188. zk., 2020ko irailaren 23a, asteazkena
- Bestelako formatuak:
- PDF (218 KB - 1 orri.)
- EPUB (219 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
BESTELAKO XEDAPENAK
HEZKUNTZA SAILA
3815
AGINDUA, 2020ko irailaren 15ekoa, Hezkuntzako sailburuarena, Tolosan (Gipuzkoa) dagoen «Herrikide Gainberri» Haur Eskola Pribatuaren titulartasuna aldatzeko baimena emateko dena.
Tolosan (Gipuzkoa) dagoen «Herrikide Gainberri» Haur Eskola Pribatuaren titulartasuna aldatzeko baimena eskatzeko ikastetxe horren titularra den «Misioneras Hijas del Corazón de María» erakundearen legezko ordezkariak abiarazitako espedientea aztertu da.
Espediente hori ezarritako prozeduraren arabera izapidetu da, indarreko arauek eskatzen dituzten agiriak erantsi zaizkio, eta arlo horretan eskumena duten erakundeek horri buruzko txostena eman dute.
Arau hauek hartu dira kontuan: Heziketarako eskubidea arautzen duen uztailaren 3ko 8/1985 Lege Organikoa; Ikastetxe pribatuetan unibertsitateaz kanpoko araubide orokorreko irakaskuntzak emateko baimenei buruzko apirilaren 3ko 332/1992 Errege Dekretua; apirilaren 3ko 332/1992 Errege Dekretua aldatzen duen otsailaren 12ko 131/2010 Errege Dekretua, eta gai horretan aplikatzekoak diren gainerako legeak. Horiek horrela, honako hau
EBAZTEN DUT:
1. artikulua.– «Herrikide Gainberri» Haur Eskola Pribatuaren titulartasuna aldatzeko baimena ematen da: egun titulartasuna «Misioneras Hijas del Corazón de María» erakundeak dauka eta aurrerantzean «Fundación Educativa Jesuitinas» erakundeak izango du, zeinak subrogatuko baititu ikastetxeak zituen betebeharrak eta eskubideak. Ikastetxea Gipuzkoan dago, Tolosa udalerriko Garmendiola aldapako 2. zenbakian. Kode-zenbakiak: 012567 eta 20005130.
2. artikulua.– Titulartasun-aldaketa Ikastetxeen Erregistroan inskribatuko da eta ez du inolako eraginik izango ikastetxearen ohiko jardunean.
AZKEN XEDAPENETAKO LEHENENGOA
Agindu honek ondorioak izango ditu Euskal Herriko Agintaritzaren Aldizkarian argitaratu eta hurrengo egunean.
AZKEN XEDAPENETAKO BIGARRENA
Agindu honen aurka, aukerako berraztertze-errekurtsoa aurkez dakioke Hezkuntzako sailburuari, hilabeteko epean, agindua Euskal Herriko Agintaritzaren Aldizkarian argitaratu eta biharamunetik aurrera; bestela, administrazioarekiko auzi-errekurtsoa aurkez daiteke Euskal Autonomia Erkidegoko Justizia Auzitegi Nagusian, bi hilabeteko epean, agindua Euskal Herriko Agintaritzaren Aldizkarian argitaratu eta hurrengo egunetik aurrera.
Vitoria-Gasteiz, 2020ko irailaren 15a.
Hezkuntzako sailburua,
JOKIN BILDARRATZ SORRON.