Euskal Herriko Agintaritzaren Aldizkaria

64. zk., 2011ko apirilaren 1a, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Justizia Administrazioa

Vitoria-Gasteizko Lehen Auzialdiko 1 Zenbakiko Epaitegia

1896

EDIKTUA, oro har kontratuei buruz bideratutako 471/10 prozedura arruntaren ondoriozkoa.

Vitoria-Gasteizko Lehen Auzialdiko 1 zenbakiko Epaitegia.

471/10 prozedura arrunteko judizioa.

Alderdi demandatzailea: Sergio Argote Buces eta Maria Amparo García García.

Alderdi demandatua: Raúl Enrique Gil Martínez de San Vicente eta Zuriñe Gil Martínez de San Vicente.

Gaia: kontratuak, oro har.

Aipatutako judizioan ebazpena eman da. Hona hemen ebazpen horren testua:

262/10 EPAIA

Epailea: Yolanda Varona Alfambra.

Lekua: Vitoria-Gasteiz.

Eguna: bi mila eta hamarreko abenduaren hamazazpia.

Alderdi demandatzailea: Sergio Argote Buces eta Maria Amparo García García.

Abokatua.

Prokuradorea: Carmen Carrasco Arana eta Carmen Carrasco Arana.

Alderdi demandatua: Raúl Enrique Gil Martínez de San Vicente eta Zuriñe Gil Martínez de San Vicente.

Abokatua.

Prokuradorea.

Judizioaren gaia: kontratuak, oro har.

EPAITZA

Osorik baietsi dut Carrasco Arana prokuradoreak Sergio Argorte Buces eta María Amparo García Garcíaren ordez aurkeztutako demanda, Raúl Enrique Gil Martínez de San Vicente eta Zuriñe Gil Martínez de San Vicenteren aurkakoa. Eta ondoko kondenak ezartzen ditut:

Argoteri ondokoak ordaintzera kondenatzen dut Raúl Enrique: 12.000 euro, hilean 1.000 euro hamar hilabetez (lehenengo ordainketa 2010eko abenduan eta azkena 2011ko irailean), demanda aurkeztu denetik hasieran eskatutako zenbatekoari legezko interesa aplikatzearen ondoriozko zenbatekoa, eta dagokion epemugatze bakoitzaren ondorengo epeen interes bera aplikatzearen ondoriozko zenbatekoa.

Zuriñe, berriz, García Garcíari ondokoak ordaintzera kondenatzen dut: 12.000 euro, hilean 1.000 euro hamar hilabetez (lehenengo ordainketa 2010eko abenduan eta azkena 2011ko irailean), demanda aurkeztu denetik hasieran eskatutako zenbatekoari legezko interesa aplikatzearen ondoriozko zenbatekoa, eta dagokion epemugatze bakoitzaren ondorengo epeen interes bera aplikatzearen ondoriozko zenbatekoa.

Demandatuari ezartzen dizkiot kostuak.

Aurkaratzeko modua: apelazio-errekurtsoa, Arabako Probintzia Auzitegian (PZLb, 455. artikulua). Errekurtsoa prestatzeko, idazkia aurkeztu behar da epaitegi honetan, bost egun balioduneko epean, ediktu hau jakinarazi eta biharamunetik aurrera. Idazki horretan, bestalde, hauek adieraziko dira: apelatutako ebazpena, errekurritzeko nahia eta zein erabaki aurkaratzen den (PZLb, 457.2 artikulua).

Errekurtsoa jarri ahal izateko, 50 euroko gordailua aurkeztu beharko da, eta baldintza hori bete ezean ez da hura izapidetzea onartuko. Gordailua egiteko, zenbateko hori epaitegi honek Banesto taldean (Banco Español de Crédito) duen Gordailu eta Kontsignazioen kontuan (kontu-zenbakia: 0009 0000 04 047110) kontsignatu beharko da. Ordainagiriaren kontzeptua idazteko hutsunean, «Errekurtsoa» dela adierazi behar da (kodea: 02-Apelazioa). Errekurtsoa prestatzerakoan egiaztatu egin beharko da zainpean jarritako diru-zenbatekoa (BJLO, 15. xedapen gehigarria).

Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak eta doako laguntza juridikorako eskubidea aitortua dutenak.

Eta epai honen bidez erabaki, agindu eta sinatzen dut.

Argitalpena.- Epaiari dagokion egunean, jendaurreko entzunaldia egiten ari zelarik, epaia eman zuen magistratu berberak eman, irakurri eta argitaratu zuen. Eta nik, Epaitegiko idazkari naizenez, guzti horren fede ematen dut Vitoria-Gasteizen, 2010eko abenduaren hamazazpian.

Zuriñe Gil Martínez de San Vicente demandatuaren gaur egungo helbidea edo bizilekua ezezaguna denez gero, Prozedura Zibilari buruzko 1/2000 Legearen 156.4 eta 164. artikuluetan xedatutakoarekin bat etorriz, ediktu hau Euskal Herriko Agintaritzaren Aldizkarian argitaratzea ebatzi du epaileak, epaia jakinarazteko eginbidea gauza dadin.

Vitoria-Gasteiz, 2011ko martxoaren 3a.

IDAZKARI JUDIZIALA.