RSS
199. zk., 2018ko urriaren 16a, asteartea
- Bestelako formatuak:
- PDF (191 KB - 1 orri.)
- EPUB (196 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
BESTELAKO XEDAPENAK
HEZKUNTZA SAILA
5054
EBAZPENA, 2018ko irailaren 28koa, Hezkuntza Berriztatzeko zuzendariarena, zeinaren bidez irabazi-asmorik gabeko zenbait erakunderi laguntzak ematen baitzaizkie, 2018-2019 ikasturtean eskola-esparruan eta Hezkuntza Sailarekin lankidetzan egin nahi baitituzte ikasle ijitoentzako hezkuntza-jarduerak (L2. Hezkuntza inklusiboa eta aniztasunaren arreta).
Kontuan harturik zer dioen Hezkuntzako sailburuaren 2018ko maiatzaren 30eko Aginduak (agindu haren bidez, irabazi-asmorik gabeko zenbait erakunderi dei egiten zaie, hain zuzen ere, eskola esparruan ikasle ijitoentzako hezkuntza-jarduerak garatzeko 2018-2019 ikasturtean Hezkuntza Sailarekin lankidetzan jardun nahi dutenei), aurkeztu diren eskabideak eta ebaluazio-batzordearen proposamena aztertu ondoren, eta deialdia egiten duen Aginduaren 12. artikulua aplikatuz, honako hau
EBAZTEN DUT:
Lehenengoa.– Elkarteei laguntza hauek ematea, kasuan-kasuan zehazten den zenbatekoarekin:
(Ikus .PDF)
Bigarrena.– Laguntzak bi zatitan ordainduko dira:
a) Aurre-ordainketa bat egingo da, diru-laguntzaren % 20koa, emandako laguntza onartu eta berehala.
b) Gainerakoa, diru-laguntza osoaren % 80a, bitarteko txostena aurkeztu ondoren ordainduko da. Txostenean, proiektuaren ordura arteko garapena zein izan den jasoko da eta ikastetxeetan garatzen ari diren lan-plangintza aipatuko da. Txosten hori 2019ko urtarrilaren 7tik 31ra bitartean aurkeztuko da.
AZKEN XEDAPENA
Ebazpen honen kontra, gora jotzeko errekurtsoa aurkeztu ahal izango zaio Hezkuntzako sailburuordeari, hilabeteko epean, ebazpen hau jakinarazi eta hurrengo egunetik hasita.
Vitoria-Gasteiz, 2018ko irailaren 28a.
Hezkuntza Berriztatzeko zuzendaria,
LUCÍA TORREALDAY BERRUECO.
