RSS
212. zk., 2017ko azaroaren 7a, asteartea
- Bestelako formatuak:
- PDF (214 KB - 2 orri.)
- EPUB (191 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
JUSTIZIA ADMINISTRAZIOA
VITORIA-GASTEIZKO LEHEN AUZIALDIKO 2 ZENBAKIKO ZUZENEKO LAGUNTZA EMATEKO UNITATE PROZESALA
5322
EDIKTUA, erantzukizun zibilaren gainean bideratutako 339/2017 prozedura arruntaren ondoriozkoa.
JAKINARAZPEN-ZEDULA
Judizio arruntean, Vitoria-Gasteizko Lehen Auzialdiko 2 zenbakiko Epaitegian, 339/2017 prozedura arrunta bideratu da, Sociedad Estatal Correos y Telegrafos, S.A.k eskatuta, Pedro Pablo Varelo Sanchezen aurka. Prozedura horretan, epaia eman da, zeinaren idazpurua eta epaitza honako hauek baitira:
253/17 EPAIA
Epailea: Francisco Javier Pablo Pablo jauna.
Lekua: Vitoria-Gasteiz.
Eguna: bi mila eta hamazazpiko urriaren seia.
Alderdi demandatzailea: Sociedad Estatal Correos y Telegrafos, S.A.
Abokatua: Estatuko abokatua.
Prokuradorea.
Alderdi demandatua: Pedro Pablo Varelo Sanchez.
Abokatua.
Prokuradorea.
Judizioko gaia: erantzukizun zibila.
Nik, Francisco Javier Pablo Pablo jaunak, ikusi ditut 339/17 judizio arruntaren autoak, zenbateko bat erreklamatzeari buruz epaitegi honetan bideratutakoak, banaketa-txandaren arabera egokitu baitzitzaion. Sociedad Estatal de Correos y Telégrafos, S.A.k egin zuen eskaera, Estatuko abokatuak ordezkatuta eta lagunduta, Pedro Pablo Valero Sánchez jaunaren aurka, auzi-iheslaria bera.
EPAITZA
Baiesten dut Sociedad Estatal de Correos y Telégrafos, S.A.k Estatuko abokatuak ordezkatuta eta lagunduta aurkeztutako judizio arrunteko demanda, diru-zenbateko bat erreklamatzeari buruzkoa, eta Pedro Pablo Valero Sánchez jaunaren aurkakoa, auzi-iheslaria bera.
Pedro Pablo Valero Sánchez jauna solidarioki kondenatzen dut, Sociedad Estatal de Correos y Telégrafos, S.A.ri 39.270 euro ordaintzera.
Zenbateko horri PZLko 576. artikuluan xedatutakoa aplikatuko zaio, epaia betearaztea beharrezkoa balitz.
Kostuak alderdi demandatuari ezartzen zaizkio.
Aurkaratzeko modua: apelazio errekurtsoa aurkeztuta, Arabako Probintzia Auzitegian (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, hauek adieraziko dira: aurkaratzea zein alegaziotan oinarritzen den eta apelatutako ebazpena eta aurkaratutako erabakiak zein diren (PZLb, 458.2 artikulua).
Errekurtsoa jarri ahal izateko, 50 euroko gordailua eratu beharko da, eta baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santander banketxean duen Gordailuan eta Zainpean jartzeko Kontuan (0010 0000 04 0339 17). Ordainagiriaren kontzeptua idazteko hutsunean, «Errekurtsoa» dela adierazi beharko da (kodea: 02-Apelazioa). Kontsignazioa egiaztatu beharko da errekurtsoa aurkeztean (BJLOren 15. xedapen gehigarria).
Errekurtsoa jartzeko gordailua eratzetik salbuetsita daude aipatutako xedapenaren 5. zenbakian aipatzen direnak eta doako laguntza juridikorako eskubidea aitortua dutenak.
Eta epai honen bidez erabaki, agindu eta sinatzen dut.
Argitalpena: epaiari dagokion egunean, jendaurreko entzunaldia egiten ari zelarik, epaia eman zuen magistratuak berak eman, irakurri eta argitaratu zuen. Eta nik, Administrazioaren letradua naizenez, horren guztiaren fede ematen dut, Vitoria-Gasteizen, bi mila eta hamazazpiko urriaren seian.
Eta Pedro Pablo Varelo Sanchez demandatuari behar bezalako jakinarazpena egiteko balio dezan, ematen eta sinatzen dut hau, Vitoria-Gasteizen, bi mila eta hamazazpiko urriaren seian.
JUSTIZIA ADMINISTRAZIOAREN LETRADUA.
