Euskal Herriko Agintaritzaren Aldizkaria

39. zk., 2018ko otsailaren 23a, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

DURANGOKO LEHEN AUZIALDIKO ETA INSTRUKZIOKO 2 ZENBAKIKO ZUZENEKO LAGUNTZA EMATEKO UNITATE PROZESALA

996

EDIKTUA, ezkontzaz kanpoko seme-alabentzako neurrietarako 192/2017 prozeduraren ondoriozkoa.

JAKINARAZPEN-ZEDULA

Durangoko (Bizkaia) Lehen Auzialdiko 2 zenbakiko Epaitegian, ezkontzaz kanpoko seme-alabentzako neurriei buruzko 192/2017 prozedura bideratu da, Angi Yohanna Montaño Giraldok eskatuta Jose Richard Molina Velezen aurka. Prozedura horren gainean epaia eman da. Hona hemen idazpurua eta epaitza:

17/2018 EPAIA

Epailea: Julio Luis Gallego Martinez.

Lekua: Durango (Bizkaia).

Eguna: bi mila eta hamazortziko otsailaren zazpia.

Alderdi demandatzailea: Angi Yohanna Montaño Giraldo.

Abokatua: Maria Dolores Aguirre Suarez.

Prokuradorea: Zigor Capelastegui Cristobal.

Alderdi demandatua: Jose Richard Molina Velez.

Abokatua.

Prokuradorea.

Judizioaren gaia: zaintza eta babesa eta elikagaien arloko neurriak.

EPAITZA

Osorik baiesten dut Angi Yohanna Montaño Giraldok José Richard Molina Velezen aurka aurkeztutako demanda. Horrenbestez, hau adierazten dut:

1.– XXXXX adingabeko alabaren zaintza eta jagoletza amari esleitzen zaizkio, eta guraso-ahala guraso biek partekatuko dute.

2.– José Richard Molina Velezek, mantenu-pentsio gisa, bere sarrera garbien % 20 ordaindu beharko ditu hilero, 150 euro gutxienez. Kopuru hori hilaren lehenengo bost egunetan sartu beharko du demandatzaileak horretarako emandako kontu-zenbaki batean, eta kopuru hori urte bakoitzaren urtarrilaren batean eguneratu ahal izango da, Estatistikako Institutu Nazionalak urtero argitaratzen duen Kontsumoko Prezioen Indizearen aldaketen arabera.

Horretaz gain, ezohiko gastuei dagokienez, halakotzat hartuko dira, ezohikoak izatearren, ohiko ekarpen gisa hartu behar ez direnak, hau da: gizarte-segurantzak edo dagokion mutuak estaltzen ez dituen gastu medikoak, edo, ez estaltzeaz gain, gastu handia dakartenak, tratamendu psikikoak, tresna zuzentzaileak (lentillak, betaurrekoak, ortodontzia,...) eta dagozkien ordainsari medikoak. Gastu horiek bi gurasoek ordainduko dituzte, erdibana; jagoletza duen gurasoak gastu horien beharra eta gastuaren zenbatekoa justifikatu beharko ditu, agiri bidez. Adostasunik ez badago, epailearen oniritzia eskatuko da.

Ez da berariaz kosturik ezartzen prozedura honetan.

Aurkaratzeko modua: Bizkaiko Probintzia Auzitegian aurkeztutako apelazio-errekurtsoaren bidez (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, hauek adieraziko dira: aurkaratzea zein alegaziotan oinarritzen den eta apelatutako ebazpena eta aurkaratutako erabakiak zein diren (PZLb, 458.2 artikulua).

Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santanderren duen Gordailuan eta Zainpean jartzeko Kontuan. Kontuaren zenbakia hauxe da:. Ordainagiriaren kontzeptua idazteko hutsunean, «errekurtsoa» dela adierazi beharko da (kodea: 02-Apelazioa). Diru-kopuru hori zainpean utzi izana egiaztatu beharko da errekurtsoa aurkeztean (BJLO, 15. XG).

Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak eta doako laguntza juridikorako eskubidea aitortua dutenak.

Eta epai honen bidez erabaki, agindu eta sinatzen dut.

Argitalpena.– Epaiari dagokion egunean, jendaurreko entzunaldia egiten ari zelarik, epaia eman zuen magistratu berberak eman, irakurri eta argitaratu zuen. Eta nik, idazkari judiziala naizenez, horren guztiaren fede ematen dut Bilbon (Bizkaia), bi mila eta hamazortziko otsailaren zazpian.

Eta José Richard Molina Velez demandatuari behar bezalako jakinarazpena egiteko balio dezan, ematen eta sinatzen dut hau, Durangon (Bizkaia), bi mila eta hamazortziko otsailaren zazpian.

JUSTIZIA ADMINISTRAZIOAREN LETRADUA.

Azterketa dokumentala