Administrazioak eskatutako prozedura

Arau-xedapen orokorrak

Deskribapena

Xedapen Orokorrak Egiteko Prozeduraren (AXO) helburua da Euskal Autonomia Erkidegoko Administrazio Orokorreko sailen, erakunde autonomoen eta gainerako erakundeen ekimenez sustatutako xedapen orokorrak izapidetzeko prozedura sinplifikatzea eta estandarizatzea.

Erregulazio onaren printzipioak, arauen ondorioak aldez aurretik aztertzeko tresnak, aurretiazko kontsulta eta herritarrek arau-proposamenak egiten parte hartzea sustatzen ditu. 

Arau-xedapen orokortzat hartzen dira ordenamendu juridikoa berritzen dutenak eta lege, legegintza-dekretu, dekretu edo agindu forma hartzen dutenak.

Nori dago zuzenduta

Xedapenaren xedearen eta izaeraren araberakoa da.

Arau-xedapenek herritarren eskubide eta interes legitimoei eragiten dietenean, entzunaldiaren izapidea egingo da, iragarki-taula elektronikoaren bidez.

Entzunaldi-izapidea zuzenean egingo da, edo, bestela, eragindako pertsonak biltzen edo ordezkatzen dituzten eta xedapenaren xedearekin lotura zuzena duten helburuak dituzten erakunde eta elkarteen bidez, legeak onartutakoak.

Era berean, eta xedapenaren izaerak hala eskatzen badu, jendaurrean jarriko da, iragarki-taula elektronikoaren bidez. Jendaurreko informazioaren izapidean agertzeak ez du berez interesdun-izaera ematen.

Hala ere, izapide honetan alegazioak edo oharrak aurkezten dituztenek eskubidea dute Administrazioarengandik erantzun arrazoitua jasotzeko.

Kontaktu-informazioa

Harremanetarako datuak

Harremanetarako datuak arau-dispozioaren proiektua sustatzen duen organo kudeatzaile bakoitzari dagozkionak izango dira.

Kodea(k)

Administrazioak eskatutako ofiziozko prozedura

Xedapen orokorrak egiteko prozedura xedapen horien gaiaren gainean eskumena duen saileko titularraren aginduz hasten da. Hau da, Administrazioak ofizioz hasitako prozedura da. Presazko deklarazioak txostenak edo alegazioak egiteko aurreikusitako epeak murrizteko gaituko du, betiere aurreikusitako epeen erdia baino laburragoa ez bada.

Hasierako fasea

Eusko Jaurlaritzako sailei zuzendutako aurretiazko kontsultaren izapidea

Hasteko agindua iragarki-taula elektronikoan argitaratzea, hala badagokio, erantsitako dosierra (fase honetan oraindik ez da beharrezkoa testu artikulatua), Eusko Jaurlaritzako sailei zuzendua, sail horiek oharrak egin ditzaten ekimenaren egokitasunari buruz. Argitalpen horrek esan nahi du automatikoki komunikatzen zaiela sail guztiei.

Herritarrei zuzendutako aurretiazko kontsultaren izapidea

Herritarrei zuzendutako aurretiko kontsultaren agindua/ebazpena edo iragarkia (sail sustatzaileak hura argitaratzea erabaki dezake) edo hasteko agindua eta, hala badagokio, erantsitako dosierra (fase honetan oraindik ez da testu artikulatua behar) iragarki-taulan argitaratzea.

Eduki horrek prozeduran zehaztutako interakzio-kanalak izango ditu (presentziala eta/edo elektronikoa), herritarren oharrak/alegazioak jasotzeko.

Mugarri horren epea 15 egunekoa izango da, argitaratzen den egunetik zenbatzen hasita. Sail sustatzaileak epe horiek luzatu ahal izango ditu.

Ekimena sustatu duen sailak erabakiko du argitalpen hori egin behar den ala ez.

Instrukzio-fasea

Jendaurreko informazioaren izapidea

Arau-xedapenak egiteko prozeduraren fase honetan, iragarki-taula elektronikoan honako dokumentu hauek argitaratuko dira:

  • Aldez aurreko onarpen-agindua, testu artikulatua eranskin gisa jasoko duena.
  • Arau-eraginari buruzko memoria
  • Hala badagokio, txosten juridikoa
  • Hala badagokio, memoria ekonomikoa

Epe hori hilabetekoa izango da, argitaratzen den egunetik aurrera. Sail sustatzaileak bi hilabetera luzatu ahal izango ditu epe horiek.

Eduki horrek iragarki-taula elektronikoan gaituta izango ditu prozeduran zehaztutako interakzio-kanalak (presentziala eta/edo elektronikoa), herritarren oharrak/alegazioak jasotzeko.

Entzunaldia

Entzunaldia zuzenean egingo zaie arauaren proiektuak eragindako eskubide eta interes legitimoak dituzten herritarrei, edo herritarrak biltzen edo ordezkatzen dituzten eta xedapenaren xedearekin zerikusia duten helburuak dituzten erakunde eta elkarteen bitartez.

Aipatutako erakunde eta elkarteek organikoki edo txosten edo kontsulta espezifikoen bidez parte hartzen badute araua egiteko prozesuan, ez da beharrezkoa izango interesdunei entzunaldia ematea.

Alegazioak aurkeztea

Aurretiazko kontsulta eta informazio publikoa Eusko Jaurlaritzaren egoitza elektronikoko iragarki-taula elektronikoan argitaratuz egingo da.

Iragarki-taula elektronikora eta argitalpenen edukira sartzeko ez da identifikazio elektronikorik behar.

Iragarki-taula elektronikoa

Iragarki Taula Elektronikoko argitalpen horien edukiak dagozkion alegazio-formularioak izango ditu, bai izapidetze presentzialerako, bai izapidetze elektronikorako.

Hala ere, alegazioak bitarteko elektronikoen bidez izapidetzeko, identifikazio elektronikoa beharko da.

Identifikatutako interesdunei entzuteko izapidea jakinarazpenen erretiluaren bidez egingo da. Interesdunak jakinarazpenen erretilu horretara sartuko dira Eusko Jaurlaritzaren egoitza elektronikoko "Nire karpeta" herritarren karpetaren bidez.

"Nire karpeta" n sartzeko, interesdunak elektronikoki identifikatu behar dira.

Nire karpeta

Alegazioak aurrez aurre aurkeztu ahal izango dira, Zuzenean herritarrentzako zerbitzuko edozein bulegotan.

Zuzenean: Herritarrentzako aurrez aurre zerbitzua

Gainera, alegazioak Administrazio Publikoen Administrazio Prozedura Erkidearen urriaren 1eko 39/2015 Legearen 16.4 artikuluan aurreikusitako edozein modutan aurkeztu ahal izango dira.

Epeak:

  • Alegazioak
    • Aurretiazko kontsulta arrazoizko epe batean egingo da, eta ez 15 egun baliodunetik beherakoa.
    • Jendaurrean jartzeko epea hilabetekoa izango da, eta bi hilabetera luza daiteke.
  • Administrazioaren erantzuna
    • Ez dago epe espliziturik Administrazioak interesdunen alegazioei erantzun arrazoitua emateko.
  • Baliabideak
    • Izapide horretara agertu ez arren, interesdunek administrazioarekiko auzi-errekurtsoa jarri ahal izango dute bi hilabeteko epean, dekretu eta aginduen kasuan, xedapena behin betiko onartzearen aurka.
  • Alegazio-ereduak
    • Iragarki-taula elektronikoko argitalpenen edukuak dagozkion alegazio-formularioak izango ditu, bai izapidetze presentzialerako, bai izapidetze elektronikorako.