Euskal Herriko Agintaritzaren Aldizkaria

140. zk., 2019ko uztailaren 24a, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

BARAKALDOKO LEHEN AUZIALDIKO 2 ZENBAKIKO EPAITEGIKO ZUZENEKO LAGUNTZA EMATEKO UNITATE PROZESALA

3594

EDIKTUA, 392/2017 prozedura arruntaren ondoriozkoa.

Barakaldoko Lehen Auzialdiko 2 zenbakiko Epaitegia, Zuzeneko Laguntza emateko Unitate Prozesal Zibila.

Judizioa: 392/2017 prozedura arrunta.

Demandatzailea: Alejandro Bilbao Rodrigo.

Abokatua: Salome Ayo Fernandez.

Prokuradorea: Begoña Lopez del Hoyo.

Demandatua: Maria Luisa Fernandez Rubio, Leonor Fernandez Ruiz, Jose Arenillas Ruiz, Maria Cruz Fernandez Ruiz, Jose Manuel Gutierrez Barquin Goiri, Miguel Angel Pastor Martinez, Susana Muro Berate, Eiderlantz SL, Patricia Monge Gomez eta Gonzalo Oraa Zubiaga.

Gaia: gauza erkidearen zatitzea.

Judizio horretan, epaia eman da 2019-02-01ean. Hona hemen idazpurua eta xedapenak:

28/2019 EPAIA

Barakaldo, bi mila eta hemeretziko otsailaren bata.

Nik, Silvia Iglesias Gonzálezek, Barakaldoko Lehen Auzialdiko 2 zenbakiko Epaitegiko eta horri dagokion barruti judizialeko epaile magistratuak, ikusi ditut epaitegi honetan bideratu den gauza erkidea zatitzeari buruzko 392/2017 prozedura arrunteko autoak. Alderdiak honako hauek dira: demandatzailea Alejandro Bilbao Rodrigo, Begoña López del Hoyo epaitegietako prokuradoreak ordezkatuta eta Salomé Ayo Fernández letraduak defendatuta, eta demandatuak Maria Luisa Fernandez Rubio, Javier González Ruiz epaitegietako prokuradoreak ordezkatuta eta Fernando Soriano Bello letraduak defendatuta, Patricia Monge Gomez, Ibon Bilbao Cabarcos epaitegietako prokuradoreak ordezkatuta eta Mikel Arrieta Aguirre letraduak defendatuta, Leonor Fernandez Ruiz, eta bere ezkontide Jose Arenillas Ruiz, Maria Cruz Fernandez Ruiz eta bere ezkontide Jose Gutierrez Barquin Goiri, Miguel Angel Pastor Martinez eta bere ezkontide Susana Muro Berate, Eiderlantz SL enpresa. Dendak daude auzi-ihesean, legez ezarritako moduan epatu eta hitzordua jarrita eduki arren ez baitira agertu. Hona hemen epaitza:

EPAITZA

Osorik baiesten dut Begoña López del Hoyo epaitegietako prokuradoreak, Alejandro Bilbao Rodrigo jaunaren izenean eta haren ordezkari gisa, jarri duen demanda honako hauen aurka: Maria Luisa Fernandez Rubio, Javier González Ruiz epaitegietako prokuradoreak ordezkatuta eta Fernando Soriano Bello letraduak defendatuta, Patricia Monge Gomez, Ibon Bilbao Cabarcos epaitegietako prokuradoreak ordezkatuta eta Mikel Arrieta Aguirre letraduak defendatuta, Leonor Fernandez Ruiz eta bere ezkontide Jose Arenillas Ruiz, Maria Cruz Fernandez Ruiz eta bere ezkontide Jose Gutierrez Barquin Goiri, Miguel Angel Pastor Martinez eta bere ezkontide Susana Muro Berate, Eiderlantz SL enpresa. Denak daude auzi-ihesean. Horrenbestez,

1.– Amaitutzat ematen dut demandatzailearen eta kodemandatuen artean egon den jabekidetasuna ebazpen honetako lehen zuzenbideko oinarrian deskribatzen den finkaren gainean.

2.– Ondorioz, alderdiak ez badira ados jartzen ondasunaren adjudikazioari dagokionez, epaia betetze aldera agintzen dut ondasuna enkante publikoan saldu beharko dela, perituak frogaldian tasatzen duen prezioan. Enkante horretan, alderdiek parte hartuta, eskaintzak egin ahal izango dituzte errematea hirugarren bati lagatzeko, eta kanpoko lizitatzaileak ere onartuko dira. Ediktuak argitaratuko dira horretarako, jabekideen eskubideez ohartarazita; eta salmentatik ateratzen dena alderdien artean banatuko da, bakoitzak finkan daukan proportzioaren arabera.

3.– Kostuak alderdi demandatuari ezartzen zaizkio; baina salbuetsita geratzen dira M.ª Luisa Fernández Rubio eta Patricia Monge Gómez.

Aurkaratzeko modua: Bizkaiko Probintzia Auzitegian aurkeztutako apelazio-errekurtsoaren bidez (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta hurrengo egunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den, eta zein diren apelatutako ebazpena eta aurkaratutako erabakiak (PZLb, 458.2 artikulua).

Errekurtsoa jarri ahal izateko, 50 euroko gordailua eratu beharko da; baldintza hori bete ezean, ez da errekurtsoa izapidetzea onartuko. Gordailua egiteko, zenbateko hori kontsignatu beharko da epaitegi honek Banco Santanderren duen gordailu eta kontsignazio kontuan. Kontuaren zenbakia hauxe da:0049000004039217. Ordainagiriaren kontzeptua idazteko hutsunean, «errekurtsoa» dela adierazi beharko da (kodea: 02-Apelazioa). Diru-kopuru hori zainpean jarri izana egiaztatu beharko da errekurtsoa aurkeztean (BJLOren 15. xedapen gehigarria).

Errekurtsoa jartzeko, gordailua eratzetik salbuetsita daude aipatutako xedapenaren 5. apartatuan aipatzen direnak eta doako laguntza juridikorako eskubidea aitortua dutenak.

Eta epai honen bidez erabaki, agindu eta sinatzen dut.

Susana Muro Berate eta Miguel Angel Pastor Martinez demandatuen egungo bizilekua ezezaguna denez, ebazpen hori Euskal Herriko Agintaritzaren Aldizkarian ediktu bidez jakinaraztea erabaki da, Prozedura Zibileko 1/2000 Legearen 497.2 artikuluan xedatutakoaren arabera (PZLb).

Ebazpen horren aurka, apelazio-errekurtsoa aurkez dezake auzi-ihesean den demandatuak.

Interesdunak eskuragarri dauka jakinarazten den ebazpenaren testu osoa, epaitegi honetako bulego judizialean.

Barakaldo, 2019ko apirilaren 4a.

JUSTIZIA ADMINISTRAZIOAREN LETRADUA.

Azterketa dokumentala