak aztertu eta eztabaidatuko ditu eta, zehatzago, horietan helmuga turistikoek egin dezaketen ekarpena.