Egoitza elektronikoa

Kontsulta

Kontsulta erraza

Zerbitzuak


Azken aldizkaria RSS

Euskal Herriko Agintaritzaren Aldizkaria

168. zk., 2017ko irailaren 4a, astelehena


Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

IRAGARKIAK

Obra, zerbitzu eta horniduren enkanteak eta lehiaketak

OSAKIDETZA-EUSKAL OSASUN ZERBITZUA
4298

IRAGARKIA, Osakidetza-Euskal osasun zerbitzuarena, «pazientearen eta haren inguruaren esperientzia ardatz izanik, larrialdietako zerbitzuaren prozesuaren kudeaketa optimizatzeko helburua duen eredu baten kosorkuntza» kontratatzeko espedientearen lizitazio-prozedura irekiari buruzkoa.

1.– Erakunde esleitzailea: datu orokorrak eta informazioa eskuratzeko datuak.

a) Erakundea: Osakidetza-Euskal osasun zerbitzua, Osasun Sailari atxikitako ente publikoa, Zuzendaritza Nagusia, Araba kalea 45 – 01006 Vitoria-Gasteiz (Araba). Posta elektronikoa: contrata@osakidetza.eus. Kontratatzailearen profilaren Interneteko helbidea: www.osakidetza.euskadi.eus

b) Espedientea izapidetzen duen bulegoa: Zuzendaritza Nagusia – Erosketa, Obra eta Zerbitzu Estrategikoen Zuzendariordetza.

c) Informazioa eta dokumentuak eskuratzea: Zuzendaritza Nagusia, Araba kalea 45, 01006 Vitoria-Gasteiz (Araba).

d) Espediente zenbakia: G/160/20/0/1421/O001/0000/082017.

2.– Kontratuaren xedea.

a) Kontratu-mota: hornidurak.

b) Deskribapena: pazientearen eta haren inguruaren esperientzia ardatz izanik, larrialdietako zerbitzuaren prozesuaren kudeaketa optimizatzeko helburua duen eredu baten kosorkuntza.

c) Loteak: ez.

d) Gauzatu eta entregatzeko lekua: Zuzendaritza Nagusia.

e) Gauzatu eta entregatzeko epea: 2017ko abenduaren 31 baino lehen.

f) Luzatzeko aukera: ez.

g) Esparru-akordio bat ezartzea (hala dagokionean): ez.

h) CPV (nomenklatura erreferentzia): 48814000-7.

3.– Izapideak eta prozedura.

a) Izapidetzea: ohikoa.

b) Prozedura: irekia.

c) Esleitzeko irizpideak: klausula administratibo partikularren pleguko karatulan ezarritakoaren arabera:

c.1.– Balio-judizioetan oinarritutako irizpideak: 80 %:

c.1.1.– Proposamen funtzionala: 30 puntu.

c.1.2.– Proposamen teknikoa: 10 puntu.

c.1.3.– Proiektu-plana eta komunikazio-plana: 15 puntu.

c.1.4.– Elementu berritzaileak: 25 puntu.

c.2.– Formulen bidezko irizpide ebaluagarriak: % 52:

c.2.1.– Prezioa: 20 puntu.

4.– Kontratuaren balio zenbatetsia: 174.000,00 euro (BEZik gabe).

5.– Lizitaziorako oinarrizko aurrekontua: 174.000,00 euro (BEZik gabe).

6.– Eskatzen diren bermeak: behin betiko bermea: esleipen-zenbatekoaren % 5.

7.– Kontratistaren berariazko betebeharrak.

a) Sailkapena: ez dagokio.

b) Ekonomia- eta finantza-kaudimena eta kaudimen tekniko edo profesionala enpresa espainiarrentzat, Europar Batasunaren kide diren estatuetako enpresa atzerritarrentzat eta Europar Batasunaren kide ez diren estatuetako enpresa atzerritarrentzat:

b.1.– Ekonomia- eta finantza-kaudimena:

b.1.1.– Betekizunak: enpresa lizitatzaileek azken 3 urte bukatuetan negozio-bolumenik altuena izan duen urteko negozio-bolumena ziurtatu beharko dute, eta bolumen hori kontratuaren balio zenbatetsia edo lizitazioko oinarrizko aurrekontuaren zenbatekoa (BEZik gabe) 1,5 aldiz izan beharko da gutxienez.

b.1.2.– Agiriak edo ziurtagiriak: urteko negozio-bolumena (zenbatekoa) ziurtatzeko, Merkataritza Erregistroan jasotako eta onartutako urteko kontuak aurkeztu beharko dira, enpresaria erregistro horretan inskribatuta badago, eta bestela, kasuan kasu dagokion erregistro ofizialean jasotakoak aurkeztu beharko dira. Merkataritzako Erregistroan inskribatuta ez dauden enpresari indibidualek haien urteko negozio-bolumena egiaztatuko dute haien inbentarioen eta urteko kontuen liburuekin, Merkataritzako Erregistroak horiek legalizatu ondoren.

b.2.– Kaudimen teknikoa edo profesionala:

b.2.1.– Betekizunak: enpresa lizitatzaileek azken 5 urteetan kontratuaren xede direnen antzekoak diren edo pareko ezaugarriak dituzten zerbitzuak egin izana ziurtatu beharko dute, eta zenbateko metatua lizitazioko oinarrizko aurrekontuaren zenbatekoa edo hori baino handiagoa izan beharko da.

b.2.2.– Agiriak edo ziurtagiriak: azken bost urtean gauzatu diren eta lizitazio-kontratu honetakoen berdinak edo antzekoak izan diren hornikuntza nagusien zerrenda; bertan adieraziko dira haien zenbatekoa, datak eta hartzailea (publikoa zein pribatua). Hartzailea sektore publikoko erakunde bat bada, eskudun organoak bisatutako edo egiaztatutako agirien bitartez ziurtatu beharko dira egindako hornidurak; hartzailea arlo pribatuko eroslea bada, horrek emandako ziurtagirien bidez, eta halakorik ez bada, enpresariaren aitorpenaren bidez.

8.– Eskaintzak edo parte hartzeko eskabideak aurkezteko era.

a) Aurkezteko azken eguna: 2017ko irailaren 19an, 13:00etan.

b) Aurkezteko modua: klausula administratibo partikularren pleguan adierazitakoa.

c) Aurkezteko lekua: ikusi 1.a puntua.

d) Prozedura mugatua izanez gero eskaintzak aurkezteko deia egingo zaien enpresen kopurua: ez dagokio.

e) Aldagaiak onartzea: ez.

f) Eskaintzaileak eskaintzari eutsi behar dion epea: 2 hilabete, eskaintza ekonomikoaren gutun-azala irekitzen denetik zenbatzen hasita; hamabost egun baliodun gehiago luzatu ahal izango da epe hori, SPKLTBren 152.3 artikuluak aipatzen dituen izapideak egin beharra badago (balio anormal edo neurrigabeak).

9.– Eskaintzak irekitzea.

a) Eskaintzak irekitzea, balio-judizioa egiteari lotutako irizpideei dagokienez. Erakundea: Zuzendaritza Nagusia, Araba kalea 45, 01006 Vitoria-Gasteiz (Araba). Data: 2017ko irailaren 26a, 13:00.

b) Aplikatzeko formulak kalkulatzea eskatzen duten irizpideen gutun-azala irekitzea: Erakundea: Zuzendaritza Nagusia, Araba kalea 45, 01006 Vitoria-Gasteiz (Araba). Data: 2017ko urriaren 10a, 13:00.

10.– Publizitatearen gastuak: esleipendunaren kontura (466,14 euro).

11.– Iragarkia Europar Batasunaren Aldizkari Ofizialera bidali den eguna (halakorik bada): ez dagokio.

12.– Beste argibide batzuk: pleguetan jasota daude. Deialdiari buruzko argibideak lortzeko edo pleguak eskuratzeko web-orria: www.osakidetza.euskadi.eus

Vitoria-Gasteiz, 2017ko abuztuaren 24a.

Kontratazio Mahaiko ordezko presidentea,

ENEKO ZARRAOA GARMENDIA.


Azterketa dokumentala