Euskal Herriko Agintaritzaren Aldizkaria

30. zk., 2018ko otsailaren 12a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

IRAGARKIAK

Obra, zerbitzu eta horniduren enkanteak eta lehiaketak

OSAKIDETZA-EUSKAL OSASUN ZERBITZUA

783

IRAGARKIA, Osakidetza-Euskal osasun zerbitzuarena, «Bizkaiko Osasun Mentaleko Sareari atxikiriko lorategi eta berdeguneen mantentze-zerbitzu integrala» kontratazio-espedientearen lizitazio-prozedura irekiari buruzkoa.

1.– Erakunde esleitzailea.

a) Erakundea: Osakidetza-Euskal osasun zerbitzua, Osasun Sailera atxikitako Ente Publikoa, Bizkaiko Osasun Mentaleko Sarea, María Díaz de Haro kalea 58, 48010 Bilbao (Bizkaia). Telefonoa: 94 470 52 80. Telefaxa: 94 470 52 82.

b) Espedientea izapidetzen duen bulegoa: Bizkaiko Osasun Mentaleko Sarea–Kontratazio Zerbitzua.

c) Informazioa eta dokumentuak eskuratzea: ikus aurreko 1.a) eta Kontratugilearen profilean. Ikus 12.c) puntua.

d) Espediente-zenbakia: G/200/20/1/0200/O501/0000/012018.

2.– Kontratuaren xedea.

a) Kontratu-mota: zerbitzuak.

b) Xedearen deskribapena: Bizkaiko Osasun Mentaleko Sareari atxikiriko lorategi eta berdeguneen mantentze-zerbitzu integrala.

c) Lote eta zenbakien araberako banaketa: ez (lote bakarra). Ikus zehaztasunak oinarri teknikoen pleguan.

d) Gauzatzeko lekua: Bizkaiko Osasun Mentaleko Sarearen barruan dauden hainbat zentroa. Ikus zehaztasunak oinarri teknikoen pleguan.

e) Gauzatzeko epea: bi urte.

f) Luzatzeko aukera: bai, gehienez urtebete gehiago.

g) Esparru-akordio bat ezartzea (hala dagokionean): ez.

h) CPV (Nomenklatura Erreferentzia): 77311000-3.

3.– Izapidetzea, prozedura eta esleitzeko era.

a) Izapidetzea: arrunta.

b) Prozedura: irekia.

c) Eskaintzak baloratzeko irizpideak, administrazio-klausula berezien pleguaren karatularen 30. puntuan ezarritakoaren arabera:

c.1.– Formuletan oinarritutako irizpideak: prezioa/balorazio ekonomikoa: % 55, Zerbitzua zenbat denboraz eman den: % 15.

c.2.– Balio-judizioan oinarritutako irizpideak: lan-planaren proposamena: % 15, eta azpiegiturak, materiala, makinaria eta erabili beharreko tresnak: % 15.

4.– Kontratuaren balio zenbatetsia: 199.155,00 euro (BEZik gabe).

5.– Lizitaziorako oinarrizko aurrekontua: 117.150,00 euro bi urtean behin (BEZik gabe).

6.– Eskatutako bermeak: behin betiko bermea: esleipenaren zenbatekoaren % 5. Ez dagokio behin-behineko bermea.

7.– Kontratistaren berariazko betebeharrak.

a) Sailkapena: ez da sailkapenik eskatzen. Halere, dokumentazio-izapideak errazteko, beherago adierazitako sailkapena duten lizitatzaileek, hala egiaztatuz gero, baldintza hori betetzen dutela ulertuko da. Horrela izango ez balitz, atzerriko enpresentzat ere, askatasunez egiaztatu dezakete honako b) puntu honen arabera:

(Ikus .PDF)

(Ikus .PDF)

(Ikus .PDF)

b) Bestelako betekizunak, kaudimen ekonomiko eta finantzarioari eta kaudimen tekniko eta profesionalari dagokionez: bai, administrazio-klausula berezien pleguaren karatularen 29.2.3 puntuaren arabera, azaroaren 14ko 3/2011 Legegintzako Errege Dekretuaren bidez onetsitako Sektore Publikoko Kontratuei buruzko Legearen testu bateginaren 75. eta 78. artikuluei dagokienez.

Kaudimen ekonomiko eta finantzarioa:

– Betekizunak:

Enpresa lizitatzaileek azken hiru urte bukatuetan negozio-bolumenik altuena izan duen urteko negozio-bolumena ziurtatu beharko dute, eta bolumen hori lizitazioko oinarrizko bi urteko aurrekontuaren zenbatekoari (BEZik gabe) dagokiona izan beharko da.

Agiriak edo/eta ziurtagiriak:

Agiriak edo/eta ziurtagiriak: urteko negozio-bolumena (zenbatekoa) ziurtatzeko, Merkataritza Erregistroan jasotako eta onartutako urteko kontuak aurkeztu beharko dira, enpresaria erregistro horretan inskribatuta badago, eta, bestela, kasuan kasu dagokion erregistro ofizialean jasotakoak aurkeztu beharko dira. Merkataritzako Erregistroan inskribatuta ez dauden enpresari indibidualek haien urteko negozio-bolumena egiaztatuko dute haien inbentarioen eta urteko kontuen liburuekin, Merkataritzako Erregistroak horiek legalizatu ondoren.

Kaudimen teknikoa edo profesionala:

– Betekizunak:

Enpresak urtean bataz beste duen plantillari buruzko deklarazioa eta azken hiru urteetan zuzendari aritu direnen garrantzia. Dagozkien agiriak aurkeztu beharko dituzte horiek egiaztatzeko.

Berariaz zehaztuko den gutxieneko balioa izango da enpresak dauzkan lorazainekin parekatzen den kategoriari dagokion langile kopurua eta ez da izango hamabost baino gutxiago.

– Agiriak edo/eta ziurtagiriak:

Ahaldunaren erantzukizunpeko deklarazioa, egiaztatzeko dokumentazioarekin batera (kontratuak eta/edo kotizazio-dokumentuak etab.) kopia soil bidez aurkeztua, horren ondoren erkatu edo notario bidez autentifikatu beharko dena baldin eta esleipendun bada, hamar egun balioduneko epean Sektore Publikoko Kontratuei buruzko Legearen testu bateginaren 151. artikuluko 2. atalaren arabera.

Gainera, kaudimen teknikoa egiaztatu behar izango da kontratuaren egikaritzapenean beharrezkoak diren bitarteko pertsonal edo material nahikoak izateko konpromisoaren bidez, hautagai edo lizitatzaileek aurkezten duten eskaintzan zehaztu beharko dituzte bitarteko pertsonal eta material horiek Eusko Jaurlaritza-Osakidetzako Kontratatzailearen Profilean dagoen klausula administratibo partikularren pleguaren VII. eranskinaren arabera.

8.– Eskaintzak edo parte hartzeko eskabideak aurkezteko era.

a) Aurkezteko azken eguna: 2018ko otsailaren 28a, 12:00ak.

b) Aurkezteko modua: administrazio klausula partikularren pleguan adierazitakoa eta espedientearen gainerako dokumentazioa.

c) Aurkezteko lekua: ikus 1.a) puntua. Erregistro Orokorrean.

Aldaerak onartzea: ez.

d) Eskaintzaileak zenbat denboraz eutsi behar dion eskaintzari: 2 hilabete, eskaintza ekonomikoaren gutun-azala irekitzen denetik kontatzen hasita; hamabost egun baliodun gehiagoz luzatu ahal izango da epe hori, Sektore Publikoko Kontratuei buruzko Legearen testu bateginaren 152.3 artikuluak aipatzen dituen izapideak egin beharra dagoenean (balio anormal edo neurrigabeak).

9.– Eskaintzak irekitzea.

a) Balio-judizioa egiteari lotutako irizpideei dagokionez: Erakundea: Bizkaiko Osasun Mentaleko Sarea. Helbidea: María Díaz de Haro kalea 58, 48010 Bilbao (Bizkaia). Eguna: 2018ko martxoaren 5a, astelehena, 10:00ak.

b) Eskaintza ekonomikoa irekitzea: Erakundea: Bizkaiko Osasun Mentaleko Sarea. Helbidea: María Díaz de Haro kalea 58, 48010 Bilbao (Bizkaia). Eguna: 2018ko martxoaren 16a, ostirala, 10:00ak.

c) Eskaintzak jendaurrean aipatutako egunetan irekiko dira, atzeratzen ez bada, Herri Administrazioen Kontratuei buruzko Legearen Erregelamendu Orokorraren 80.4 artikulua aplikatuta (1098/2001 ED) edo bestelako arrazoiagatik atzeratzen ez bada, eta kasu bietan irekitzeko beste egunen berri emango da, bakar-bakarrik, kontratatzailearen profilaren «Iragarki-taula»ren bidez.

10.– Publizitate gastuak: esleipendunaren kontura (zenbatespena, 473,13 euro).

11.– Iragarkia Europar Batasunaren Aldizkari Ofizialera bidali den eguna (hala badagokio): ez dagokio.

12.– Bestelako informazioa.

a) Kontratu erreserbatua da, Sektore Publikoko Kontratuen Legearen testu bategina onartzen duen azaroaren 14ko 3/2011 LEDaren bosgarren xedapen gehigarriarekin bat etorriz eta enplegu edo babestutako enplegu-programen Zentro Bereziei dagokienez, eragindako langileen % 70 gutxienez desgaitasunen bat duten pertsonak direnean, haien urritasunen izaeragatik edo larritasunagatik, jarduera profesional bat baldintza arruntetan ezin dutenean egin.

Hori egiaztatzeko, kontratu erreserbatu bat jasotzeko aukera ematen dion enpresa lizitatzailearen izaera jasotzen duen erregistroaren egiaztagiri edo kopia bat aurkeztu beharko dute.

b) Kontratu hau langile guztien lan-kontratuen subrogatzearen pean dago –betebeharra sortzen duen arauak jasotako gutxieneko antzinatasunarekin kasu honetan–. Nahiz eta beste kontrata batekoa izan, kontratuaren xede den jarduera egiten badute. Hortaz, enpresario berriak aurrekoaren laneko eta Gizarte Segurantzako eskubideak eta betekizunak hartuko ditu bere gain.

c) Hala badagokio, deialdiari buruzko informazioa aurkitzeko edo pleguak jasotzeko atari informatikoa edo web-orria: www.contratacion.euskadi.eus

d) Eskaintzak aurkezteko epearen barruan, Eusko Jaurlaritza-Osakidetzako Kontratatzailearen Profilaren «Iragarki-taula»ren bidez publiko egin ahalko dira fase honetan lizitatzaileek izan ditzaketen kontratazio-espedientearen dokumentazioaren gaineko azalpenak, zalantzak edo kontsultak, behin eta berriz errepikatzen direnean edo behar besteko garrantzia dutela irizten denean eta publizitatea eman behar zaiela irizten denean. Une horretatik aurrera, izaera loteslea izango dute lizitatzaileentzat eta Administrazioarentzat.

Bilbao, 2018ko urtarrilaren 31.

Kontratazio Mahaiko presidentea,

BERNARDO SUAREZ MONASTERIO.

Azterketa dokumentala