Euskal Herriko Agintaritzaren Aldizkaria

114. zk., 2019ko ekainaren 18a, asteartea

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

AGINTARIAK ETA LANGILERIA

Oposaketak eta lehiaketak

OSAKIDETZA-EUSKAL OSASUN ZERBITZUA

2949

487/2019 EBAZPENA, ekainaren 4koa, Osakidetza-Euskal osasun zerbitzuko zuzendari nagusiarena. Horren bidez onetsi dira Osakidetza-Euskal osasun zerbitzuko zerbitzu sanitarioetako erakundeetan destinoa daukaten Fakultatibo mediko eta teknikoen Lanbide-taldeko Mediku kategorian (Erradiodiagnostikoko Mediku FEren lanpostu funtzionala, Profila: Erradiologia Interbentzionista) lotura estatutario finkoa eskuratzeko hautaketa-prozesua arautuko duten oinarri espezifikoak.

Osakidetza-Euskal osasun zerbitzuko zuzendari nagusiaren otsailaren 5eko 103/2018 Ebazpenaren bitartez onetsi ziren Osakidetza-Euskal osasun zerbitzuan lotura estatutario finkoa eskuratzeko 2016. eta 2017. urteetan deitutako hautaketa-prozesuak arautuko dituzten oinarri orokorrak.

Osakidetza-Euskal osasun zerbitzuko zuzendari nagusiaren otsailaren 7ko 111/2018 Ebazpenaren bidez onetsi ziren –eta Osakidetzako zuzendari nagusiaren 2018ko maiatzaren 3ko 505/2018 Ebazpenaren bidez zuzendu– Osakidetza-Euskal osasun zerbitzuko zerbitzu sanitarioetako erakundeetan destinoa daukaten Fakultatibo mediko eta teknikoen Lanbide-taldeko Mediku kategorian (hainbat lanpostu funtzional) lotura estatutario finkoa eskuratzeko hautaketa-prozesua arautuko duten oinarri espezifikoak (EHAA, 35. zk., otsailaren 19koa). Bertan, I. eranskinaren 1.1. atalean, deialdiaren xede diren destinoei buruzkoan, honakoa ezarri zen: «Deialdi honetan sartzen dira Osakidetza-Euskal osasun zerbitzuko zerbitzu sanitarioetako erakundeetan destinoa daukaten Fakultatibo Mediko eta Teknikoen Lanbide-taldeko Mediku kategoriako (hainbat lanpostu funtzional) destinoak, II. eranskinean jasotakoak. II. eranskin horretan jasotako destinoetako batzuek, zehazki, deialdi hauei dagozkienek: Kirurgia Orokorreko eta Digestio Aparatuko mediku Fak. Esp., Kirurgia Ortopedikoko eta Traumatologiako mediku Fak. Esp., Kardiologiako mediku Fak. Esp., Barne Medikuntzako mediku Fak. Esp. eta Erradiodiagnostikoko mediku Fak. Esp., aldaketak jasan ahalko dituzte deialdi espezifikoen bitartez, Osakidetza-Euskal osasun zerbitzuko zuzendari nagusiaren Ebazpenaren bidez».

Osakidetza-Euskal osasun zerbitzuko zuzendari nagusiaren maiatzaren 15eko 545/2018 Ebazpenaren bitartez, 2016-2017 enplegu publikoko eskaintzari dagozkion fakultatibo mediko eta teknikoen deialdien barruan dauden ezagutza espezifikodun lanpostuak zehazten dira.

Ebazpen horren II. eranskinean zehazten denez, txanda askean deitutako 34 destinoetatik jarraian zehaztutakoak deialdi espezifikokoak dira:

● Destino 1. Profila: Erradiologia interbentzionista. Ezkerraldea Enkarterri Gurutzeta ESIa.

Hautaketa-prozesu bakoitza gauzatzeko, beharrezkoa da kategoria bakoitzeko destinoen deialdia arautuko duten oinarri espezifikoak argitaratzea, eta bertan zehaztea eskainitako destino bakoitzaren xehetasunak.

Horregatik, kontuan izanda Euskadiko Antolamendu Sanitarioaren 8/1997 Legea, ekainaren 26koa; Osasun zerbitzuetako pertsonal estatutarioaren Estatutu Markoaren 55/2003 Legea, abenduaren 16koa; Enplegatu Publikoaren Oinarrizko Estatutuaren testu bategina onartzen duen 5/2015 Legegintzako Errege Dekretua, urriaren 30ekoa; Osakidetza-Euskal osasun zerbitzuaren lanpostu funtzionalak arautzen dituen 186/2005 Dekretua, uztailaren 19koa; Osakidetza-Euskal osasun zerbitzua Ente Publikoaren Estatutu Sozialak ezartzen dituen 255/1997 Dekretua, azaroaren 11koa, eta indarrean dauden eta aplikagarriak diren gainerako xedapenak.

EBATZI DUT:

Lehenengoa.– Oinarri hauei dagozkien hautaketa-probetarako deia egitea.

Bigarrena.– I. eranskinean jasotako oinarri espezifikoak onartzea; horien bidez arautuko da Osakidetza-Euskal osasun zerbitzuko zerbitzu sanitarioetako erakundeetan destinoa daukaten Fakultatibo Mediko eta Teknikoen Lanbide-taldeko Mediku kategorian (Erradiodiagnostikoko mediku FEren lanpostu funtzionala, Profila: Erradiologia interbentzionista) lotura estatutario finkoa eskuratzeko hautaketa-prozesua.

Hirugarrena.– Ebazpen honekin batera argitaratutako II. eranskinean eskainitako destinoen zerrenda onartzea.

Laugarrena.– Osakidetza-Euskal osasun zerbitzuaren zuzendari nagusiaren otsailaren 7ko 111/2018 Ebazpenaren III. eranskinean jasotako merituen baremoa onartzea.

Bosgarrena.– Kategoriako gai-zerrenda onartzea, Ebazpen honen IV. eranskinean jasotakoa.

Seigarrena.– Administrazio Publikoen Administrazio Prozedura Erkidearen urriaren 1eko 39/2015 Legeak, Euskadiko Antolamendu Sanitarioaren ekainaren 26ko 8/1997 Legeak, eta Osakidetza-Euskal osasun zerbitzuko Estatutu Sozialak ezartzen dituen azaroaren 11ko 255/1997 Dekretuak ezartzen dutenaren arabera, Ebazpen honen aurka gora jotzeko errekurtsoa jar dakioke Osakidetza-Euskal osasun zerbitzuko Administrazio Kontseiluari hilabeteko epearen barruan, ebazpena EHAAn argitaratu eta hurrengo egunetik hasita.

Vitoria-Gasteiz, 2019ko ekainaren 4a.

Osakidetza-Euskal osasun zerbitzuko zuzendari nagusia,

JUAN LUIS DIEGO CASALS.

I. ERANSKINA

OSAKIDETZA-EUSKAL OSASUN ZERBITZUKO ZERBITZU SANITARIOETAKO ERAKUNDEETAN DESTINOA DAUKATEN FAKULTATIBO MEDIKO ETA TEKNIKOEN LANBIDE-TALDEKO MEDIKU KATEGORIAN (ERRADIODIAGNOSTIKOKO MEDIKU FE-REN LANPOSTU FUNTZIONALA, PROFILA: ERRADIOLOGIA INTERBENTZIONISTA) LOTURA ESTATUTARIO FINKOA ESKURATZEKO HAUTAKETA-PROZESUA ARAUTZEN DUTEN OINARRI ESPEZIFIKOAK

1.– Deialdiko destinoak.

Deialdi honetan sartzen dira Osakidetza-Euskal osasun zerbitzuko zerbitzu sanitarioetako erakundeetan destinoa daukaten Fakultatibo Mediko eta Teknikoen Lanbide-taldeko Mediku kategoriako (Erradiodiagnostikoko mediku FEren lanpostu funtzionala, Profila: Erradiologia Interbentzionista) destinoak, II. eranskinean jasotakoak.

2.– Izangaien eskakizunak:

Honen bidez araututako prozesuan parte hartzeko, izangaiek, oinarri orokorretan aurreikusitako salbuespenak kenduta, aurkezteko epearen azken egunean bete beharreko eskakizunez gain, oinarri orokorretan jasota daudenak eta kasuan kasu esleitzen den destinoa jabetzan hartu arte bete beharrekoak, Osakidetza-Euskal osasun zerbitzuaren zuzendari nagusiaren otsailaren 7ko 111/2018 Ebazpenean ezarritako eskakizunak ere bete beharko dituzte; honakoak, hain zuzen:

a) Oinarri orokorretako 6.2.c) atalean adierazitakoari jarraiki, Hezkuntza eta Zientzia Ministerioak igorritako Medikuntzan eta Kirurgian lizentziatu titulua eta eskatutako espezialitatea, eskuratzen den lanpostu funtzionalean aritzeko eskatzen dena, Osakidetza Ente Publikoko lanpostu funtzionalak arautzen dituen uztailaren 19ko 186/2005 Dekretuaren I. eranskinaren arabera.

b) Kasu orotan bete beharko dira eskuratu nahi den lanpostuaren eskakizunak, Osakidetza Ente Publikoko lanpostu funtzionalak arautzen dituen uztailaren 19ko 186/2005 Dekretuaren I. eranskinaren arabera, bai eta indarrean dagoen legeriak ezarritako beste edozein ere.

c) Eskabideak aurkezteko epearen barruan, izena emateko eskubideengatik dagokion tasa ordaindu izana, eskainitako destinoen Lanbide-taldearen arabera:

A1 taldea (A taldea zena): 25 euro.

3.– Oposizio-lehiaketaren nondik norakoa.

3.1.– Oposizioaldia.

1.– Oposizioaldian ariketa hauek egin beharko dituzte:

a) Lehenengo ariketa: Herri Arduralaritzaren Euskal Erakundeari (HAEE) egokituko zaio proba teorikoa egitea, eta epaimahaiari iraupena zehaztea. Idatzizko proba izango da; zehazten den gehieneko denbora-tartean, izangaiek gai-zerrenda espezifiko, orokor eta komuneko IV. eranskineko programako gaiei buruzko galdetegi bat erantzun beharko dute.

Esandako Eranskinean, gainera, proba prestatzeko beharrezkoa den bibliografia agertzen da. Argitaratutako gai-zerrenda eta bibliografia lotesleak izango dira ariketak egiterakoan.

b) Bigarren ariketa: Herri Arduralaritzaren Euskal Erakundeari (HAEE) egokituko zaio bigarren ariketako kasu praktikoak egitea eta epaimahai kalifikatzaileari bigarren ariketa osatuko duten kasuak hautatzea HAEEk egindakoen artean, eta azkenean zehazteko ausazko elementu bat sartuko da. Probaren egunean bertan HAEEk egindako kasu praktikoak emango dizkio epaimahai kalifikatzaileari eta epaimahai kalifikatzaileak bigarren ariketa osatuko dutenak egunean bertan aukeratuko dituzte. Ariketa horretan kasu praktikoak jasoko dira, galderen eta aukeratzeko erantzunen bidez.

Ariketak destinoen funtzio espezifikoekin lotuta egongo dira eta haien helburua izangaiek destino horietan aritzeko dituzten gaitasunak, abileziak, ezagutzak eta ahalmen profesionala baloratzea izango da.

Hainbat erantzun izango dituzten galdetegi batez osatutako probetan, erantzun okerrek ez dute penalizaziorik ekarriko.

Deitzen diren Mediku Fakultatibo Espezialisten lanpostu funtzional ezberdinetako Mediku kategoriarako, oposizioaldian bi ariketa egingo dira proba berean; ariketa teoriko bat eta praktiko bat, biak eskainitako destino ezberdinetako funtzio espezifikoekin lotuta. Probaren azken emaitza bi ariketen batez besteko haztatua izango da, % 65 proba teorikoarena eta % 35 ariketa praktikoarena. Aurretik aipatutakoa ez zaie Mediku Fakultatibo Espezialisten hautatze-prozesuei aplikatuko, dagokien oinarri espezifikoen arabera, oposizioaldia ariketa bakarraz osatuta badago. Ondorio horietarako, batez besteko haztatua formula honekin lortuko da:

(Ikus .PDF)

Oposizioaldia gainditutzat emateko, bi ariketen batez besteko haztatua gutxienez 100 puntutik 50 puntukoa izan beharko da.

3.2.– Hautagaien behin-behineko zerrenda (oinarri orokorren 14. atalean aurreikusitako ordenan) argitaratu ondoren, Osakidetza-Euskal osasun zerbitzuaren zuzendari nagusiaren otsailaren 7ko 111/2018 Ebazpenean xedatutakoari jarraiki, hautagai proposatuek, I. eranskinean azaltzen direnek, 14.2 oinarrian zerrendatutako dokumentazioaz gain, honako hauen fotokopia konpultsatua ere aurkeztu beharko dute:

– Hezkuntza eta Zientzia Ministerioak igorritako Medikuntza eta Kirurgiako lizentziatu tituluaren eta espezialitatearen tituluaren fotokopia konpultsatua edo notario-lekukotza, kasuan kasuko lanpostu funtzionalean aritzeko eskatzen denarena, Osakidetza Ente Publikoko lanpostu funtzionalak arautzen dituen uztailaren 19ko 186/2005 Dekretuaren I. eranskinaren arabera.

3.3.– Lehiaketaldia.

Egiaztatutako merituak otsailaren 7ko 111/2018 Ebazpenaren III. eranskineko merituen baremoaren arabera balioztatuko dira, oinarri orokorretan ezarritako irizpideen arabera.

4.– Epaimahai kalifikatzailea.

Osakidetza-Euskal osasun zerbitzuko zuzendari nagusiaren otsailaren 5eko 103/2018 Ebazpenaren 18. oinarrian jasotako aurreikuspenak aplikatuko dira. Ebazpen horren bidez, 2016. eta 2017. urteetan deitutako Osakidetza-Euskal osasun zerbitzuan estatutupeko lotura finkoa lortzeko hautaketa-prozesuak arautuko dituzten oinarri orokorrak onartu ziren, espezifikotasun hauekin:

4.1.– Izendapena.

Osakidetza-Euskal osasun zerbitzuko zuzendari nagusiak hautaketa-prozesua kalifikatuko duen epaimahaia izendatuko du.

4.2.– Osaera.

Epaimahaikide guztiek herri administrazioetako edo osasun-zerbitzuetako karrerako funtzionarioak edo estatutupeko finkoak, edo Osasun Sistema Nazionalari lotutako zentroetako lan-kontratuko langileak izan beharko dute, baldin eta haien lanpostuan edo kategorian jarduteko hautaketa-prozesuko kategorian sartzeko eskatzen den maila akademiko bera edo goragokoa eskatzen bada.

Epaimahaikideak zozketa bidez aukeratuko dira deitutako lanpostuetako edo horien kategorietako espezialitatearen eta arlo espezifikoaren profesionalen artean.

Epaimahaiko idazkaria izango den pertsona zozketa bidez ere hautatuko da, Osakidetzan goi-mailako teknikarien taldean karrerako funtzionarioak, estatutupeko finkoak edo lan-kontratudunak diren langileen artean, baldin eta Zuzenbideko lizentziatura badute.

Zozketa bidez hautatutako Epaimahaikideen artean, identifikatuko dira, zozketa bidez ere, zein izango diren epaimahaikide titularrak, epaimahaikide ordezkoak eta Epaimahaiko burua eta horren ordezkoa.

Behin betiko epaimahaikideak aukeratzeko zozketa Osakidetza-Euskal osasun zerbitzuko Zuzendaritza Nagusian jendaurreko ekitaldian egingo da, 10 egun balioduneko epean, ebazpen honetan aurreikusitako izena emateko epea amaitu eta hurrengo egunetik zenbatzen hasita. Horren eguna eta ordua Osakidetzako web orriaren bidez iragarriko da.

Epaimahaiaren osaketak gizonezko eta emakumezkoen arteko ordezkapen orekatua bermatuko du, eragozten duten arrazoi objektiboak egon ezean; izan ere, gaitasun, eskumen eta prestakuntza egokia duten pertsonek osatuko dute eta bere kideek inpartzialtasun eta profesionaltasun printzipioak beteko dituzte.

Epaimahai kalifikatzailearen kide guztiak maila indibidualean jokatuko dute.

4.3.– Jarduteko arauak.

Epaimahaiak bere jarduna Sektore Publikoko Erregimen Juridikoaren urriaren 1eko 40/2015 Legearen 15.etik 24.era bitarteko artikuluetan ezarritako arauei egokituko die.

Epaimahai kalifikatzailearen kideek HAEEk antolatu eta emandako prestakuntza-jardunaldi bat jasoko dute, epaimahaikide gisa edukiko dituzten atazak, jokabide-arauak eta betekizun etikoekin lotuta. Era berean, epaimahai kalifikatzailearen kide guztiek errespetatu behar dituzten betekizun etikoak eta jokabide-arauak jasotzen dituen dokumentu bat sinatu beharko dute.

Nolanahi ere, epaimahaiburuaren aginduz bilduko da, idazkariak deituta, eta eratu ahal izateko epaimahaiburuak eta idazkariak, edo horien ordezkoek, eta gutxienez kideen erdiak bertaratu beharko dute.

Epaimahaikideak, behar bezala deitu bazaie, justifikatu gabe saio eta prozedura-ekitaldi ezberdinetara bertaratzen ez badira, baita osatzeko saiora ere, indarrean dagoen araudiari dagokion erantzukizuna izango dute.

Erabakiak botoen gehiengoz hartuko dira. Epaimahaikide guztiek, idazkariak barne, hitza eta botoa izango dute.

II. ERANSKINA

DESTINOEN ZERRENDA KATEGORIA HONETAN: MEDIKUA (ERRADIODIAGNOSTIKOKO MEDIKU FAK. ESP., PROFILA: ERRADIOLOGIA INTERBENTZIONISTA)

Osakidetzaren zuzendari nagusiaren maiatzaren 15eko 545/2018 Ebazpenaren II. eranskinean xedatutakoaren arabera, destino hauetarako deia egiten da:

Txanda askeko deialdia: destino 1.

● Destino 1. Profila: Erradiologia interbentzionista. Ezkerraldea Enkarterri Gurutzeta ESIa.

III. ERANSKINA

Merituen baremoa Osakidetza-Euskal osasun zerbitzuko zuzendari nagusiaren otsailaren 7ko 111/2018 Ebazpenaren III. eranskinean dago jasota. Horren bidez onetsi dira Osakidetza-Euskal osasun zerbitzuko zerbitzu sanitarioetako erakundeetan destinoa daukaten Fakultatibo mediko eta teknikoen Lanbide-taldeko Mediku kategorian (hainbat lanpostu funtzional) lotura estatutario finkoa eskuratzeko hautaketa-prozesua arautuko duten oinarri espezifikoak.

IV. ERANSKINA

ERRADIODIAGNOSTIKOKO MEDIKU FAK. ESP., PROFILA: ERRADIOLOGIA INTERBENTZIONISTA

I.– GAI-ZERRENDA ESPEZIFIKOA

1.– Diagnostiko baskular inbaditzailea (ekipo angiografikoak, angiografia diagnostikoa, UIV eta angioskopia barne).

2.– Materiala.

2.1.– Diagnostikatzeko kateterrak eta gidak.

2.2.– Baloi-kateterrak.

2.3.– Stentak/endoprotesiak.

2.4.– Tronbektomiako gailuak.

2.5.– Babes enbolikoko gailuak.

2.6.– Aterektomiako kateterrak.

2.7.– Enbolizazioko agenteak.

2.8.– Aortako endoprotesia.

2.9.– Beheko kaba benako iragazkiak.

2.10.– Terapia laser endobaskularrarekin.

3.– Farmakologia.

3.1.– Medikamentuen printzipioak erradiologia interbentzionistan (analgesikoak eta lasaigarriak).

3.2.– Emergentzia medikoen tratamendua (kontrastearekiko erreakzioak barne).

3.3.– Kontrasteko agenteak (iodoa, CO₂, MR gadolinioa, ultrasoinuak barne).

3.4.– Agente tronbolitikoak (tronbolisiaren printzipioak barne).

3.5.– Agente antiplaketario / antikoagulatzaileak.

3.6.– Agente basoaktiboak.

4.– Pazientearen segurtasuna eta zainketak.

4.1.– Segurtasun eta babes erradiologikoa.

4.2.– Gaixotasun baskularraren arrisku-faktoreei heltzea.

5.– Oinarrizko printzipioak.

5.1.– Angioplastiaren eta stenta jartzeko teknikaren printzipioak.

5.2.– Berrestenosia.

5.3.– Sarbide arterialaren printzipioak.

5.4.– Arteria ixteko gailuak.

5.5.– Sarbide benosoaren printzipioak.

6.– Anatomia.

6.1.– Goiko gorputz-adarreko anatomia baskularra.

6.2.– Elikatze-hodiaren baskulatura.

6.3.– Giltzurrunetako baskulatura.

6.4.– Pelbiseko anatomia.

6.5.– Aorta abdominala eta beheko kaba bena.

6.6.– Beheko gorputz-adarreko anatomia interbentzionista.

7.– Patologia eta prozedurak.

7.1.– Goiko gorputz-adarreko gaixotasun oklusibo arteriala.

7.2.– Beheko gorputz-adarreko iskemia akutua.

7.3.– Goiko gorputz-adarreko iskemia kronikoa eta birbaskularizazioa.

7.4.– Birbaskularizazio aortoiliakoa.

7.5.– Angioplastia Subintimala.

7.6.– Gaixotasun kroniko femoropopliteoa duten pazienteen maneiu endobaskularra.

7.7.– Birbaskularizazio infrapopliteoa.

7.8.– Gorputz-adarretako trauma baskularraren tratamendua.

7.9.– Kateterismo ondoko pseudoaneurismen maneiua.

7.10.– Aneurisma periferikoen tratamendu endobaskularra.

7.11.– Aorto-arteritis ez espezifikoaren maneiua.

7.12.– Sortzetiko anomalia baskularrak: Sailkapena eta terminologia.

7.13.– Fluxu baxuko malformazio baskularren maneiua.

7.14.– Hemangiomen, fistula arteriobenosoen eta fluxu altuko malformazio baskularren maneiu interbentzionista.

7.15.– Endoinjerto aortikoa.

7.16.– Aneurisma aortiko juxtarrenalen stent-injerto fenestratua.

7.17.– Endoleakak: Sailkapena eta diagnostikoa.

7.18.– Endoleakak: Terapeutikoki heltzea.

7.19.– Aortaren eta bere adarkatzeen disekzioaren tratamendu endobaskularra.

7.20.– Beheko traktuko odoljario gastrointestinala.

7.21.– Goiko odoljario gastrointestinalaren maneiua.

7.22.– Irudiak zuzendutako ebakuntzak iskemia mesenterikoan (IAM).

7.23.– Iskemia mesenteriko kronikoa.

7.24.– Giltzurruneko angioplastia eta stenta jartzea.

7.25.– Giltzurruneko iskemia akutua.

7.26.– Giltzurrun-arteriaren enbolizazioa.

7.27.– Benan zeharreko giltzurruneko biopsia.

7.28.– Interbentzioa gibeleko transplantea jasan duen pazientean.

7.29.– Bena jugularrean zeharreko gibeleko biopsia.

7.30.– Kimioenbolizazioa kartzinoma hepatozelularrerako.

7.31.– Erradioenbolizazioa kartzinoma hepatozelularrerako.

7.32.– Enboloterapia HCC ez diren beste gibeleko tumore gaiztoak tratatzeko.

7.33.– Erradioenbolizazioa beste gibeleko neoplasia gaizto batzuetarako.

7.34.– Enbolizazio biguna gibeleko tumore gaiztoak tratatzeko.

7.35.– Porta benaren enbolizazioa.

7.36.– Gibeleko eta bareko traumaren maneiua.

7.37.– Enbolizazio esplenikoa paziente ez traumatizatuan.

7.38.– Erraietako aneurismen maneiua.

7.39.– Arteria barneko portuak kimioterapiarako.

7.40.– Umetokiko tumore fibroidearen enbolizazioa.

7.41.– Gizonezkoen barikozelearen maneiua.

7.42.– Emakumezkoen bena-kongestioaren sindromearen maneiua.

7.43.– Fluxu altuko priapismoaren tratamendua.

7.44.– Pelbiseko odoljarioaren maneiua trauman.

7.45.– Toraxeko aortako injertoa stentarekin.

7.46.– Toraxeko aortako eta hodi handietako lesio traumatikoen maneiua.

7.47.– Bronkioetako arteriaren enbolizazioa.

7.48.– Biriketako malformazio arteriobenosoak: diagnostikoa eta maneiua.

7.49.– Biriketako enbolia.

7.50.– Larruazalean zeharreko ebakuntzak biriketako enboliarako.

7.51.– Goiko gorputz-adarreko oklusio benosoaren gaixotasun kronikoa / SCV.

7.52.– Beheko gorputz-adarreko oklusio benosoaren gaixotasun kronikoaren larruazalean zeharreko maneiua.

7.53.– Beheko gorputz-adarreko tronbosi benoso sakon akutua.

7.54.– Goiko gorputz-adarreko tronbosi benoso sakon akutua.

7.55.– Tronbosi benoso portal-mesenterikoa.

7.56.– Beheko kaba benako iragazkia.

7.57.– Gorputz arrotz endobaskularrak berreskuratzea.

7.58.– Giltzurrun-benako erreninako laginketa benosoa.

7.59.– Laginketa benoso suprarrenala.

7.60.– Laginketa benoso paratiroideoa.

7.61.– Arteriografia eta estimulazio arteriala laginketa benosoarekin pankreako tumore endokrinoak lokalizatzeko.

7.62.– Deribazio portosistemiko intrahepatiko transjugularrak.

7.63.– Atzeranzko oklusio benosoa baloiarekin.

7.64.– Hemodialisirako sarbidearen kontrola.

7.65.– Tronbosiaren larruazalean zeharreko tratamendua FAVIn hemodialisirako.

7.66.– PICC eta tunelik gabeko kateter benoso zentralak.

7.67.– Porrot egin duen hemodialisiaren sarbidearen maneiua.

7.68.– Kateter benoso zentral tunelizatuak.

7.69.– Larruazalpeko portuak.

7.70.– Hemodialisirako sarbidea: kateterrak eta portuak.

7.71.– Gaixotasun linfatikoaren agerpen klinikoak. Toraxeko hodiaren enbolizazioa.

7.72.– Biopsiako gailuak.

7.73.– Profilaxia antibiotikoekin erradiologia interbentzionistan.

7.74.– Sudur-malkoetako bidearen ebakuntzen maneiua.

7.75.– Ebakuntza esofagikoa. Gaixotasun esofagiko gaiztoa eta onbera.

7.76.– Ebakuntza buxadura gastrikorako eta buxadura duodenalerako.

7.77.– Endoprotesi kolonikoa (ebakuntza aurrekoa eta aringarria).

7.78.– Gastrostomia eta gastroieiunostomia.

7.79.– Behazun-bideko buxadura gaiztoaren tratamendua.

7.80.– Behazun-estenosi onberen tratamendua.

7.81.– Behazun-ihesen tratamendua.

7.82.– Larruazalean zeharreko kolezistostomia.

7.83.– Behazun-harrien maneiua (behazun-endoskopia barne).

7.84.– Gibeleko transplantearekin lotutako behazun-konplikazioak.

7.85.– Gibeleko lesioen ablazio kimikoa.

7.86.– Trakeako / bronkioetako ebakuntza.

II.– GAI-ZERRENDA OROKORRA

1.– Oinarrizko printzipioak.

1.1.– X Izpi bidezko irudia.

1.2.– Ordenagailu bidezko tomografiaren bitartez lortutako irudia.

1.3.– Erradiazio ionizatzaileen eragin biologikoak.

1.4.– Irudia ekografian.

1.5.– RM bidezko irudia.

2.– Irudi-teknikak, anatomia erradiologikoa eta semiologia orokorra erradiologia kardiotorazikoa. Oinarrizko printzipioak.

3.– Irudi-teknikak, anatomia erradiologikoa eta semiologia orokorra eta jarraibideak abdomeneko eta pelbiseko erradiologian. Oinarrizko printzipioak.

4.– Irudi-teknikak, anatomia erradiologikoa eta jarraibideak muskulu-hezurretako erradiologian. Oinarrizko printzipioak.

5.– Bularra miatzeko teknikak. Anatomia erradiologikoa, semiologia orokorra eta jarraibideak. Oinarrizko printzipioak.

6.– Pediatriako pazienteari heltzea. Teknikak eta prozedurak. Oinarrizko printzipioak.

7.– Irudi-teknikak, anatomia erradiologikoa, semiologia orokorra eta jarraibideak neuroerradiologian. Oinarrizko printzipioak.

8.– Paziente politraumatizatuaren maneiu erradiologikoa. Oinarrizko printzipioak.

III.– GAI-ZERRENDA KOMUNA

1.– Osasun-lanbideen Antolamendurako arau orokorrak. Osasun Sistema Nazionalaren kohesioko eta kalitateko xedapen orokorrak.

2.– Osasun-zerbitzuetako pertsonal estatutarioaren Estatutu Markoaren arau orokorrak. Eskubideak eta betebeharrak. Pertsonal estatutario finkoaren izaera lortzea eta galtzea.

3.– Euskadiko Antolamendu Sanitarioaren Xedapen Orokorrak. Euskadiko Osasun-sistema: antolamendua eta herritarren eskubide eta betebeharrak. Kontratu-programa. Osakidetza-Euskal osasun zerbitzua Ente Publikoaren konfigurazioa. Zuzendaritza-antolakuntza. Gestio-araubidea. Osakidetza-Euskal osasun zerbitzua Ente Publikoaren definizioa. Xedeak. Antolaketa gidaria: zerrendatzea. Zuzendaritza Nagusia: sormena. Zerbitzu-erakundeak: lege-aitorpena.

4.– Pertsonen eskubideak eta betebeharrak Euskadiko osasun-sisteman.

5.– Pazientearen autonomia, eskubideak eta betebeharrak, informazio eta dokumentazio klinikoari dagokienez. Informazio sanitariorako eskubidea. Intimitaterako eskubidea. Pazientearen autonomiaren errespetua. Historia klinikoa. Alta-txostena eta bestelako dokumentazio klinikoa. Borondate aurreratuak osasun-eremuan.

6.– 3/2018 Lege Organikoa, abenduaren 5ekoa, Datu Pertsonalak Babesteari eta eskubide digitalak bermatzeari buruzkoa. Xedapen orokorrak: Legearen xedea eta hildako pertsonen datuak. Datuak babestearen printzipioak. Pertsonen eskubideak.

7.– Emakumeen eta gizonen berdintasunerako Legearen xedea. Printzipio orokorrak. Jazarpen sexista.

8.– Estrategiak: Osasun Sailaren Ildo Estrategikoak 2017-2020. Osasun Plana. Euskadiko Osasun Politikak 2013-2020. Osakidetzaren Erronka eta Proiektu Estrategikoak 2017-2020. Pazientearen Segurtasunaren Estrategia Osakidetzan 2017-2020. Arreta Soziosanitarioko Lehentasun Estrategikoak 2017-2020.

9.– Osakidetzan euskararen erabilera normalizatzeko jardun-eremuak eta neurriak: Osakidetzan euskararen erabilera normalizatzeko 2. Plana. 2013-2019: Irudia eta Komunikazioa eta Kanpo-harremanak.

GAI-ZERRENDA ESPEZIFIKOAREN BIBLIOGRAFIA

1.– Manual de procedimientos en radiología intervencionista. Egileak: Krishna Kandarpa MD, PhD, Lindsay Machan MD, Janette Durham MD. ISBN/ISSN: 9788416781188 Argitaratze-data: 2017ko apirilaren 19a.

2.– Image-Guided Interventions, 2. edizioa. Expert Radiology Series (Expert Consult - Online and Print). By Matthew A. Mauro, MD, FACR, Kieran P.J. Murphy, MB, FRCPC, FSIR, Kenneth R. Thomson, MD, FRANZCR, Anthony C. Venbrux, MD and Robert A. Morgan, MBChB, MRCP, FRCR, EBIR

GAI-ZERRENDA OROKORRAREN BIBLIOGRAFIA

1.– Del Cura, JL. Radiología esencial. Panamericana argitaletxea, 2010. ISBN: 9788479035747.

GAI-ZERRENDA KOMUNAREN BIBLIOGRAFIA

1.– 44/2003 Legea, azaroaren 21ekoa, Lanbide Sanitarioen Antolamenduari buruzkoa. 16/2003 Legea, maiatzaren 28koa, Osasun Sistema Nazionalaren kohesio eta kalitateari buruzkoa.

2.– 55/2003 Legea, abenduaren 16koa, osasun-zerbitzuetako pertsonal estatutarioaren Estatutu Markoarena.

3.– 8/1997 Legea, ekainaren 26koa, Euskadiko Antolamendu Sanitarioarena. 255/1997 Dekretua, azaroaren 11koa, Osakidetza-Euskal osasun zerbitzua Ente Publikoaren Estatutu Sozialak ezartzen dituena.

4.– 147/2015 Dekretua, uztailaren 21ekoa, Euskadiko osasun-sistemako pertsonen Eskubideei eta Betebeharrei buruzko Adierazpena onartzen duena.

5.– 41/2002 Oinarrizko Legea, azaroaren 14koa, pazientearen autonomiari eta informazio eta dokumentazio klinikoaren arloko eskubide eta betebeharrei dagokiena. 7/2002 Legea, abenduaren 12koa, osasun arloko Aurretiazko Borondateena.

6.– 3/2018 Lege Organikoa, abenduaren 5ekoa, Datu Pertsonalak Babesteari eta eskubide digitalak bermatzeari buruzkoa buruzkoa. Xedapen orokorrak: Legearen xedea eta hildako pertsonen datuak. Datuak babestearen printzipioak. Pertsonen eskubideak.

7.– 4/2005 Legea, otsailaren 18koa, Emakumeen eta gizonen berdintasunerako dena.

8.– Osasun Sailaren Ildo Estrategikoak 2017-2020.

Http://www.euskadi.eus/contenidos/informacion/publicaciones_departamento/eu_def/adjuntos/stp/ildo-estrategikoak.pdf

Osasun Plana. Euskadiko Osasun Politikak 2013-2020.

Http://www.osakidetza.euskadi.eus/contenidos/informacion/publicaciones_informes_estudio/es_pub/adjuntos/plan_salud_2013_2020.pdf

Osakidetzaren Erronka eta Proiektu Estrategikoak 2017-2020.

Http://www.osakidetza.euskadi.eus/contenidos/informacion/buen_gob_planes/eu_def/adjuntos/PE_2017_2020_web_EUS.pdf

Pazientearen Segurtasun arloko Estrategia Osakidetzan 2017-2020.

Http://www.osakidetza.euskadi.eus/contenidos/informacion/cinfo_estrategia_seg_paciente/es_def/adjuntos/ESTRATEGIA2020_es.pdf

Arreta Soziosanitarioko Lehentasun Estrategikoak 2017-2020.

Http://www.euskadi.eus/soziosanitarioa/-/albistea/2018/arreta-sozio-sanitarioaren-lehentasun-estrategikoak-euskadi-2017-2020/

9.– Osakidetzan Euskararen erabilera normalizatzeko II. Plana 2013-2019.

Https://www.osakidetza.euskadi.eus/contenidos/informacion/publicaciones_euskera/eu_osk/adjuntos/euskararenPlanaEu.pdf

Azterketa dokumentala