2014ko diru-laguntzak, Euskal Autonomia Erkidegoko Administrazio Publikoko enplegatuen prestakuntzarako

• Euskal Autonomia Erkidegoko Administrazio Publikoa Informazio xehatua

  Deialdi honetan aurreikusitako laguntzen onuradun izan ahal izango dira beren langileentzat prestakuntza-plan edo -programak sustatzen dituztenak. Prestakuntza-plan edo -programak sustatu ahal izango dituzte:

  • Eusko Jaurlaritzako sailek eta haren erakunde autonomoek, beren langileei dagokienez.
  • Osakidetza Euskal Osasun Zerbitzua zuzenbide pribatuko erakunde publikoak.
  • Polizia eta Larrialdietako Euskal Akademiak, langile batzuei buruz, haien prestakuntza antolatzea berari badagokio.
  • Eusko Jaurlaritzako Herri Administrazio eta Justizia Sailak, Justizia Administrazioko langile batzuen prestakuntzari buruz, haren kudeaketa sail horri badagokio.
  • Hezkuntza, Hizkuntza Politika eta Kultura Sailak, irakasleen prestakuntzari buruz.

  Eskakizunak:

  • Entitatearen ordezkaritza

    Ordezkaritzaren xedapena aurkeztu behar da entitatearen ordezkariak izapidetza egiten badu. Ez da aurkeztu behar erakunde-ziurtagiriaren bitartez egiten bada.

• Prestakuntza-plana edo programa aurkeztea Informazio xehatua

  Erakunde bakoitzak prestakuntza-plan edo programa bakarra aurkeztu ahal izango du.

  Laguntzak eskatzeko aurkezten diren prestakuntza-plan edo programek izan beharko dute, gutxienez, Eusko Jaurlaritzako Ogasun eta Herri Administrazio Sailaren otsailaren 19ko 30/2008 Dekretuan (EHAA, 2008ko otsailaren 27koa) ezarritako edukia.

  Prestakuntza-plan edo programek, berariazko prestakuntza-eskaintzaz gain, honako ekintza hauetakoren bat edo batzuk jaso ahal izango dituzte:

  • prestakuntza-edukiak diseinatzea edo prestatzea
  • ikaskuntzako sareak ezartzea, aldi baterakoak nahiz iraunkorrak
  • irakaskuntza materiala diseinatzea, prestatzea eta argitaratzea, prestakuntzan erabiltzen den edozein euskarritan
  • 2014. urteko edo hurrengo urteetako prestakuntza-planak oinarri izango dituen prestakuntza-beharrizanen diagnostikoa egitea
  • erakundeak garatutako prestakuntzaren aprobetxamendu, transferentzia edo eraginaren ebaluazioa aztertzea

 Laguntza hauen zuzkidurak, gehienez, zenbateko hauek izango dituzte, erakunde motaka banatuta:

• Erakunde bati esleitzen zaion laguntzak ezingo du gainditu erakundearen prestakuntza-plan edo programaren kostuaren %50a.
• Eusko Jaurlaritzako Sailen eta Erakunde Autonomoen kasuan, eskatutako zenbatekoan batura aurreikusitako zuzkidura baino handiagoa bada, honako proportzio hau hartuko da kontuan: entitate bakoitzak duen langile-kopurua, mota bereko entitate eskatzaile guztietako langile-kopuruaren aldean.
• Entitate onuradunen batek ez badu agortzen aurreikusitako diru-kopurua, esleitu gabe geratu den kopurua beste motetako entitateen artean banatu ahal izango da.

• %80a, prestakuntza-plan edo programak gauzatzeagatiko diru-laguntzak esleitzen dituen ebazpena argitaratzen denean. Ordainketa hori planaren edo programaren kontura emandako entregatzat hartuko da.
• Gainerako %20a, plana edo programa bete dela justifikatu ondoren.
• Egindako justifikaziotik ondorioztatzen bada prestakuntza-plana edo programa ez dela bete edo zati batean bakarrik bete dela, ondorio den likidazioa egingo da, planaren betearazpen-maila eta kontura jasotako diru-kopurua kontuan hartuta.
• Erakundeak egokitu zaiona baino gehiago jaso badu, itzuli egin beharko du behar ez den bezala jasotako kopuru hori.