RSS
11. zk., 2022ko urtarrilaren 18a, asteartea
- Bestelako formatuak:
- PDF (240 KB - 2 orri.)
- EPUB (220 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
IRAGARKIAK
Beste iragarki ofizial batzuk
EKONOMIAREN GARAPEN, JASANGARRITASUN ETA INGURUMEN SAILA
270
IRAGARKIA, Eusko Jaurlaritzako Nekazaritza eta Abeltzaintzako zuzendariaren 2021eko urriaren 6ko Ebazpenak jakinarazteari buruzkoa. Ebazpen horien bidez, klima eta ingurumenerako jardunbide onuragarriak aplikatzeko laguntzak (GR), 2020ko kanpaina, eman eta ordaintzeko agindu da eta 2020ko finantza-ekitaldiko finantza-diziplinaren itzulketa gisa ordainketa gehigarria egitea agindu da. 2021eko finantza-ekitaldian finantza-diziplinaren murrizketaren mende egon diren onuradunei egin behar zaizkie ordainketak, FEAGA funtsaren kargura.
Aipatutako ebazpenak zuzenean jakinaraztea lortu ez denez, iragarki hau argitaratzen da, Administrazio Publikoen Administrazio Prozedura Erkidearen urriaren 1eko 39/2015 Legeak 44. artikuluan eta hirugarren xedapen gehigarrian xedatutakoa betetzeko.
Ebazpen horiek ez diote amaiera ematen administrazio-bideari, eta, haien aurka, gora jotzeko errekurtsoa jar dakioke Nekazaritzako, Arrantzako eta Elikagai Politikako sailburuordeari, hilabeteko epean, ebazpena jakinarazi eta hurrengo egunetik aurrera.
Ebazpenak Eusko Jaurlaritzako Nekazaritza eta Abeltzaintza Zuzendaritzan euskuratu daitezke (Donostia kalea 1, O eraikina, 4. solairua, 01010 Vitoria-Gasteiz).
Eranskinean aipatutako interesdunak jakitun jartzeko ematen da aditzera hau, eta jakinarazpenaren balioa izango du haientzat.
Jakinarazpen honek Estatuko Aldizkari Ofizialean argitaratu eta hurrengo egunetik aurrera izango ditu ondorioak.
Vitoria-Gasteiz, 2022ko urtarrilaren 3a.
Nekazaritza eta Abeltzaintzako zuzendaria,
JORGE GARBISU BUESA.
