RSS
247. zk., 2018ko abenduaren 26a, asteazkena
- Bestelako formatuak:
- PDF (243 KB - 2 orri.)
- EPUB (196 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
AGINTARIAK ETA LANGILERIA
Oposaketak eta lehiaketak
EUSKAL HERRIKO UNIBERTSITATEA
6319
EBAZPENA, 2018ko abenduaren 12koa, Universidad del País Vasco / Euskal Herriko Unibertsitateko errektorearena, honako dokumentu honetan aurkitutako akatsa zuzentzeko dena: Ebazpena, 2018ko azaroaren 2koa, Universidad del País Vasco / Euskal Herriko Unibertsitateko errektorearena, zeinaren bidez agintzen baita oinarri espezifiko batzuk argitaratzeko, talde honetan lan kontratudun langile finkoak hautatzeko prozedura arautuko baitute: UPV / EHUko IV. sailkapen taldea, teknikari laguntzaileak.
2018ko azaroaren 2ko Ebazpenaren bidez (azaroaren 22ko EHAA, 225. zk.) argitara eman ziren Universidad del País Vasco / Euskal Herriko Unibertsitateko IV. sailkapen taldean (teknikari laguntzaileak) lan kontratudun langile finkoak hautatzeko prozedura, 2016. eta 2017. urteetako lan eskaintza publikoekin lotutakoa, arautzeko oinarri espezifikoak.
Akats bat ikusi denez aipatutako erabakiaren 4.1 oinarriaren azken paragrafoan eta akats hori orokorra denez eta deitutako gainerako taldeetako oinarri espezifikoetan ere badagoenez, aintzat hartuta urriaren 1eko 39/2015 Legeak, Administrazio Publikoen Administrazio Prozedura Erkidearenak, 109.2 artikuluan ezarritakoa, honako hau
EBAZTEN DUT:
Lehenengoa.– Ofizioz zuzentzea 2018ko azaroaren 2ko Ebazpenean, 4.1 oinarriaren azken paragrafoan, dagoen akatsa –Euskal Herriko Unibertsitateko errektorearen Ebazpena, zeinaren bidez agintzen baita oinarri espezifiko batzuk argitaratzeko, talde honetan lan kontratudun langile finkoak hautatzeko prozedura arautuko baitute: Universidad del País Vasco / Euskal Herriko Unibertsitateko IV. sailkapen taldea, teknikari laguntzaileak (azaroaren 22ko EHAA, 225. zk.)–. Horrela, bada, honako hau dioen lekuan:
«Eskainitako zerbitzuak behin baino ez dira baloratuko, hau da: nahiz eta hautaketa prozesu batean baino gehiagoan parte hartu, bakar baterako baino ezin izango dira erabili. Horrela, bada, hautagaiak zehaztu egin beharko du (merezimenduak alegatu eta egiaztatzeko epearen barruan) zein hautaketa prozesutarako aurkezten dituen merezimenduak, bat etorrita oinarri orokorretako bosgarren oinarriko bosgarren paragrafoan ezarritakoarekin».
Beste hau esan behar du:
«Eskainitako zerbitzuak behin baino ez dira baloratuko, hau da: nahiz eta hautaketa prozesu batean baino gehiagoan parte hartu, bakar baterako baino ezin izango dira erabili. Horrela, bada, hautagaiak zehaztu egin beharko du (merezimenduak alegatu eta egiaztatzeko epearen barruan) zein hautaketa prozesutarako aurkezten dituen merezimenduak, bat etorrita 7.5. oinarri orokorretan ezarritakoarekin».
Bigarrena.– Ebazpen honek administrazio bidea agortzen du eta beraren aurka aukerako berraztertze errekurtsoa aurkez dakioke errektoreari, hilabeteko epean, ebazpena jakinarazten den egunaren biharamunetik hasita, bat etorrita urriaren 1eko 39/2015 Legeak, Administrazio Publikoen Administrazio Prozedura Erkidearenak, 123. eta 124. artikuluetan hirugarren xedapen iragankorrarekin lotuta ezarritakoarekin; bestela, administrazioarekiko auzi errekurtsoa jar daiteke zuzenean dagokion EAEko Auzitegi Nagusiko Administrazioarekiko Auzien Salan bi hilabeteko epean, ebazpena jakinarazi eta biharamunetik hasita, bat etorrita uztailaren 13ko 29/1998 Legeak, Administrazioarekiko Auzien Jurisdikzioarenak, 46. artikuluan ezarritakoarekin.
Leioa, 2018ko abenduaren 12a.
UPV / EHUko errektorea,
NEKANE BALLUERKA LASA.
