136. zk., 2019ko uztailaren 18a, osteguna
- Bestelako formatuak:
- PDF (241 KB - 2 orri.)
- EPUB (218 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
IRAGARKIAK
Beste iragarki ofizial batzuk
INGURUMEN, LURRALDE PLANGINTZA ETA ETXEBIZITZA SAILA
3506
IRAGARKIA, 2019ko uztailaren 3koa, Etxebizitza eta Arkitekturako zuzendariarena, zeinaren bidez jakinarazten baita desjabetze-espediente bateko prezio-orriaren izapidea.
Zuzenean jakinaraztea lortu ez denez, Administrazio Publikoen Administrazio Prozedura Erkidearen urriaren 1eko 39/2015 Legearen 44. artikuluan xedatutakoari jarraituz, «Txingudi Hegaztientzako Babes Bereziko Eremua, Zaldiferra eta Bekoerrota» desjabetzeak ukitutako eranskineko jabeari errekerimendu honen jakinarazpena egiten zaio, desjabetzegai diren ondasun eta eskubideei egozten zaien balioa zehazten duen prezio-orria, hiru aletan, aurkezteko, bidezko deritzon arrazoibideak gehituta. Balorazioak arrazoituta egon beharko du nahitaez eta peritu baten izenpeak bermatu ahal izango du, gastu horiek haren kontura izanik.
Prezio-orria Etxebizitza eta Arkitektura Zuzendaritzan aurkeztu ahal izango da (Donostia kalea 1, 01010 Vitoria-Gasteiz), 20 egun balioduneko epean, jakinarazpen hau egin eta hurrengo egunetik aurrera kontatzen hasita.
Eranskinean aipatutako interesduna jakitun jartzeko ematen da aditzera hau, eta banakako jakinarazpen balioa izango du harentzat.
Jakinarazpen honek Estatuko Aldizkari Ofizialean argitaratu eta hurrengo egunetik aurrera izango ditu ondorioak.
Vitoria-Gasteiz, 2019ko uztailaren 3a.
Etxebizitza eta Arkitekturako zuzendaria,
PABLO GARCIA ASTRAIN.