Eusko Jaurlaritzaren Egoitza Elektronikoa

Euskadi.eus

Kontsulta

Kontsulta erraza

Zerbitzuak


Azken aldizkaria RSS

Euskal Herriko Agintaritzaren Aldizkaria

179. zk., 2017ko irailaren 19a, asteartea


Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

AGINTARIAK ETA LANGILERIA

Izendapenak, egoerak eta gorabeherak

OSAKIDETZA-EUSKAL OSASUN ZERBITZUA
4515

1490/2017 EBAZPENA, ekainaren 12koa, Bilbao-Basurtu ESIko zuzendari gerentearena, zeinaren bidez M.ª Victoria Bárcena Robredo andrea aldi baterako izendatzen baita Osakidetza-Euskal osasun zerbitzuko Bilbao-Basurtu ESIko Erradiodiagnostikoko atalburu, lau urterako eta luzatzeko aukera duelarik.

Bilbao-Basurtu ESIko zuzendari gerentearen urtarrilaren 27ko 259/2017 Ebazpenaren bitartez, deialdia egin zen Osakidetza-Euskal osasun zerbitzuko Bilbao-Basurtu ESIko Erradiodiagnostikoko atalburu mediko lanpostu bat lehiaketa bidez betetzeko (Abdomeneko Irudi bidezko Diagnostikoa).

Balorazio Batzordeak kalifikazio-proposamena egin du aurkeztutako eskatzailearen proiektuari eta haren defentsari, merituei eta euskera-ezagutzari dagokienez; eta, horren ondorioz, izendapen-proposamena egin du. Horiek horrela, eta M.ª Victoria Bárcena Robredo andreak dituen ezagutza akademikoak eta profesionalak kontuan hartuta, erabaki da pertsona hori bera izendatzea Osakidetza-Euskal osasun zerbitzuko Bilbao-Basurtu ESIko Erradiodiagnostikoko atalburu mediko (Abdomeneko Irudi bidezko Diagnostikoa).

Euskadiko Antolamendu Sanitarioari buruzko ekainaren 26ko 8/1997 Legearen 28. artikuluaren hirugarren arau komunean, Osakidetzaren lanpostu funtzionalak arautzen dituen uztailaren 19ko 186/2005 Dekretuan eta azaroaren 11ko 255/1997 Dekretuan ezartzen denarekin bat, honako hau

EBAZTEN DUT:

Lehenengoa.– M.ª Victoria Bárcena Robredo andrea Osakidetza-Euskal osasun zerbitzuko Bilbao-Basurtu ESIko Erradiodiagnostikoko atalburu izendatzea aldi baterako.

Bigarrena.– Aldi baterako izendapen honek lau urteko indarraldia izango du, luzatzeko aukerarekin, Euskadiko Antolamendu Sanitarioari buruzko ekainaren 26ko 8/1997 Legearen 28. artikuluaren hirugarren arau komunean xedatutakoarekin bat etorriz; eta 2017ko ekainaren 16tik aurrera izango ditu ondorioak.

Hirugarrena.– Izendatutako pertsonak aipatutako epea amaitutakoan, lanpostua utziko du, egoera horren luzapena onartu ezean, betiere Euskadiko Antolamendu Sanitarioari buruzko ekainaren 26ko 8/1997 Legearen 28. artikuluan ezarritakoaren arabera.

Laugarrena.– Izendapenaren indarraldia amaitu aurretik ere kargutik kendu ahal izango da; horretarako, aldez aurretik kontrako espedientea egon behar da, eta ekainaren 26ko 8/1997 Legearen 28. artikuluaren 6. atalean aurreikusitako lekualdatze-kausak egon behar dira tartean.

Bosgarrena.– Ebazpen hau interesdunari eta Bilbao-Basurtu ESIko Zuzendaritza Medikoari eta Pertsonaleko Zuzendaritzari jakinaraztea.

Seigarrena.– Ebazpen honen aurka, gora jotzeko errekurtsoa aurkeztu ahal izango zaio Osakidetza-Euskal osasun zerbitzuko zuzendari nagusiari, hilabeteko epean, EHAAn argitaratu eta hurrengo egunetik hasita.

Bilbao, 2017ko ekainaren 12a.

Bilbao-Basurtu ESIko zuzendari gerentea,

MICHOL GONZALEZ TORRES.


Azterketa dokumentala

Euskadi, auzolana