Egoitza elektronikoa

Kontsulta

Kontsulta erraza

Zerbitzuak


Azken aldizkaria RSS

Euskal Herriko Agintaritzaren Aldizkaria

57. zk., 2014ko martxoaren 24a, astelehena


Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

BILBOKO LEHEN AUZIALDIKO 6 ZENBAKIKO EPAITEGIA
1399

EDIKTUA, ezkontzaz kanpoko seme-alabentzako neurriei buruz bideratutako 631/13 prozeduraren ondoriozkoa.

Bilboko Lehen Auzialdiko 6 zenbakiko Epaitegia (Familia).

Judizioa: 631/13 ezkontzaz kanpoko seme-alabentzako neurriak.

Alderdi demandatzailea: Nani Pedro Rodrigues.

Alderdi demandatua: Bubacar Bari.

Gaia: guraso eta seme-alaben arteko harremanei buruzko neurriak.

Judizio horretan ebazpena eman da, eta honela dio:

110/14 EPAIA

Epailea: Isabel Elexpuru Eguia.

Lekua: Bilbao (Bizkaia).

Eguna: bi mila eta hamalauko martxoaren bosta.

Alderdi demandatzailea: Nani Pedro Rodrigues.

Abokatua: Luis Maria Gonzalez Aguirre.

Prokuradorea: Amalia Rosa Saenz Martin.

Alderdi demandatua: Bubacar Bari.

Parte-hartzaileak: Fiskaltza.

Judizioko gaia: seme adingabearekiko neurri ekonomikoak eta pertsonalak hartzea.

EPAITZA

Partez baiesten dut Saenz Martin prokuradoreak, Nani Pedro Rodriguesen izenean eta ordezkaritzan, XXXXX seme adingabearentzako neurri pertsonalak eta mantenu-neurriak hartzeko eskatuz aurkeztutako demanda, auzi-ihesean den Bubacar Bari aitaren aurka. Horrenbestez, eta Bizkaiko Probintzia Fiskaltza parte delarik, XXXXX adingabekoari dagokionez, honako neurri pertsonal eta mantenu-neurri hauek hartzen ditut:

1.– XXXXXren zaintza eta jagoletza Nani Pedro Rodrigues amari ematen zaizkio, bai eta guraso-ahala esklusiboki baliatzea ere.

2.– Bubacar Barik, XXXXX semearen mantenu-pentsio gisa ehun (100) euro ordainduko du hilean. Zenbateko hori, hileko lehenengo bost egunetan sartuko du, guraso jagoleak horretarako zehazten duen bankuko kontuan. Zenbateko hori urtero eguneratu beharko da, betiere Estatistikako Institutu Nazionalak argitaratutako Kontsumoko Prezioen Indizeak duen aldakuntzarekin bat etorriz.

3.– Bien semeak izaten dituen ezohiko gastuak, bi gurasoek erdibana ordainduko dituzte.

4.– Ez da jagoletzarik ez duen gurasoaren eta seme adingabearen arteko bisita-erregimenik ezartzen.

Ez da kosturik ezartzen.

Aurkaratzeko modua: Bizkaiko Probintzia Auzitegian aurkeztutako apelazio-errekurtsoaren bidez (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den, apelatutako ebazpena zein den eta zein erabaki aurkaratzen den (PZLb, 458.2 artikulua).

Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banesto taldean (Banco Español de Crédito) duen Gordailuan eta Zainpean jartzeko Kontuan. Kontuaren zenbakia hauxe da: 4710. Ordainagiriaren kontzeptua idazteko hutsunean, «errekurtsoa» dela adierazi beharko da (kodea: 02-Apelazioa). Diru-kopuru hori zainpean utzi izana egiaztatu egin beharko da errekurtsoa aurkeztean (BJLOko 15. xedapen gehigarria).

Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak, eta doako laguntza juridikorako eskubidea aitortua dutenak.

Alderdi demandatzaileari ez zaio apelazio-errekurtsoa onartuko, baldin eta idatziz adierazten ez badu epemugatutako errentak eta kontratuaren arabera aurretiaz ordaindu beharrekoak ordainduta dituela (PZL, 449.1 artikulua).

Eta, epai honen bidez, erabaki, agindu eta sinatzen dut.

Argitalpena: epaiari dagokion egunean, jendaurreko entzunaldia egiten ari zelarik, epaia eman zuen magistratu berberak eman, irakurri eta argitaratu zuen. Berau eman zuen magistratua entzunaldi publikoan izanik epaiari dagokion egunean, nik, idazkari judiziala naizenez, horren guztiaren fede ematen dut Bilbon (Bizkaia), bi mila eta hamalauko martxoaren bostean.

Alderdi demandatuaren gaur egungo helbidea edo bizilekua ezezaguna denez gero, Prozedura Zibilaren 1/2000 Legearen 156.4 eta 164. artikuluetan xedatutakoarekin bat etorriz, ediktu hau epaitegi honetako iragarki-oholean eta Euskal Herriko Agintaritzaren Aldizkarian argitaratzea ebatzi du epaileak, epaia jakinarazteko eginbidea gauza dadin.

Bilbao (Bizkaia), 2014ko martxoaren 5a.

IDAZKARI JUDIZIALA.


Azterketa dokumentala