Egoitza elektronikoa

Kontsulta

Kontsulta erraza

Zerbitzuak


Azken aldizkaria RSS

Euskal Herriko Agintaritzaren Aldizkaria

229. zk., 2020ko azaroaren 18a, asteazkena


Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

EKONOMIAREN GARAPEN, JASANGARRITASUN ETA INGURUMEN SAILA
4952

EBAZPENA, 2020ko azaroaren 11koa, Nekazaritza eta Abeltzaintzako zuzendariarena, zeinaren bidez jakinarazten baita 2019ko ekitaldian eta Euskal Autonomia Erkidegoko nekazarien eta baso-ekoizleen elkarteei eta horien batasun edo federazioei buruzko urtarrilaren 30eko 10/2018 Dekretuaren esparruan emandako dirulaguntzen onuradunen zerrenda.

Euskal Autonomia Erkidegoko nekazarien eta baso-ekoizleen elkarteei eta horien batasun edo federazioei buruzko urtarrilaren 30eko 10/2018 Dekretuaren helburua da Euskal Autonomia Erkidegoko ekoizpena elkarrekin merkaturatzen duten nekazarien elkarteak eta horien batasunak aitortzeko oinarrizko arauak eta betekizunak ezartzea.

Ekonomiaren Garapeneko eta Azpiegituretako sailburuaren 2019ko urriaren 1eko Aginduaren bidez, nekazarien eta baso-ekoizleen elkarteentzako eta horien batasun edo federazioentzako 2019ko ekitaldirako laguntzen deialdia egin zen. Laguntza horiek 2015-2020ko Euskadiko Landa Garapenerako Programan jasota daude.

Otsailaren 14ko 43/2017 Dekretuaren 22. artikuluan ezarritakoarekin bat (dekretu horretan, 2015-2020 aldirako Euskadiko Landa Garapenerako Programan jasota dauden laguntzen esparru-araudia ezartzen da), eta 2019ko urriaren 1eko Agindu horren zazpigarren ebazpenean xedatutakoari jarraikiz, Nekazaritza eta Abeltzaintzako zuzendariak aurkeztu ziren eskaerak ebatzi zituen, eskaera eta dokumentu horiek aztertu eta gero, eta balorazio-batzordeak egin duen proposamena ikusirik.

Euskal Autonomia Erkidegoko Ogasun Nagusiaren Antolarauei buruzko Legearen testu bategina onartzen duen azaroaren 11ko 1/1997 Legegintzako Dekretuaren 49. artikuluaren bigarren paragrafoaren 2. apartatuan xedatutakoa betez, eta ebazpenak banan-banan jakinarazi behar badira ere, haren babesean emandako laguntzak eta onuradunak Euskal Herriko Agintaritzaren Aldizkarian argitaratuko dira.

Azaldutako guztiagatik, honako hau

EBAZTEN DUT:

Lehenengoa.– Argitaratzea, jende guztia jakinaren gainean egon dadin, urtarrilaren 30eko 10/2018 Dekretuaren babesean 2019ko ekitaldian emandako laguntzen onuradunen zerrenda. Dekretu hori Euskal Autonomia Erkidegoko nekazarien eta baso-ekoizleen elkarteei eta horien batasun edo federazioei buruzkoa da (aipatutako zerrenda ebazpen honen eranskinean dago).

Bigarrena.– Ebazpen honen aurka, interesdunek gora jotzeko errekurtsoa jarri ahal izango diote Nekazaritzako, Arrantzako eta Elikagai Politikako sailburuordeari, hilabeteko epean, ebazpena EHAAn argitaratu eta biharamunetik aurrera.

Vitoria-Gasteiz, 2020ko azaroaren 11.

Nekazaritza eta Abeltzaintzako zuzendaria,

JORGE GARBISU BUESA.

ERANSKINA
EUSKAL AUTONOMIA ERKIDEGOKO NEKAZARIEN ETA BASO-EKOIZLEEN ELKARTEEI ETA HORIEN BATASUN EDO FEDERAZIOEI BURUZKO URTARRILAREN 30EKO 10/2018 DEKRETUAREN ESPARRUAN 2019KO EKITALDIAN EMANDAKO DIRULAGUNTZEN ONURADUNEN ZERRENDA.
(Ikus .PDF)

Azterketa dokumentala