Euskal Herriko Agintaritzaren Aldizkaria

38. zk., 2020ko otsailaren 25a, asteartea

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

ENPLEGUKO ETA GIZARTE POLITIKETAKO SAILA
HEZKUNTZA SAILA

1094

AGINDUA, 2020ko otsailaren 4koa, Enpleguko eta Gizarte Politiketako sailburuarena eta Hezkuntza sailburuarena. Haren bitartez, «Harrobia» titulartasun pribatuko ikastetxe ari baimena ematen zaio Euskal Autonomia Erkidegoan titulartasun pribatuko Lanbide Heziketako Ikastetxe integratua izateko.

Hezkuntza, Unibertsitate eta Ikerketako sailburuaren 2002ko martxoaren 5eko Aginduaren bidez 2002-2003 ikasturtetik aurrera baimena ematen zaio «Fundación Ibar Ezkerra Lanbide Ikastola, Sociedad Cooperativa» berariazko Lanbide Heziketako ikastetxe pribatuari ikastetxea ireki eta jardunean jartzeko (2002ko apirilaren 19ko EHAA).

Hezkuntza, Unibertsitate eta Ikerketako sailburuaren 2013ko irailaren 17ko Aginduaren bidez baimena ematen zaio CPES «Fundación Ibar Ezkerra Lanbide Ikastola, S. Coop.» BHIP ikastetxe pribatuari izen espezifikoa aldatzeko: aurrerantzean CPES «Harrobia» BHIP izango du izena (2013ko urriaren 29ko EHAA).

Kualifikazioen eta Lanbide Heziketaren ekainaren 19ko 5/2002 Lege Organikoak Lanbide Heziketako 3 sistemak bateratzeko oinarria jarri zuen: Hezkuntza-sistemaren Lanbide Heziketa, lanerako Lanbide Heziketa eta etengabeko prestakuntza, azken bi hauek enplegurako Lanbide Heziketaren sisteman txertatuta.

Bateratzeko baliabide berri gisa, legeak 11. artikuluan aurreikusten du Lanbide Heziketako ikastetxe integratuak sortzea. Ikastetxe integratuak tituluak eta profesionaltasun-ziurtagiriak lortzeko heziketa-eskaintza guztiak eskaintzen dituzten ikastetxe ak dira, administrazioek dituzten eskumenen eremuan sortu eta baimendu ditzaketenak, beti ere, legeak ezartzen dituen baldintza eta betekizunekin.

Abenduaren 23ko 1558/2005 Errege Dekretuak, Lanbide Heziketako ikastetxe integratuen oinarrizko baldintzak arautzen dituenak, Kualifikazioen eta Lanbide Heziketaren ekainaren 19ko 5/2002 Lege Organikoak 11. artikuluan ezarritakoa garatzen du, eta 5. eta 6. artikuluan, hurrenez hurren, zehazten ditu ikastetxe integratuen xedeak eta funtzioak.

Profesionaltasun-ziurtagiriak arautzen dituen urtarrilaren 18ko 34/2008 Errege Dekretuaren 12. artikuluan ezartzen da zer ikastetxek emann ditzaketen ziurtagiriei lotutako prestakuntza-ekintzak, 2.a) puntuan beren-beregi aipatuta Lanbide Heziketako ikastetxe integratuak.

Euskal Autonomia Erkidegoko Lanbide Heziketako ikastetxe integratuak arautzen dituen apirilaren 1eko 46/2014 Dekretuak ezartzen ditu Lanbide Heziketako ikastetxe integratuek bete behar dituzten baldintzak eta 8. artikuluan xedatzen du hezkuntzaren eta enpleguaren alorrean eskumena duten sailek baimen ditzaketela, batera emango duten agindu baten bidez, eta ikastetxe pribatuaren titularrak eskatuta, Lanbide Heziketako ikastetxe pribatu integratuak, dekretu honetan eta aplikagarri diren arauetan ezarritako baldintzen arabera.

Bigarren Hezkuntzako Harrobia Ikastetxe pribatuak eskatuta, Lanbide Heziketako ikastetxe integratua izateko baimen-espedienteari hasiera eman zaio. Espedientea izapidetuta, baieztatu eta egiaztatu ondoren, Enpleguko eta Gizarte Politiketako sailburuaren eta Hezkuntzako sailburuaren 2017ko martxoaren 14ko Aginduak ezartzen dituen baldintzak Euskal Autonomia Erkidegoan titulartasun pribatuko Lanbide Heziketako ikastetxe integratuak baimentzeko,

XEDATZEN DUGU

1. artikulua.– Titulartasun pribatuko Lanbide Heziketako Ikastetxe Integratua baimentzea.

Euskal Autonomia Erkidegoko Lanbide Heziketako ikastetxe integratuak arautzen dituen apirilaren 1eko 46/2014 Dekretuaren 8. artikuluak ezartzen duenaren arabera, Harrobia bigarren hezkuntzako ikastetxe pribatua Lanbide Heziketako ikastetxe integratua bilakatzen da, ondorengo datu hauekin:

a) Izen generikoa: Lanbide Heziketako Ikastetxe Pribatu Integratua.

b) Izen espezifikoa: «Harrobia».

c) Kode zenbakia: 48015748.

d) Titularra: «Ibar Ezkerra Ikastola Sociedad Cooperativa».

e) Helbidea: Plaza de la Cantera, 4.

f) Herria: Bilbao.

g) Udala: Bilbao.

h) Lurralde historikoa: Bizkaia.

«Harrobia» titulartasun pribatuko Lanbide Heziketako Ikastetxe integratua, hasierako lanbide heziketaren irakaskuntzei dagokienez, Hezkuntza Sailaren mendeko ikastetxe publiko integratu bati atxikituko zaio.

2. artikulua.– Heziketa eskaintza eta ikasleak.

1.– Hauek izango dira ikastetxeak bere prestakuntza-jardueretan sartuko dituen irakaskuntzak: hasierako Lanbide Heziketari dagozkionak, enplegua hobetzeko ekintzei dagozkienak, eta bizialdi osoko irakaskuntzari dagozkionak, lanean dabilen langileriarentzat direnak. Jarduera hauek lan-ingurunearen premiei erantzun behar diete, betiere sailen eta organo eskudunen baimena izanik.

2.– Apirilaren 1eko 46/2014 Dekretuaren 2. artikuluko 3. puntuan adierazitakoaren arabera, Lanbide Heziketako ikastetxe integratuek, baimenduta dituzten lanbide-familia edo –arloei dagozkien prestakuntza-eskaintzaz gain, lanbide-informazio eta –orientazioko zerbitzuak ere eskainiko dituzte, eta, hala badagokio, berariazko araudian zehazten denaren arabera, baita beste ikaskuntza ez formal batzuen bidez edo lan-eskarmentuaren bidez –kualifikazioen eta Lanbide Heziketaren sistema nazionalaren esparruan- lortutako gaitasuna ebaluatzeko zerbitzuak eta kalitatezko prestakuntza, enplegagarritasuna, berrikuntza eta ekintzailetza sustatzen duten beste zerbitzu batzuk ere.

3. artikulua.– Hezkuntza administrazioak baimendutako irakaskuntzak.

1.– Lanbide-arloa: jarduera fisikoak eta kirolak.

a) «Natur-ingurunean gorputz- eta kirol-ekintzak gidatzea», erdi-mailako heziketa-zikloa. Edukiera: ziklo 1.

b) «Egokitze fisikoa», goi-mailako heziketa-zikloa. Edukiera: ziklo 1.

c) «Gorputz eta kirol ekintzak sustatzea», goi-mailako heziketa-zikloa. Edukiera: ziklo 1.

2.– Lanbide-arloa: merkataritza eta marketina.

a) «Marketina eta publizitatea», goi-mailako heziketa-ziloa. Edukiera: ziklo 1.

3.– Lanbide-arloa: irudia eta soinua.

a) «3D animazioak, jokoak eta ingurune elkarreragileak», goi-mailako heziketa-zikloa. Edukiera: ziklo 1.

4.– Lanbide-arloa: informatika eta komunikazioak.

a) «Mikroinformatika sistemak eta sareak», erdi-mailako heziketa-zikloa. Edukiera: ziklo 1.

b) «Plataforma anitzeko aplikazioen garatzea», goi-mailako heziketa-zikloa. Edukiera: ziklo 1.

4. artikulua.– Lanbide-administrazioak baimendutako irakaskuntzak.

1.– Lanbide-arloa: gorputz eta kirol ekintzak.

a) «Taldeko egokitze fisikoa musikaren laguntzaz», profesionaltasun-ziurtagiria.

b) «Egokitze fisikoa erabilera anitzeko entrenamendu-gelan», profesionaltasun-ziurtagiria.

c) «Ahalmen urriko pertsonentzako gorputz-kirol eta jolas-animazioa», profesionaltasun-ziurtagiria.

d) «Sorospen-zerbitzuen koordinazioa ur-instalazioetan eta ur-ingurune naturaletan», profesionaltasun-ziurtagiria.

e) «Mendi txiki eta ertainetako ibilbideetarako gidaria», profesionaltasun-ziurtagiria.

f) «Bizikletazko ibilbideetan zeharreko gidaritza», profesionaltasun-ziurtagiria.

g) «Yoga-heziketa», profesionaltasun-ziurtagiria.

h) «Ekintzen antolakuntzako eta kirol-instalazioen funtzionamenduko lan osagarriak», profesionaltasun-ziurtagiria.

i) «Sorospena ur-eremu naturaletan», profesionaltasun-ziurtagiria.

j) «Ur-instalazioetako sorospena», profesionaltasun-ziurtagiria.

2.– Lanbide-arloa: administrazioa eta kudeaketa.

a) «Bezeroarekiko harremanetako administrazio-jarduerak», profesionaltasun-ziurtagiria.

b) «Mikroenpresen sorkuntza eta kudeaketa», profesionaltasun-ziurtagiria.

c) «Datuak eta dokumentuak grabatzeko eta tratatzeko eragiketak», profesionaltasun-ziurtagiria.

3.– Lanbide-arloa: arte grafikoak.

a) «Ediziorako laguntza», profesionaltasun-ziurtagiria.

b) «Argitalpen-produktu multimedien garapena», profesionaltasun-ziurtagiria.

4.– Lanbide-arloa: merkataritza eta marketina.

a) «Salmenta-jarduerak», profesionaltasun-ziurtagiria.

b) «Nazioarteko merkataritzaren administrazio- eta finantza-kudeaketa», profesionaltasun ziurtagiria.

c) «Marketin- eta komunikazio-kudeaketa», profesionaltasun-ziurtagiria.

5.– Lanbide-arloa: turismoa eta ostalaritza.

a) «Turismo-produktuak eta zerbitzuak saltzea», profesionaltasun-ziurtagiria.

6.– Lanbide-arloa: informatika eta komunikazioak.

a) «Datu-baseen administrazioa», profesionaltasun-ziurtagiria.

b) «Enpresa-baliabideak planifikatzeko sistemen eta bezeroekiko harremanak kudeatzeko sistemen administrazioa eta programazioa», profesionaltasun ziurtagiria.

c) «Web-orriak egitea eta argitaratzea», profesionaltasun-ziurtagiria.

d) «Sistema informatikoen eragiketa», profesionaltasun-ziurtagiria.

e) «Mikroinformatika-sistemak muntatzeko eta mantentzeko eragiketa osagarriak», profesionaltasun-ziurtagiria.

f) «Mikroinformatika-sistemak», profesionaltasun ziurtagiria.

7.– Lanbide-arloa: irudia eta soinua.

a) «Zinema-zuzendaritzarako eta ikus-entzunezkoen zuzendaritzarako laguntza», profesionaltasun-ziurtagiria.

b) «Multimedia ikus-entzunezko produktu elkarreragileak garatzea», profesionaltasun-ziurtagiria.

8.– Lanbide-arloa: segurtasuna eta ingurumena.

a) «Ingurumen-kudeaketa», profesionaltasun-ziurtagiria.

9.– Lanbide-arloa: gizarte eta kultura zerbitzuak.

a) «Haurren eta gazteen aisialdiko jardueren dinamizazioa», profesionaltasun-ziurtagiria.

b) «Haurren eta gazteen aisialdiko jardueren zuzendaritza eta koordinazioa», profesionaltasun-ziurtagiria.

c) «Enplegurako lanbide-heziketako irakaskuntza», profesionaltasun-ziurtagiria.

5. artikulua.– Gobernu-partaidetza eta koordinazio-organoak.

1.– Titulartasun pribatuko Lanbide Heziketako Ikastetxe integratuak, gutxienez, pertsona bakarreko gobernu-organo hauek izango ditu: zuzendaria, ikasketa-burua eta idazkaria.

2.– Era berean, kide anitzeko partaidetza-organo hauek izango ditu: gizarte kontseilua eta irakasleen klaustroa.

6. artikulua.– Aldatzea edo baliogabetzea.

Baimena aldatzeko edo baliogabetzeko, apirilaren 1eko 46/2014 Dekretuaren 8.5 artikuluan eta 2017ko martxoaren 14ko Aginduaren 10. artikuluan xedatutakoa jarraituko da.

LEHEN XEDAPEN GEHIGARRIA.– Gizarte kontseilua eratzea.

Irakasleen klaustroa eratu ondoren, ikastetxearen zuzendaritzaren ekimenez, gizarte kontseilua osatu eta martxan jartzeko behar diren jarduera guztiak egin beharko dira ikastetxea integratua izan eta gehienez urtebeteko epean.

AZKEN XEDAPENETAKO LEHENENGOA.– Ondorioak.

Agindu hau 2020-2021 ikasturte hasieran jarriko da indarrean.

AZKEN XEDAPENETAKO BIGARRENA.– Errekurtsoak.

Agindu honen aurka aukerako berraztertze-errekurtsoa aurkeztu ahal izango diote Hezkuntzako sailburuari edo Enplegu eta Gizarte Politiketako sailburuari hilabeteko epean, edo administrazioarekiko auzi-errekurtsoa Euskal Autonomia Erkidegoko Auzitegi Nagusiko Administrazioarekiko Auzien salan bi hileko epean. Errekurtsoak aurkezteko epea Agindua Euskal Herriko Agintaritzaren Aldizkarian argitaratu eta hurrengo egunean hasiko da.

Vitoria-Gasteiz, 2020ko otsailaren 4a.

Enplegu eta Gizarte Politiketako sailburua,

BEATRIZ ARTOLAZABAL ALBENIZ.

Hezkuntzako sailburua,

CRISTINA URIARTE TOLEDO.

Azterketa dokumentala