Euskal Herriko Agintaritzaren Aldizkaria

156. zk., 2018ko abuztuaren 14a, asteartea

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

EIBARKO LEHEN AUZIALDIKO ETA INSTRUKZIOKO 1 ZENBAKIKO ZUZENEKO LAGUNTZA EMATEKO UNITATE PROZESALA

4242

EDIKTUA, ezkontzaz kanpoko seme-alabentzako neurrietarako 55/2018 prozeduraren ondoriozkoa.

Eibarko Lehen Auzialdiko eta Instrukzioko 1 zenbakiko Zuzeneko Laguntza emateko Unitate Prozesala.

Judizioa: 55/2018 ezkontzaz kanpoko seme-alabentzako neurriak.

Demandatzailea: Rafael Antonio Rosario Estevez.

Abokatua: Eider Lete Akarregi.

Prokuradorea: Luis Echaniz Aizpuru.

Demandatua: Patricia del Valle Chirino Moreno.

Gaia: guraso eta seme-alaben arteko neurriak.

Judizio horretan, epaia eman da 2018-06-28an. Hona hemen epaitza:

EPAITZA

Baiesten dut Echaniz prokuradoreak Rafael Antonio Rosario Estevez jaunaren izenean eta hura ordezkatuz jarritako demanda, Patricia del Valle Chirino Moreno andrearen aurkakoa. Horrenbestez, XXXXX adingabearentzat honako neurri hauek erabakitzen ditut:

– Aitari, Rafael Antonio Rosario Estevez jaunari, ematen diot seme adingabearen zaintza eta jagoletza. Guraso-ahala, berriz, aitak eta amak edukiko dute batera.

– Amaren eta adingabearen arteko bisita-erregimena alderdiek libreki itunduko dute, eta egokitzat jotzen duten bezain malgua izango da. Adostasunik ezean, Patricia del Valle Chirino Moreno andreak, Espainian dagoenean, seme adingabea bisitatu ahal izango du astearte eta ostegun guztietan, 17:00etatik 19:00ak arte, eta asteburu batean bai eta bestean ez, zapatu eta igande, 17:00etatik 19:00ak arte, gaua eman gabe.

– Patricia del Valle Chirino Moreno andreak hilean 100 euro ordainduko ditu seme adingabearen mantenurako. Diru kopuru hori hil bakoitzaren lehenengo bost egunen barruan ordaindu beharko du, ebazpen honen datatik aurrera, eta hilaren gainerako egunei dagokiena hainbanatu egingo da. Rafael Antonio Rosario Estevez jaunak adierazten duen banku-kontuan sartuko du dirua. Neurri hori betetzen ez bada, behar diren lege-neurriak hartuko dira. Zenbateko hori urtero eguneratuko da KPIaren arabera, eta 2019ko urtarrilaren 1ean eguneratuko da lehenengoz. Aparteko gastuak bi gurasoek ordainduko dituzte, erdi bana. Aldez aurretik justifikatu egingo dira.

Mantenua zein aparteko gastuak ordaintzeko betebeharra egongo da, harik eta semea adin nagusira heldu eta ekonomikoki independentea izan arte.

Alderdi bati ere ez zaio ezartzen prozedura honetako kosturik.

Jakinaraz bekie ebazpen hau alderdiei, legeak agindu bezala.

Sar bedi ebazpen honen jatorrizko kopia epaien liburuan, eta jaso bedi lekukotza-kopia autoetan.

Aurkaratzeko modua: Gipuzkoako Probintzia Auzitegian, apelazio-errekurtsoaren bidez (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta hurrengo egunetik aurrera. Idazki horretan hauek adieraziko dira: aurkaratzea zein alegaziotan oinarritzen den, eta apelatutako ebazpena eta aurkaratutako erabakiak zein diren (PZLb, 458.2 artikulua).

Errekurtsoa jarri ahal izateko, 50 euroko gordailua egin beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santander banketxean duen Gordailuan eta Zainpean jartzeko Kontuan. Ordainagiriaren kontzeptua idazteko hutsunean, «errekurtsoa» dela adierazi beharko da (kodea: 02-Apelazioa). Diru kopuru hori zainpean jarri izana frogatu beharko da errekurtsoa aurkeztean (BJLO, 15. xedapen gehigarria).

Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak, eta doako laguntza juridikorako eskubidea aitortua dutenak.

Eta epai honen bidez erabaki, agindu eta sinatzen dut.

Argitalpena: epaiari dagokion egunean, jendaurreko entzunaldia egiten ari zelarik, epaia eman zuen magistratu berberak eman, irakurri eta argitaratu zuen. Eta nik, Justizia Administrazioaren letradu naizenez, horren guztiaren fede ematen dut, Eibarren (Gipuzkoa), bi mila eta hemezortziko ekainaren hogeita zortzian.

Patricia del Valle Chirino Moreno demandatuaren egungo bizilekua ezezaguna denez, aipatutako ebazpena Euskal Herriko Agintaritzaren Aldizkarian ediktu bidez jakinaraztea erabaki da, Prozedura Zibilaren 1/2000 Legearen 497.2 artikuluan xedatutakoaren arabera.

Ebazpen horren aurka, apelazio-errekurtsoa aurkez dezake demandatuak, zeina auzi-ihesean baitago.

Interesdunak eskuragarri du jakinarazten den ebazpenaren testu osoa, auzitegi honetako bulego judizialean.

Eibar (Gipuzkoa), 2018ko ekainaren 29a.

JUSTIZIA ADMINISTRAZIOAREN LETRADUA.

Azterketa dokumentala