220. zk., 2017ko azaroaren 17a, ostirala
- Bestelako formatuak:
- PDF (208 KB - 1 orri.)
- EPUB (190 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
AGINTARIAK ETA LANGILERIA
Izendapenak, egoerak eta gorabeherak
OSAKIDETZA-EUSKAL OSASUN ZERBITZUA
5525
2264/2017 EBAZPENA, urriaren 27koa, Bilbo-Basurtu ESIko zuzendari gerentearena. Honen bidez, Rosa Izu Belloso andrea aldi baterako izendatzen da Osakidetza-Euskal osasun zerbitzuko Bilbo-Basurtu ESIko Dermatologiako zerbitzuburu mediko, lau urteko eperako eta luzatzeko aukerarekin.
Bilbo-Basurtu ESIko zuzendari gerentearen urtarrilaren 27ko 252/2017 Ebazpenaren bitartez, deialdia egin zen Osakidetza-Euskal osasun zerbitzuko Bilbo-Basurtu ESIko Dermatologiako zerbitzuburu mediko lanpostu bat lehiaketa bidez betetzeko.
Balorazio Batzordeak kalifikazio-proposamena egin du aurkeztutako eskatzailearen proiektuari eta haren defentsari, merituei eta euskara-ezagutzari dagokienez; eta, horren ondorioz, izendapen-proposamena egin du. Horiek horrela, eta Rosa Izu Belloso andreak dituen ezagutza akademiko eta profesionalak kontuan hartuta, erabaki da pertsona hori bera izendatzea Osakidetza-Euskal osasun zerbitzuko Bilbo-Basurtu ESIko Dermatologiako zerbitzuburu mediko.
Euskadiko Antolamendu Sanitarioari buruzko ekainaren 26ko 8/1997 Legeko 28. Artikuluko hirugarren arau komunean, Osakidetzaren lanpostu funtzionalak arautzen dituen uztailaren 19ko 186/2005 Dekretuan eta azaroaren 11ko 255/1997 Dekretuan ezartzen denarekin bat, zera
EBAZTEN DUT:
Lehenengoa.- Rosa Izu Belloso andrea Osakidetza-Euskal osasun zerbitzuko Bilbo-Basurtu ESIko Dermatologiako zerbitzuburu mediko izendatzea aldi baterako.
Bigarrena.- Aldi baterako izendapen honek lau urteko indarraldia izango du, luzatzeko aukerarekin, Euskadiko Antolamendu Sanitarioari buruzko ekainaren 26ko 8/1997 Legearen 28. artikuluaren hirugarren arau komunean xedatutakoarekin bat etorriz; eta 2017ko azaroaren 1etik aurrera izango ditu ondorioak.
Hirugarrena.- Izendatutako pertsonak, aipatutako epea amaitutakoan, lanpostua utziko du, egoera horren luzapena onartu ezik, betiere Euskadiko Antolamendu Sanitarioari buruzko ekainaren 26ko 8/1997 Legearen 28. artikuluaren hirugarren arau komunean ezarritakoaren arabera.
Laugarrena.- Izendapenaren indarraldia amaitu aurretik ere kargutik kendu ahal izango da, aldez aurretik kontrako espedientea dagoela, eta ekainaren 26ko 8/1997 Legearen 28. artikuluaren 6. atalean aurreikusitako lekualdatze-kausak direla medio.
Bosgarrena.- Ebazpen hau interesdunari, eta Bilbo-Basurtu ESIko Zuzendaritza Medikoari eta Pertsonaleko Zuzendaritzari jakinaraztea.
Seigarrena.- Ebazpen honen aurka, gora jotzeko errekurtsoa aurkeztu ahal izango zaio Osakidetza-Euskal osasun zerbitzuko zuzendari nagusiari, hilabeteko epean, EHAAn argitaratu eta hurrengo egunetik zenbatzen hasita.
Bilbao, 2017ko urriaren 27a.
Bilbo-Basurtu ESIko zuzendari gerentea,
EDUARDO MARÍA MAIZ OLAZABALAGA.