217. zk., 2017ko azaroaren 14a, asteartea
- Bestelako formatuak:
- PDF (215 KB - 2 orri.)
- EPUB (190 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
IRAGARKIAK
Beste iragarki ofizial batzuk
OGASUN ETA EKONOMIA SAILA
5444
IRAGARKIA, zeinaren bidez argitara ematen baitira Finantza Politikako eta Erakundeen Baliabideetako zuzendariaren ebazpen batzuk, Euskadiko Borondatezko Gizarte Aurreikuspeneko Erakundeen Erregistroan I. eranskinean jasotako BGAE-ei desegitea onartu eta baja ematen dietenak.
Borondatezko Gizarte Aurreikuspeneko Erakundeei buruzko otsailaren 23ko 5/2012 Legearen Erregelamenduaren 20.e artikuluak (erregelamendu hura urriaren 27ko Dekretuaren bidez onartu zen) honako hau xedatzen du BGAE bat desegiteko arrazoien eraginkortasunari buruz:
«Desegiteko erabakia, edo desegitea deklaratzen duen ebazpen administratiboa, Euskadiko Borondatezko Gizarte Aurreikuspeneko Erakundeen Erregistroan inskribatu beharko da, eta Euskal Herriko Agintaritzaren Aldizkarian argitaratuko da».
Aipatutako lege-xedapena betetzeko ematen da iragarki hau.
Interesdunek eskuragarri dituzte aipatu diren ebazpenak, Eusko Jaurlaritzako Ogasun eta Ekonomia Saileko Finantza Politikako Zuzendaritzan (Donostia kalea 1, 01010 Vitoria-Gasteiz).
Vitoria-Gasteiz, 2017ko urriaren 25a.
Finantza Politikako zuzendaria,
FRANCISCO JAVIER ARNAEZ ARRECIGOR.
I. ERANSKINA
● BGAE ZK.: 267-B, AVBS PREVISIÓN, EPSV.
● BGAE ZK.: 181-G, PAKEA PREVISIÓN, EPSV.