RSS
97. zk., 2019ko maiatzaren 24a, ostirala
- Bestelako formatuak:
- PDF (202 KB - 2 orri.)
- EPUB (219 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
JUSTIZIA ADMINISTRAZIOA
BARAKALDOKO LEHEN AUZIALDIKO 5 ZENBAKIKO EPAITEGIKO ZUZENEKO LAGUNTZA EMATEKO UNITATE PROZESALA
2483
EDIKTUA, behin betiko neurriak aldatzeko bideratutako 302/2018 prozeduraren ondoriozkoa.
Barakaldoko Lehen Auzialdiko 5 zenbakiko Epaitegia (Familia), Zuzeneko Laguntza Zibila emateko Unitate Prozesala.
Judizioa: behin betiko neurriak aldatzekoa. 302/2018.
Alderdi demandatzailea: Jose Luis Anton Caceres.
Alderdi demandatua: Florina Nicolescu.
Gaia: judizio arrunta.
Judizio horretan ebazpena eman da eta honela dio hitzez hitz:
230/2019 EPAIA
Epailea: Ana Isabel Viaña Ranilla andrea.
Lekua: Barakaldo (Bizkaia).
Eguna: bi mila eta hemeretziko apirilaren bata.
Alderdi demandatzailea: Jose Luis Anton Caceres.
Abokatua: Javier Oscar Vela Ibarra.
Prokuradorea: Ignacio Hijon Gonzalez.
Alderdi demandatua: Florina Nicolescu.
Abokatua.
Prokuradorea.
EPAITZA
Partez baiesten dut Jose Luis Antón Cáceresek Florina Nicolescuren aurka aurkeztutako demanda. Hori dela eta, erabakitzen dut aldatu beharra dagoela barruti judizial honetako Emakumeen aurkako Indarkeriaren arloko Epaitegiak zaintza eta jagoletzari buruzko prozeduran emandako adostasunik gabeko dibortzio bati buruzko 57/2013 prozeduran 2013ko abenduaren 9ko Epaiaren bidez onartutako neurriak. Neurri hauek ezartzen ditut:
Florina Nicolescuk Ioana Elisabeth eta Izaro komunekiko zuen guraso-ahala bertan behera uztea; izan ere, ahal hori aurrerantzean aitak baliatuko du esklusiboki, eta alaben zaintza eta jagoletza ere aitari esleitzen zaizkio, eta zaintza ez duen gurasoak bisita- eta egonaldi-erregimena izatea ez da bidezkotzat jotzen.
Adingabeko alaben aldeko mantenu-pentsio bat ezartzen da. Amak ordaindu beharko du pentsioa, eta 200 eurokoa izango da (10 euro alaba bakoitzeko). Aldez aurretik ordaindu beharko du, hilabete bakoitzeko lehen bost egunen barruan, aitak hartarako izendatutako aurrezki-kontuan. Kopuru hori urtero eguneratuko da KPIren arabera.
Aurkaratzeko modua: Bizkaiko Probintzia Auzitegian aurkeztutako apelazio-errekurtsoaren bidez (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta hurrengo egunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den, eta zein diren apelatutako ebazpena eta aurkaratutako erabakiak (PZLb, 458.2 artikulua).
Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santanderren duen gordailu eta kontsignazio kontuan. Kontuaren zenbakia hauxe da: ......... Ordainagiriaren kontzeptua idazteko hutsunean, «errekurtsoa» dela adierazi beharko da (kodea: 02-Apelazioa). Diru-kopuru hori kontsignatu dela egiaztatu beharko da errekurtsoa aurkeztean (BJLOko 15. XG).
Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak eta doako laguntza juridikorako eskubidea aitortua dutenak.
Eta epai honen bidez erabaki, agindu eta sinatzen dut.
Alderdi demandatuaren gaur egungo helbidea edo bizilekua ezezaguna denez gero, Prozedura Zibilaren 1/2000 Legearen 156.4 eta 164. artikuluetan xedatutakoarekin bat etorriz, ediktu hau EHAAn argitaratzea ebatzi da, epaia jakinarazteko eginbidea gauza dadin.
Barakaldo (Bizkaia), 2019ko apirilaren 4a.
JUSTIZIA ADMINISTRAZIOAREN LETRADUA.
