Egoitza elektronikoa

Kontsulta

Kontsulta erraza

Zerbitzuak


Azken aldizkaria RSS

Euskal Herriko Agintaritzaren Aldizkaria

71. zk., 2019ko apirilaren 11, osteguna


Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

VITORIA-GASTEIZKO LEHEN AUZIALDIKO 2 ZENBAKIKO ZUZENEKO LAGUNTZA EMATEKO UNITATE PROZESALA
1855

EDIKTUA, 1199/2018 hitzezko judizioaren ondoriozkoa.

Vitoria-Gasteizko Lehen Auzialdiko 2 zenbakiko Epaitegian, 1199/2018 hitzezko judizioaren prozedura bideratu da, Buildingcenter SAUk eskatuta, Vitoria-Gasteizko Aiala Kantzilerraren kaleko 13. zk. 4. solairuan ezkerretara kokatuta dagoen etxebizitzako okupatzaile ezezagunen aurka. Prozedura horren gainean epaia eman da. Hona hemen idazpurua eta epaitza:

63/19 Epaia

Epailea: Francisco Javier Pablo Pablo.

Lekua: Vitoria-Gasteiz.

Eguna: 2019ko otsailaren 22a.

Alderdi demandatzailea: Buildingcenter SAU.

Abokatua.

Prokuradorea: Antonio Blasco Alabadi.

Alderdi demantatua: Gasteizko Aiala Kantzilerraren kaleko 13. zk. 4. solairuan ezkerretara kokatuta dagoen etxebizitzako okupatzaile ezezagunak.

Abokatua.

Prokuradorea.

Judizioaren gaia: kontratuak, orokorrean.

Nik, Francisco Javier Pablo Pablo, ikusi ditut prekarioko utzarazpenari buruzko hitzezko judizioaren autoak, epaitegi honetan bideratu eta izapidetu direnak (1199/2018 zk.), Blasco prokuradoreak eskatuta, Buildingcenter SAU ordezkatuz, Selles abokatuak lagunduta, auzi-ihesean diren okupatzaile ezezagunen aurka.

EPAITZA

Baiesten dut Blasco prokuradoreak, Buildingcenter SAU ordezkatuz aurkeztu duen prekarioko utzarazpenari buruzko hitzezko judiziorako demanda, auzi ihesean diren okupatzaile ezezagunen aurkakoa, Gasteizko Aiala Kantzilerraren kaleko 13. zk. 4. solairuan ezkerretara kokatuta dagoen etxebizitza dela-eta; horrenbestez.

Okupatzaile ezezagunak kondenatzen ditut libre eta hutsik eta auzi-jartzailearen eskura uztera prozedurako xede den etxebizitza, eta ohartarazten diet hala egiten ez badute legez ezarritako epean etxetik botako dituztela.

Kostuak demandatuari ezartzen zaizkio berariaz.

Jakinaraz bedi.

Aurkaratzeko modua: apelazio errekurtsoa aurkeztuta Arabako Probintzia Auzitegiari (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, hauek adieraziko dira: aurkaratzea zein alegaziotan oinarritzen den eta apelatutako ebazpena eta aurkaratutako erabakiak zein diren (PZLb, 458.2 artikulua).

Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santander banketxean duen gordailuan eta zainpean uzteko kontuan (0010 0000 02 1199 18). Ordainagiriaren kontzeptua idazteko hutsunean, «Errekurtsoa» dela adierazi beharko da (kodea: 02-Apelazioa). Kontsignazioa egiaztatu beharko da errekurtsoa aurkeztean (BJLO, 15. xedapen gehigarria).

Errekurtsoa jartzeko gordailua eratzetik salbuetsita daude aipatutako xedapenaren 5. paragrafoan aipatzen direnak eta doako laguntza juridikorako eskubidea aitortua dutenak.

Eta epai honen bidez erabaki, agindu eta sinatzen dut.

Ebazpen honen testua ebazpena eman den prozesuan interesdun ez diren alderdiei helarazi ahalko zaie soilik testuak izan ditzakeen datu pertsonalak aurretiaz testutik bereizita, eta betiere errespetatuz intimitaterako eskubidea, babes-behar berezia duten pertsonen eskubideak eta biktimen edo kaltedunen anonimotasunaren bermea, bidezkoa denean.

Ebazpen honetan jasotako datu pertsonalak ezin izango dira laga, ez jakinarazi ere legeek ezarritako helburuez besteko helburuekin.

Argitalpena: epaiari dagokion egunean, jendaurreko entzunaldia egiten ari zelarik, epaia eman zuen epaile berberak eman, irakurri eta argitaratu zuen. Eta nik, idazkari judiziala naizenez, guzti horren fede ematen dut, Vitoria-Gasteizen, bi mila eta hemeretziko otsailaren hogeita bian.

Eta demandatuei –Vitoria-Gasteizko Aiala Kantzilerraren kaleko 13. zk. 4. solairuan ezkerretara kokatuta dagoen etxebizitzako okupatzaile ezezagunak– jakinarazpena legeak agindutako moduan egiteko ematen eta sinatzen dut ediktu hau, Vitoria-Gasteizen, bi mila eta hemeretziko otsailaren hogeita bian.

JUSTIZIA ADMINISTRAZIOAREN LETRADUA.


Azterketa dokumentala