Egoitza elektronikoa

Kontsulta

Kontsulta erraza

Zerbitzuak


Azken aldizkaria RSS

Euskal Herriko Agintaritzaren Aldizkaria

122. zk., 2019ko ekainaren 28a, ostirala


Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

XEDAPEN OROKORRAK

EUSKAL HERRIKO UNIBERTSITATEA
3193

ERABAKIA, 2019ko maiatzaren 30ekoa, Universidad del País Vasco / Euskal Herriko Unibertsitateko Gobernu Kontseiluarena, Graduko titulazio ofizialetako Ikasleen Ebaluaziorako Arautegiko 12.2 artikulua aldatzekoa.

Universidad del País Vasco / Euskal Herriko Unibertsitateko Gobernu Kontseiluak 2016ko abenduaren 15ean onartu zuen Graduko titulazio ofizialetako Ikasleen Ebaluaziorako Arautegia.

Azken urteotako esperientzia oinarri, ikasleek adierazi dute beharrezko ikusten dutela aldatzea arautegiko 12. artikulua, ikusi diren azaroei irtenbidea emateko eta artikulu hori aplikatzea errazagoa izan dadin.

Aldaketaren testua ikasleek egindako emaitzaren lana da, eta unibertsitateko Batzorde Parekideak badu horren berri.

UPV / EHUko Estatutuetan jasota dago Graduko Batzordearen eskumena dela graduko ikasketen akademia antolakuntza eta gestiorako arautegien proposamenak Gobernu Kontseiluari aurkeztea, ontzat eman ditzan.

Graduko Batzordea proposatutako aldaketaren alde agertu zen 2019ko maiatzaren 16an egindako bileran.

Horregatik guztiagatik, Graduko eta Graduondoko Ikasketen arloko errektoreordearen proposamenez, Gobernu Kontseiluak honako hau

ERABAKI DU:

Lehenengoa.– Aldatzea Graduko titulazio ofizialetako Ikasleen Ebaluaziorako Arautegiko 12.2 artikulua. Artikulua honela geratuko da:

12. artikulua.– Deialdiari uko egitea.

12.2.– Etengabeko ebaluazioaren kasuan, azken probaren pisua bada irakasgaiko kalifikazioaren % 40 baino handiagoa, nahikoa izango da proba horretara ez aurkeztea azken kalifikazioa «aurkezteke» izan dadin. Aldiz, azken probaren pisua bada irakasgaiko kalifikazioaren % 40a edo hori baino txikiagoa, deialdiari uko egin nahi dioten ikasleek kasuan kasuko irakasgaiaren irakaskuntza aldia bukatu baino, gutxienez, hilabete lehenago egin beharko dute eskaria. Eskari hori idatziz aurkeztu beharko zaio irakasgaiaren ardura duen irakasleari.

Bigarrena.– Aldaketa hau 2019/2020 ikasturtean aplikatuko da.

Hirugarrena.– Agindua ematea Euskal Herriko Agintaritzaren Aldizkarian argitaratzeko.

Leioa, 2019ko maiatzaren 30a.

Errektorea,

NEKANE BALLUERKA LASA.

Idazkari nagusia,

PEDRO MARÍA IRIONDO BENGOA.


Azterketa dokumentala