Euskal Herriko Agintaritzaren Aldizkaria

14. zk., 2018ko urtarrilaren 19a, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

IRAGARKIAK

Obra, zerbitzu eta horniduren enkanteak eta lehiaketak

INGURUMEN, LURRALDE PLANGINTZA ETA ETXEBIZITZA SAILA

302

IRAGARKIA, 2018-2019 eraikuntza eta etxebizitzari buruzko estatistikaren eta higiezinen eskaintzari buruzko inkestaren landa-lana burutzeko zerbitzu-kontratuaren lizitaziorako (Espedientea: 030SV/2017).

1.– Entitate esleitzailea.

a) Erakundea: Ingurumen, Lurralde Plangintza eta Etxebizitza Saileko Zerbitzu zuzendaria.

b) Espedientea izapidetzen ari den bulegoa: Kontratazio Mahaia (Zerbitzu Zuzendaritza).

c) Espedientearen zenbakia: 030SV/2017.

2.– Kontratuaren ezaugarriak.

a) Helburua: 2018-2019 eraikuntza eta etxebizitzari buruzko estatistikaren eta higiezinen eskaintzari buruzko inkestaren landa-lana burutzea.

b) Multzotan zatitzea: ez da multzotan zatitu.

c) Burutzeko lekua: enpresa esleipendunaren egoitza.

d) Burutzeko epea: 14 hilabete.

3.– Izapideak, prozedura eta esleitzeko modua.

a) Izapideak: arrunta.

b) Prozedura: irekia.

c) Esleitzeko modua: hainbat irizpide.

4.– Lizitazioaren oinarrizko aurrekontua: ehun eta hogeita hamabi mila bostehun eta laurogeita hamabost euro eta lau zentimo (132.595,04), gehi hogeita zazpi mila zortziehun eta berrogeita lau euro eta laurogeita hamasei zentimo (27.844,96) BEZarenak. Beraz, guztira, ehun eta hirurogei mila laurehun eta berrogei (160.440) euro.

5.– Kontratuaren balio zenbatetsia: ehun eta hogeita hamabi mila bostehun eta laurogeita hamabost euro eta lau zentimo (132.595,04).

6.– Behin-behineko bermea: ez dago jarri beharrik.

7.– Agiriak eta argibideak lortzeko:

a) Entitatea: Eusko Jaurlaritza. Ingurumen, Lurralde Plangintza eta Etxebizitza Saila.

b) Helbidea: Donostia kalea, 1.

c) Herria eta posta-kodea: 01010 Vitoria-Gasteiz.

d) Telefonoa: 945 01 98 26.

e) Agiriak eta argibideak eskuratzeko azken eguna: 2018ko otsailaren 2a.

f) Kontratu honi buruzko informazio guztia webgune honetan eskura daiteke: www.contratacion.info edo www.euskadi.eus/contratacion

8.– Kontratistaren betebeharrak.

Sailkapena: ez.

Kaudimenari buruzko eskakizunak eta egiaztatzeko modua:

a) Ekonomia- eta finantza-kaudimena: Urteko negozio-bolumena Merkataritzako Erregistroan edo dagokion erregistro ofizialean aurkeztutako urteko kontuen bidez egiaztatuko dira, enpresaria inskribaturik dagoen erregistroa kontuan hartuta. Merkataritzako Erregistroan inskribaturik ez dauden enpresariek urteko negozio-bolumena egiaztatuko dute Merkataritzako Erregistroak legeztatutako inbentarioen eta urteko kontuen liburuen bitartez. Beste kasuan, urteko negozio-bolumena Pertsona Fisikoen Errentaren Gaineko Zergaren likidazioaren bitartez egiaztatuko da. Enpresaren azken hiru ekitaldietan kontratuaren helburua den jarduera-arloan izandako urteko negozio-bolumena, gutxienez, 150.000 eurokoa izan behar da.

b) Kaudimen teknikoa: Azken bost urteetan egindako zerbitzu nagusien edo lanen zerrenda aurkeztu beharko dute enpresek, lan edo zerbitzu horien zenbatekoa, datak eta onuradunak (publikoak nahiz pribatuak) zehaztuko dituena. Zerbitzuak egiaztatzeko organo eskudunak egindako edo bisaturiko ziurtagiriak aurkeztu beharko dira hartzailea sektore publikokoa izan bada; eta pertsona pribatua bada, pertsona horrek egindako ziurtagiria edo enpresaburuaren aitorpena. Azken 5 urteetan, gutxienez, lan hauek egin behar izan ditu:

b.1.– Erakunde, enpresa edo familiei zuzendutako landa-lana, gutxienez 1.500 galdeketagai dituzten laginei aplikatutakoa.

b.2.– Galdeketagaien zenbatekoa edozein delarik ere, higiezinen merkatuarekin edo higiezinen arloarekin lana (modu kualitatiboa edo kuantitatiboa).

9.– Eskaintzak edo parte hartzeko eskabideak aurkeztea.

a) Agiriak aurkezteko azken eguna: 2018ko otsailaren 5a, 12:00ak baino lehen.

b) Aurkeztu beharreko dokumentazioa: administrazio-klausula zehatzen agirian adierazten direnak.

c) Eskabideak aurkezteko lekua:

c.1.– Elektronikoki lizitatuz gero, honako web orriaren bidez egin daiteke aurkezpena: www.contratacion.info edo www.euskadi.eus/contratacion

c.2.– Paperean lizitatuz gero, honako leku honetan:

1) Erakundea: Ingurumen, Lurralde Plangintza eta Etxebizitza Saila.

2) Helbidea: eskuan eraman beharko dira Ingurumen, Lurralde Plangintza eta Etxebizitza Sailaren Erregistro Nagusira, Vitoria-Gasteizko Donostia kaleko 1era (Eusko Jaurlaritzaren egoitza nagusia), goian aipatutako epean. Postaz ere bidali ahal izango dira, eta eskaintza postan zein egunetan jarri den, egun berean kontratazio organoari telex, telekopia, edo telegrama bidez jakinarazi eta egiaztatu beharko zaio. Eskakizun bi horiek betetzen ez badira, ez dira eskaintzak onartuko. Nolanahi ere, eskaintza postaz bidali, eta hamar egun naturaleko epean jasotzen ez bada, inolaz ere ez da onartuko.

3) Herria eta posta kodea: 01010 Vitoria-Gasteiz (Araba).

d) Lizitatzaileak zenbat denbora eutsi behar dion eskaintzari: 2 hilabete, proposamenak irekitzen direnetik aurrera kontatuta.

e) Aldaerak: ez da aldaera edo alternatibarik onartuko.

f) Prozedura mugatua bada, eskaintzak aurkezteko gonbita egin nahi zaien enpresen kopurua edo gutxieneko edo gehieneko kopurua: ez dago horrelakorik.

10.– Esleitzeko irizpideak.

a) Formulak aplikatuz automatikoki balioestekoak diren irizpideak. Ponderazioa, guztira: 52 puntu.

A) Eskaintza ekonomikoa. Ponderazioa: 42 puntu. Formula: ikus karatularen 30.2.1 atala.

B) Higiezinen agentziek eta sustatzaileek osatutako eta onartutako higiezinen eskaintzari buruzko inkestaren gadetegien portzentajea. Ponderazioa: 5 puntu. Formula: ikus karatularen 30.2.1 atala.

C) Osatutako eta onartutako eraikuntza eta etxebizitzari buruzko estatistikaren galdetegien portzentajea, obra handia egiteko lizentzia duten sustatzeileei egindakoa. Ponderazioa: 5 puntu. Formula: ikus karatularen 30.2.1 atala.

b) Balio-iritzietan oinarrituta aplikatu behar diren irizpideak: Ponderazioa, guztira: 48 puntu.

A) Landa-lana egiteko plana. Ponderazioa: 31 puntu. Ikusi karatularen 30.2.1 atala.

A.1.– Informazioa jasotzeko prozedura. Ponderazioa: 12 puntu. Ikusi karatularen 30.2.1 atala.

A.2.– Inkestatu behar diren pertsona eta erakundeei hurbiltzeko prozedura berezia. Ponderazioa: 12 puntu. Ikusi karatularen 30.2.1 atala.

A.3.– Landa-lanean jasotako informazioa baliozkotzea, zuzentzea eta horri kalitate-kontrolak ezartzea. Ponderazioa: 7 puntu. Ikusi karatularen 30.2.1 atala.

B) Landa-txostenak, emaitza nagusien txostenak, metodologia-dosierrak eta lan-materialak zehaztea eta horien edukia. Ponderazioa: 7 puntu. Ikusi karatularen 30.2.1 atala.

C) Higiezinen agentzien direktorioa eguneratzeko proposamena. Ponderazioa: 10 puntu. Ikusi karatularen 30.2.1 atala.

11.– «C» gutunazalak irekitzeko ekitaldi publikoa:

a) Entitatea: Kontratazio Mahaia (Zerbitzu Zuzendaritza).

b) Herria: 01010 - Vitoria-Gasteiz (Araba).

c) Data: 2018ko otsailaren 14a.

d) Ordua: 11:30.

e) Lekua: Lakua IIko 1. aretoa, Donostia kalea, 1 (Eusko Jaurlaritzaren egoitza nagusia).

12.– «B» gutunazalak (formulen bidez baloratu beharreko irizpideak) irekitzeko ekitaldi publikoa:

a) Entitatea: Kontratazio Mahaia (Zerbitzu Zuzendaritza).

b) Herria: 01010 Vitoria-Gasteiz (Araba).

c) Data: 2018ko otsailaren 28a.

d) Ordua: 10:30.

e) Lekua: Lakua IIko 1. aretoa, Donostia kalea, 1 (Eusko Jaurlaritzaren egoitza nagusia).

13.– Bestelako argibideak: ez.

14.– Iragarpen-gastuak: enpresa esleipendunaren kontura.

15.– Iragarkia Europako Batasunaren Aldizkari Ofizialera bidalitako eguna: ez dago horrelakorik.

16.– Deialdiari buruzko informazioa eta pleguak eskuratzeko atari informatikoa edo webgunea: www.contratacion.info edo www.euskadi.eus/contratacion

Vitoria-Gasteiz, 2018ko urtarrilaren 9a.

Zerbitzu zuzendaria,

PALOMA USATORRE MINGO.

Azterketa dokumentala