Euskal Herriko Agintaritzaren Aldizkaria

92. zk., 2018ko maiatzaren 15a, asteartea

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

VITORIA-GASTEIZKO MERKATARITZA ARLOKO 1 ZENBAKIKO ZUZENEKO LAGUNTZA EMATEKO UNITATE PROZESALA

2575

EDIKTUA, 196/2017 hitzezko judizioaren ondoriozkoa.

Zuzeneko Merkataritza Laguntza emateko Unitate Prozesala – Vitoria-Gasteizko merkataritza-arloko 1 zenbakiko Epaitegia.

Judizioa: 196/2017 hitzezko judizioa.

Demandatzailea: Sociedad General de Autores y Editores (SGAE), Asociación de Gestión de Derechos intelectuales (AGEDI) eta Asociación de Artistas Intérpretes o Ejecutantes Sociedad de Gestión de España (AIE).

Abokatua: Diego Zaballos Garcia, Diego Zaballos Garcia eta Diego Zaballos Garcia.

Prokuradorea: Carlos Jose Elorza Arizmendi, Carlos Jose Elorza Arizmendi eta Carlos Jose Elorza Arizmendi.

Demandatua: Gelsus Hosteleria, S.L. Dolar Bar.

Gaia: hitzezko judizioa.

Judizio horretan, epaia eman da 2018-02-26an. Hona hemen epaitza:

EPAITZA

Osorik baiesten dut Sociedad General de Autores y Editores (SGAE), Asociación de Gestión de Derechos Intelectuales (AGEDI) eta Asociación de Artistas, Intérpretes o Ejecutantes, Sociedad de Gestión de España (AIE) elkarteek, Carlos José Elorza Arizmendi prokuradoreak ordezkaturik, jarri duten demanda, auzi-ihesean den Gelsus Hostelería, S.L.ren aurkakoa, eta, horrenbestez,

Hau deklaratzen dut: 2012ko irailetik 2017ko maiatzera bitartean, biak barnean direla, SGAEk administratutako obrak erabili dituzte demandatuek, bai eta AGEDI eta AIE erakundeen eskubidepekoak diren fonogramak ere. Hori guztia, ustiatzen zuen «Bar Dólar» izeneko lokala girotzeko erabili du, baina ez ditu lortu SGAEren eta AGEDIren nahitaezko baimenak erreprodukzio instrumentalerako. Horrez gain, AGEDIri eta AIEri ez die ordaindu legeak fonogramen ekoizleen eta artista interprete edo jotzaileen alde ezartzen duen ordainsari bidezko eta bakarra. Horren ondorioz,

Honetara kondenatzen dut Gelsus Hostelería, S.L.:

A) SGAEri zenbateko hau ordaintzera, kalte-ordain modura, JILTBren 140. artikuluan ezarritakoaren arabera, «Bar Dólar» izeneko establezimenduan baimenik gabe obrak erreproduzitzeagatik eta horien komunikazio publikoa egiteagatik, 2012ko irailetik 2017ko maiatzera bitarteko aldia kontuan hartuta, biak barnean direla: 1.903 euro gehi zenbateko horren legezko interesa 2017-06-07tik epai honetara arte, eta, epai honetatik aurrera, diruaren legezko interesa bi puntutan gehitua, osorik ordaindu arte.

B) AIE eta AGEDI erakundeei zenbateko hau ordaintzera, ordainsari bidezko eta bakarra dela-eta, demandatuaren establezimendua girotzeko establezimendu horretan eginiko fonogramen komunikazio publikoagatik, eta AGEDI erakundeari 2012ko irailetik 2017ko maiatzera bitartean (biak barnean direla) urratutako erreprodukzio-eskubideagatik ere bai, erakunde horien tarifa orokorren arabera: 666,41 euro gehi zenbateko horren legezko interesa 2017-06-07tik epai honetara arte, eta, epai honetatik aurrera, diruaren legezko interesa bi puntutan gehitua, osorik ordaindu arte.

Kostuak ordaintzera kondenatzen dut demandatua.

Gelsus Hosteleria, S.L. Dolar Bar demandatuaren egungo bizilekua ezezaguna denez, aipatutako ebazpena Euskal Herriko Agintaritzaren Aldizkarian ediktu bidez jakinaraztea erabaki da, Prozedura Zibilaren 1/2000 Legearen 497.2 artikuluan xedatutakoaren arabera (PZL).

Ebazpen honen aurka, demandatuak ezin du inolako errekurtsorik aurkeztu.

Interesdunak eskuragarri du jakinarazten den ebazpenaren testu osoa, auzitegi honetako bulego judizialean.

Vitoria-Gasteiz, 2018ko apirilaren 6a.

JUSTIZIA ADMINISTRAZIOAREN LETRADUA.

Azterketa dokumentala