Egoitza elektronikoa

Kontsulta

Kontsulta erraza

Zerbitzuak


Azken aldizkaria RSS

Euskal Herriko Agintaritzaren Aldizkaria

15. zk., 2020ko urtarrilaren 23a, osteguna


Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

BIZKAIKO PROBINTZIA AUZITEGIA
309

EDIKTUA, merkataritza arloko 354/2019 apelazio-errekurtsoaren ondoriozkoa.

Jatorriko o. judiziala: Bilboko Merkataritza arloko 1 zenbakiko Epaitegia 375/2018 prozedura arrunteko autoak.

Errekurtsogilea: Ines Ibarreche Garcia, Itziar Gomez Barrondo eta Ane Miren Yañez Ibarreche.

Prokuradorea: Ana Bustamante Esparza, Ana Bustamante Esparza eta Ana Bustamante Esparza.

Abokatua: Miguel Aumente Garcia, Miguel Aumente Garcia eta Miguel Aumente Garcia.

Errekurritua: Clinica Indautxu S.A.U. eta Andres Yañez del Valle.

Prokuradorea: Maria Dolores Olabarria Cuenca.

Abokatua: Idoia Fernandez Markaida eta Carlos Jose Ais Conde.

Agertu gabeko errekurritua: Yachasa S.A.

Errekurtso horretan, epaia eman da 2019-09-26an. Hona hemen epaitza:

«EPAITZA:

I.– Ezestea Ana Bustamante Esparza epaitegietako prokuradoreak Inés Ibarreche Garcíaren, Itziar Gómez Barrondoren eta Ane Miren Yáñez Ibarrecheren izenean eta horien ordezkari gisa jarri duen apelazio-errekurtsoa, Bilboko Merkataritza arloko 1 zenbakiko Epaitegiak 375/2018 prozedura arruntean emandako 2018ko azaroaren 28ko epaiaren aurka jarritakoa.

II.– Apelatzaileari errekurritzeko ordaindutako gordailua galdu duela dekretatzea.

III.– Errekurtsogileari apelazio-errekurtsoaren ondoriozko kostuak ordaintzera kondenatzea.

Aurkaratzeko modua: ebazpen honen aurka kasazio-errekurtsoa aurkez daiteke Auzitegi Goreneko Arlo Zibileko Salan, kasazio-interesa egiaztatuz gero. Errekurtsoa jartzeko, idazkia aurkeztu behar da epaitegi honetan, ediktu hau jakinarazi eta biharamunetik aurrera hogei egun balioduneko epean (PZLren 477. eta 479. artikuluak).

Prozesuko arau-haustea dela-eta, aparteko errekurtsoa ere aurkeztu ahal izango da, PZLan aurreikusitako arrazoiren batengatik, Auzitegi Goreneko Arlo Zibileko Salan. Errekurtsoa jartzeko, idazkia aurkeztu behar da epaitegi honetan, ediktu hau jakinarazi eta biharamunetik aurrera hogei egun balioduneko epean (PZLren 470.1 artikulua eta azken xedapenetako hamaseigarrena).

Errekurtsoak aurkezteko, beharrezkoa izango da 50 euro uztea gordailuan, baldin eta kasazio-errekurtsoa bada, eta 50 euro, arau-hauste prozesalarengatiko aparteko errekurtsoa bada. Baldintza horiek bete ezean, ez dira izapideak egingo. Gordailuak egiteko, zenbateko horiek zainpean jarri beharko dira epaitegi honek Banco Santander banketxean duen Gordailuen eta Zainpean jartzeko Kontuan. Hau da kontuaren zenbakia: 4704 0000 354 19. Errekurtso biak baliatuz gero, bi ezarpen-eragiketa ezberdin egin beharko ditu errekurtsogileak, eta sarrera-ordainagirian, kontzeptuaren lekuan,«Errekurtsoa» dela adierazi eta 06 kodea ipini beharko du kasazio-errekurtsorako, eta 04 kodea, berriz, arau-hauste prozesalarengatiko aparteko errekurtsorako. Errekurtsoak jartzerakoan, zenbateko hori zainpean utzi dela egiaztatu beharko da (BJLOren 15. xedapen gehigarria).

Errekurtsoa jartzeko gordailua eratzetik salbuetsita daude aipatutako xedapenaren 5. apartatuan aipatzen direnak eta doako laguntza juridikorako eskubidea aitortua dutenak.

Eta epai honen bitartez, erabaki, agindu eta sinatzen dugu.

Yachasa S.A. demandatuaren egungo egoitza ezezaguna denez, aipatutako ebazpena Euskal Herriko Agintaritzaren Aldizkarian argitaratutako ediktu baten bidez jakinaraztea erabaki da, Prozedura Zibileko 1/2000 Legearen 497.2 artikuluaren arabera (PZL).

Interesdunak jakinarazten den ebazpenaren testu osoa eskura dezake epaitegi honetako bulego judizialean.

Bilbao, 2019ko abenduaren 9a.

JUSTIZIA ADMINISTRAZIOAREN LETRADUA.


Azterketa dokumentala