RSS
204. zk., 2020ko urriaren 16a, ostirala
- Bestelako formatuak:
- PDF (236 KB - 1 orri.)
- EPUB (219 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
AGINTARIAK ETA LANGILERIA
Izendapenak, egoerak eta gorabeherak
EUSKAL HERRIKO UNIBERTSITATEA
4284
EBAZPENA, 2020ko urriaren 9koa, Universidad del País Vasco / Euskal Herriko Unibertsitateko errektorearena, lehiakide bat Unibertsitateko Irakasle Titularra izendatzeko dena. Unibertsitateko irakasleen kidegoetako funtzionarioaren plaza hori betetzeko lehiaketarako deia 2020ko urtarrilaren 16ko Ebazpenaren bidez egin zen (2020-01-29ko BOE eta 2020-02-11ko EHAA).
2020ko urtarrilaren 16ko Ebazpenaren bidez (2020-01-29ko BOE eta 2020-02-11ko EHAA) argitara emandako lehiaketa epaitu behar duen batzordearen proposamena ikusita, eta proposatutako lehiakideak deialdian aipatutako dokumentuak aurkeztu ondoren (deialdiko 9. oinarria), errektoreak ondoren zehazten den izendapena egitea ebatzi du, 6/2001 Lege Organikoko 65. artikuluak emandako ahalmenez baliatuta (abenduaren 21eko Legea, Unibertsitateena; abenduaren 24ko BOE), bai eta lege horrekin bat datozen xedapenek emandakoez ere:
Aitor Larrañaga Arrizabalaga jauna (NAN: ***7070**) Unibertsitateko irakasle titularrak. Jakintza arloa: «Ekologia». Kodea: TUC8/1-D00118-51 Saila: Landareen Biologia eta Ekologia. Ikastegia: Zientzia eta Teknologia Fakultatea. Hizkuntz eskakizuna: hirueleduna (euskera/gaztelera/ingelesa); Arduraldia: osoa; Egin beharreko irakaskuntza eta ikerkuntza lanak: «Ekologia», «Kartografia, GIS eta Teledetekzioa» eta «Limnologia».
Izendatutako lehiakideak 20 laneguneko epea izango du, ebazpena Estatuko Aldizkari Ofizialean argitaratzen den egunaren biharamunetik hasita, plaza horren jabe egiteko.
Leioa, 2020ko urriaren 9a.
Errektorea.
Eginkizunak eskuordetuta (Ebazpena, 2017ko urtarrilaren 25ekoa, errektorearena, 2017-02-03ko EHAA).
Irakasle-ikertzaileen arloko errektoreordea,
INMACULADA GUERRICAGOITIA MARINA.
