Egoitza elektronikoa

Kontsulta

Kontsulta erraza

Zerbitzuak


Azken aldizkaria RSS

Euskal Herriko Agintaritzaren Aldizkaria

208. zk., 2019ko urriaren 31, osteguna


Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

DONOSTIA / SAN SEBASTIÁNGO LEHEN AUZIALDIKO 6 ZENBAKIKO ZUZENEKO LAGUNTZA EMATEKO UNITATE PROZESALA
5045

EDIKTUA, adostasun gabeko dibortzioari buruzko 939/2018 prozeduraren ondoriozkoa.

Donostiako Lehen Auzialdiko 6 zenbakiko Epaitegia, Zuzeneko Laguntza emateko Unitate Prozesal Zibila.

Judizioa: 939/2018 adostasun gabeko dibortzioa.

Gaia: dibortzioa.

Demandatzailearen prokuradorea: Jose Eizaguirre Arocena.

Judizio horretan epaia eman da 2019-09-30ean. Horren bidez amaiera eman zaio prozesuari.

Gustavo Adolfo Maldonado Padilla demandatuaren egungo bizilekua ezezaguna denez, ebazpena Euskal Herriko Agintaritzaren Aldizkarian argitaratutako ediktu baten bidez jakinaraztea erabaki da, Prozedura Zibileko 1/2000 Legearen 497.2 artikuluaren arabera (PZL).

XEDAPENAK

Partez baiesten da Eizaguirre Arocena epaitegietako prokuradoreak, Ángela Carina Alvarado Moreno andrearen izenean eta haren ordezkari gisa, jarri duen demanda Gustavo Adolfo Maldonado Padilla jaunaren aurka. Horrenbestez:

1.– Deklaratzen dut deseginda dagoela, dibortzioa dela-eta, adinez nagusiak diren Ángela Carina Alvarado Moreno andrearen eta Gustavo Adolfo Maldonado Padilla jaunaren arteko ezkontza, zeina 1994ko maiatzaren 27an egin zen Hondurasko Distrito Central udalerrian, Francisco Morazán departamentuan. Epaitegi honek 2005eko ekainaren 24an emandako banantze-epaia eta gero sortu diren legezko ondorio guztiak izango ditu.

2.– Deklaratzen dut deseginda dagoela alderdien arteko ezkontzaren araubide ekonomikoa.

3.– XXXXXXXXX adingabearen zaintza eta jagoletza amak izango du, hau da, Ángela Carina Alvarado Moreno andreak.

4.– Guraso-ahala amak bakarrik izango du, hau da, Ángela Carina Alvarado Moreno andreak. Guraso-ahalaren esparruan hartu beharreko erabakien artean, honako hauek daude, besteak beste:

– Adingabeen egoitza haiek ohiko bizileku duten udalerritik kanpora aldatzea; adingabeak atzerrira joatea, oporraldiko bidaietan ez bada.

– Ikastetxea aukeratzea eta, behar bada, ikastetxea aldatzea.

– Eskolaz kanpoko jarduerak edo jarduera osagarriak zehaztea.

– Gizarte- eta erlijio-ospakizun garrantzitsuak; hala nola bataioa, lehen jaunartzea eta beste erlijio batzuetako antzeko ekitaldiak.

– Premiazkoak ez diren ekintza medikoak, ebakuntza egitea edo tratamendu mediko luzea dakartenak, edo tratamendu psikologikoak.

5.– Gustavo Adolfo Maldonado Padilla jaunak 150 euro ordaindu beharko ditu hilero XXXXXXXXX seme adingabearen mantenu-pentsioari lotuta. Urrian hasiko da zenbateko hori ordaintzen, semea adinez nagusi izan arte edo ekonomikoki burujabe izan arte edo halako izateko kondizioan izan arte, fede onezko jokabidearekin bat etorriz. Urteko hamabi hilabeteetarik bakoitzeko lehen bost egunen barruan ordainduko da kopuru hori amak berariaz zehazten duen kontuan. Pentsioa urtero eguneratuko da, horretarako errekerimendua egin beharrik izan gabe, Estatistikako Institutu Nazionalak edo horren ordezko erakundeak ezarritako Kontsumoko Prezioen Indizeak aurreko urtean –abendutik abendura– izandako aldaketen arabera; 2020. urtean eta urtarrilaren 1etik aurrera izango ditu ondorioak eguneraketak.

Aitak zuzenean ordaindu behar dituen era horretako gastuak ez dira kenduko ebazpen honen arabera ordaindu behar duen pentsiotik.

6.– Independentzia ekonomikorik ez duen bitartean semeak dituen aparteko gastuak erdibana ordainduko dituzte gurasoek. Ebazpen honen oinarri juridikoetan ezarritakoarekin bat etorriz, kontzeptu horretatik kanpo utziko dira, esaterako, eskola-uniformearen edo -liburuen gastuak (izan ere, urtero errepikatzen dira); bestelako gastuak, berriz, sartu egingo dira apartekoen kontzeptuan, eta katalogo posible osoa adierazteko asmorik gabe, honako hauek sar daitezke: gastu medikoak, kirurgikoak, ospitalekoak, ortopedikoak, dentistarenak, psikologikoak, farmazeutikoak, ortodontziakoak, logopediakoak, eta, oro har, osasun-sistema publikoan edo dagokion medikuntza-erakundean sartzen ez diren gaixotasun fisiko edo mentalei lotutakoak, bai eta, prestakuntza-arloan, eta eskolan atzeratuta egonez gero, derrigorrezko ikasgaiei buruzko klase partikularretakoak ere. Egin beharreko gastua medikoa bada eta Gizarte Segurantzak edo dagokion erakunde medikoak ordaintzen ez badu eta beharrezkoa bada, erdibana ordainduko dute aitak eta amak; horretaz gain, fakultatiboa eta tratamendua bi gurasoek elkarrekin adostutakoak izango dira.

Aurreko paragrafoan zehaztu diren aparteko gastuak amak erabakiko ditu, aitaren baimenik behar izan gabe.

Aparteko gastuak ordaindu beharra amaitu egingo da semea, adin nagusikoa izanik edo legez emantzipatuta egonik, ekonomikoki independentea denean, hartara eragotzi gabe Kode Zibilaren 150. eta 152. artikuluetan betebeharra amaitzeko adierazten diren kausak.

7.– Gustavo Adolfo Maldonado Padilla aitari ez zaio bisita-erregimenik ezartzen.

8.– Ez da hartzen beste inolako neurririk.

Alderdiei ez zaie kosturik ezartzen.

Epai hau irmo bihurtzen denean, jakinaraz bekio ofizioz Erregistro Zibilari, dagozkion idazpenak egin daitezen (Prozedura Zibileko Legearen 755. artikulua).

Epai honen aurka aurkeztutako errekurtsoek ez dute etengo aurreko neurrien eraginkortasuna (PLZren 774. artikulua).

Jakinaraz bekie epaia alderdiei eta Fiskaltzari, eta Maldonado Padilla jaunari PZLren 497. artikuluan ezarritako eran jakinaraziko zaio, auzi-ihesean baita. Adieraz bekie, halaber, epaia ez dela irmoa eta haren aurka apelazio-errekurtsoa jarri daitekeela Gipuzkoako Probintzia Auzitegian (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, hauek adieraziko dira: aurkaratzea zein alegaziotan oinarritzen den, eta apelatutako ebazpena eta aurkaratutako erabakiak zein diren (PZLb, 458. artikulua, prozedurak bizkortzeko neurriei buruzko urriaren 10eko 37/2011 Legean jasotakoaren arabera).

Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua eratzeko, diru-kopuru hori zainpean utzi beharko da epaitegi honek Banesto taldean (Banco Español de Crédito) duen gordailuan eta zainpean uzteko kontuan. Kontuaren zenbakia 1892 0000 00 0939 18 da. Dirua sartu izanaren agirian, kontzeptua idazteko eremuan, «Errekurtsoa» dela adierazi beharko da (kodea: 02–Berrikuskapena). Kontsignazioa egiaztatu beharko da errekurtsoa aurkeztean (BJLO, 15. xedapen gehigarria).

Errekurtsoa jartzeko gordailua eratzetik salbuetsita daude aipatutako xedapenaren 5. apartatuan aipatzen direnak eta doako laguntza juridikorako eskubidea aitortua dutenak.

Interesdunak eskuragarri dauka jakinarazten den ebazpenaren testu osoa, epaitegi honetako bulego judizialean, eta, han, osorik aztertu ahal izango du.

Donostia, 2019ko urriaren 8a.

JUSTIZIA ADMINISTRAZIOAREN LETRADUA.


Azterketa dokumentala