Euskal Herriko Agintaritzaren Aldizkaria

183. zk., 2018ko irailaren 21a, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

BARAKALDOKO LEHEN AUZIALDIKO 5 ZENBAKIKO EPAITEGIA

4617

EDIKTUA, guraso-ahala kentzeari buruzko 330/2017 prozedura arruntaren ondoriozkoa.

Barakaldoko Lehen Auzialdiko 5 zenbakiko Epaitegia (Familia).

Judizioa: 330/2017 prozedura arrunta.

Alderdi demandatzailea: E.O.D.

Alderdi demandatua: Ibbe Donatus.

Gaia: arrunta.

Judizio horretan ebazpena eman da eta honela dio hitzez hitz:

480/2018 EPAIA

Epailea: Ana Isabel Viaña Ranilla.

Lekua: Barakaldo (Bizkaia).

Data: 2018ko uztailaren 13a.

Alderdi demandatzailea: E.O.D.

Abokatua: Nuria Aurrekoetxea Gaztañaga.

Prokuradorea: Sonia Saenz Tuñon.

Alderdi demandatua: Ibbe Donatus.

Abokatua.

Prokuradorea.

Judizioaren gaia: guraso-ahala.

EPAITZA

Osorik baiesten dut E.O.D. andreak aurkeztu duen demanda, Ibbe Donatus jaunaren aurkakoa. Horrenbestez, dekretatzen dut demandatuaren guraso-ahala eta horri lotutako gainerako eskubideak kentzea, XXXXX eta XXXXX seme-alabei dagokienez. Nolanahi ere, guraso-ahala berreskuratzerik izango du neurri horren kausa bertan behera geratzen bada. Demandatua hau onartu eta betetzera kondenatzen dut.

Auzialdi honetan sortutako kostuak ez dira berariaz ezarriko.

Aurkaratzeko modua: Bizkaiko Probintzia Auzitegian aurkeztutako apelazio-errekurtsoaren bidez (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, hauek adieraziko dira: aurkaratzea zein alegaziotan oinarritzen den eta apelatutako ebazpena eta aurkaratutako erabakiak zein diren (PZLb, 458.2 artikulua).

Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori kontsignatu beharko da epaitegi honek Banco Santanderren duen Gordailu eta Kontsignazio Kontuan. Kontuaren zenbakia hauxe da: ........... Ordainagiriaren kontzeptua idazteko hutsunean, «errekurtsoa» dela adierazi beharko da (kodea: 02-Apelazioa). Diru-kopuru hori kontsignatu izana egiaztatu beharko da errekurtsoa aurkeztean (BJLOko 15. XG).

Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak eta doako laguntza juridikorako eskubidea aitortua dutenak.

Eta epai honen bidez erabaki, agindu eta sinatzen dut.

Alderdi demandatuaren gaur egungo helbidea edo bizilekua ezezaguna denez gero, Prozedura Zibilaren 1/2000 Legearen 156.4 eta 164. artikuluetan xedatutakoarekin bat etorriz, ediktu hau EHAAn argitaratzea ebatzi du epaileak, epaia jakinarazteko eginbidea gauza dadin.

Barakaldo (Bizkaia), 2018ko uztailaren 20a.

JUSTIZIA ADMINISTRAZIOAREN LETRADUA.

Azterketa dokumentala