Euskal Herriko Agintaritzaren Aldizkaria

157. zk., 2017ko abuztuaren 18a, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

BERGARAKO LEHEN AUZIALDIKO 1 ZENBAKIKO EPAITEGIA

4125

EDIKTUA, delitu arinen gaineko 283/2016 judizioaren ondoriozkoa.

Nik, Raquel Fernandez Martinez andreak, Bergarako Lehen Auzialdiko eta Instrukzioko 1 zenbakiko Zuzeneko Laguntza emateko Unitate Prozesaleko Justizia Administrazioaren letradua naizen aldetik, honen fede ematen dut:

Delitu arinen gaineko 283/2016 judizioan, epaitegi honetako magistratu Maria Angela Rodriguez-Monsalve Navarrok epaia eman du 2017-02-07an. Hona hemen epaitza:

10/2017 EPAIA

Bergaran (Gipuzkoa), bi mila eta hamazazpiko otsailaren zazpian.

Bergarako Lehen Auzialdiko 1 zenbakiko Epaitegiko Maria Angela Rodriguez-Monsalve Navarro epaileak, ahozko eta jendaurreko judizioan, maula-delitu arin baten ondorioz bideratutako 283/2016 auzia ikusi eta entzun du; auzi horretan, salatzailea Idoia Muñoz Aberasturi da, eta salatuak XXXXX XXXXXX XXXXX eta Silvia Uceda Martinez; Fiskaltzak ere hartu du parte. Hauetan oinarrituta eman du epaia:

EPAITZA

XXXXX XXXXXX XXXXX kondenatzen dut, maula-delitu arin baten erantzukizun penaleko egilea den aldetik, 45 euroko isuna ordaintzera, eguneko 5 euroko kuotatan, Zigor Kodearen 53. artikuluan xedatutakoa aplikatuta, eta, halaber, Idoia Muñoz Aberasturiri 1000 euroko kalte-ordaina ordaintzera, Silvia Uceda Martinezekin batera eta solidarioki, erantzukizun zibilaren kontzeptuan.

Silvia Uceda Martinez kondenatzen dut, maula-delitu arin baten erantzukizun penaleko egilea den aldetik, 45 euroko isuna ordaintzera, eguneko 5 euroko kuotatan, Zigor Kodearen 53. artikuluan xedatutakoa aplikatuta, eta, halaber, Idoia Muñoz Aberasturiri 1000 euroko kalte-ordaina ordaintzera, XXXXX XXXXXX XXXXXrekin batera eta solidarioki, erantzukizun zibilaren kontzeptuan.

Epai hau ez da irmoa. Epaiaren aurka, apelazio-errekurtsoa aurkez dakioke Gipuzkoako Probintzia Auzitegiari.

XXXXX XXXXXX XXXXXX (NAN/IFZ: ZZZZZZZZ) eta Silvia Uceda Martinez (NAN/IFZ: 47936126D) non dauden ez dakigunez, ediktu honen bidez jakinarazten zaie epaia. Ebazpen horren aurka, demandatuak apelazio-errekurtsoa aurkez dezake epaitegi honetan, Gipuzkoako Probintzia Auzitegiari zuzenduta, bost eguneko epean.

Demandatuak eskuragarri dauka ebazpenaren testu osoa, epaitegi honetako bulegoan.

Euskal Herriko Agintaritzaren Aldizkarian argitara dadin, ediktu hau ematen dut, Bergaran (Gipuzkoa), bi mila eta hamazazpiko uztailaren hogeita zortzian.

JUSTIZIA ADMINISTRAZIOAREN LETRADUA.

Azterketa dokumentala