32. zk., 2018ko otsailaren 14a, asteazkena
- Bestelako formatuak:
- PDF (199 KB - 2 orri.)
- EPUB (195 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
JUSTIZIA ADMINISTRAZIOA
VITORIA-GASTEIZKO LEHEN AUZIALDIKO 6 ZENBAKIKO ZUZENEKO LAGUNTZA EMATEKO UNITATE PROZESALA
839
EDIKTUA, diru-zenbateko bat erreklamatzeko bideratutako 293/2017 hitzezko judizioaren ondoriozkoa.
Zuzeneko Laguntza Zibila emateko Unitate Prozesala – Vitoria-Gasteizko Lehen Auzialdiko 6 zenbakiko Epaitegia.
Judizioa: 293/2017 hitzezko judizioa.
Demandatzailea: Axa Seguros S.A.
Abokatua: Aitor Guisasola Paredes.
Prokuradorea: Isabel Gomez Perez de Mendiola.
Demandatua: Autos Veloz S.C. eta Mutua Madrileña Automovilista Sociedad de Seguros a Prima Fija.
Gaia: diru-zenbateko bat erreklamatzea.
Judizio horretan, epaia eman da 2017-01-25ean. Hona hemen idazpurua eta epaitza:
23/2018 EPAIA
Epailea: David Losada Duran.
Lekua: Vitoria-Gasteiz.
Eguna: bi mila eta hamazortziko urtarrilaren hogeita seia.
Alderdi demandatzailea: Axa Seguros S.A.
Abokatua: Aitor Guisasola Paredes.
Prokuradorea: Isabel Gomez Perez de Mendiola.
Alderdi demandatua: Autos Veloz S.C. eta Mutua Madrileña Automovilista Sociedad de Seguros a Prima Fija.
Abokatua.
Prokuradorea.
Judizioko gaia: erantzukizun zibila.
EPAITZA
Adierazitako guztia kontuan hartuta, osorik baiesten dut Axa Seguros, S.A.ren ordezkari prozesalak aurkeztutako demanda. Horrenbestez, Autos Veloz, S.C. kondenatzen dut demandatzaileari hauek ordaintzera: lau mila laurehun eta berrogei euro eta hirurogeita bederatzi zentimo (4.440,69) eta ebazpen honen bosgarren oinarrian deskribatutako berandutze-interesak. Demandatzaileari ezartzen dizkiot, halaber, auzi honetan sortutako prozesu-kostuak.
Aurkaratzeko modua: apelazio errekurtsoa aurkeztuta, Arabako Probintzia Auzitegiari (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, hauek adieraziko dira: aurkaratzea zein alegaziotan oinarritzen den eta apelatutako ebazpena eta aurkaratutako erabakiak zein diren (PZLb, 458.2 artikulua).
Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, epaitegi honek Banco Santanderren duen Gordailu eta Kontsignazio Kontuan (0072 0000 03 0293 17) kontsignatu beharko da zenbateko hori. Ordainagiriaren kontzeptua idazteko hutsunean, «Errekurtsoa» dela adierazi beharko da (kodea: 02-Apelazioa). Kontsignazioa egiaztatu beharko da errekurtsoa aurkeztean (BJLOren 15. xedapen gehigarria).
Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak, eta doako laguntza juridikorako eskubidea aitortua dutenak.
Eta epai honen bidez erabaki, agindu eta sinatzen dut.
Autos Veloz S.C. demandatuaren egungo egoitza ezezaguna denez, aipatutako ebazpena Euskal Herriko Agintaritzaren Aldizkarian argitaratutako ediktu bidez jakinaraztea erabaki da, Prozedura Zibilaren 1/2000 Legearen 497.2 artikuluaren arabera (PZLb).
Ebazpen horren aurka, apelazio-errekurtsoa aurkez dezake demandatu auzi-iheslariak.
Interesdunak eskuragarri du jakinarazten den ebazpenaren testu osoa, auzitegi honetako bulego judizialean.
Vitoria-Gasteiz, 2018ko urtarrilaren 26a.
JUSTIZIA ADMINISTRAZIOAREN LETRADUA.