Euskal Herriko Agintaritzaren Aldizkaria

35. zk., 2021eko otsailaren 17a, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

AGINTARIAK ETA LANGILERIA

Oposaketak eta lehiaketak

OSAKIDETZA-EUSKAL OSASUN ZERBITZUA

886

25/2021 EBAZPENA, otsailaren 1ekoa, Emergentziak erakundeko zuzendari gerentearena, zeinaren bidez bete gabe uzten den Osakidetzako Emergentziak Erakundean Mantentze-lanetako eta Instalazioetako Buru lanpostua (parkeko arduraduna) izendapen askez betetzeko deialdia.

Emergentzietako zuzendari gerentearen azaroaren 27ko 151/2020 Ebazpenaren bidez, Emergentziak Erakundean Mantentze-lanetako eta Instalazioetako Buru lanpostua (parkeko arduraduna) izendapen aske bidez betetzeko deialdia onartu zen.

Eskabideak aurkezteko epea amaituta, eta onartutako hautagai bakarra deialdiko lanpostuaren profilera egokitzen ez denez, deialdia hutsik utziko da.

Adierazitakoagatik, pertsonalaren alorrean indarrean dagoen legediak Zuzendaritza Gerentzia honi aitortutako ahalmenez baliatuta, hauxe

EBAZTEN DU:

Lehenengoa.– Bete gabe uztea Emergentziak Erakundean Mantentze-lanetako eta Instalazioetako Buru lanpostua (parkeko arduraduna) izendapen askez betetzeko deialdia.

Bigarrena.– Ebazpen hau Osakidetzako intranetean eta EHAAn argitaratzea.

Hirugarrena.– Ebazpen honen aurka gora jotzeko errekurtsoa aurkeztu ahal izango zaio Osakidetzako zuzendari nagusiari. Horretarako, hilabeteko epea izango da, Ebazpen hau EHAAn argitaratu eta hurrengo egunetik aurrera.

Bilbao, 2021eko otsailaren 1a.

Emergentziak erakundeko zuzendari gerentea,

OSCAR ALLER GARCIA.

Azterketa dokumentala