Euskal Herriko Agintaritzaren Aldizkaria

155. zk., 2017ko abuztuaren 16a, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

KULTURA ETA HIZKUNTZA POLITIKA SAILA

4100

AGINDUA, 2017ko uztailaren 21ekoa, Kultura eta Hizkuntza Politikako sailburuarena, arte plastiko eta ikusizkoak sustatzeko 2017ko edizioko Gure Artea Sariak direla eta modalitate bakoitzean saritutako pertsonen zerrenda jakinarazten duena.

2017ko otsailaren 17an argitaratu zen EHAAn 2017ko otsailaren 15eko Agindua, Kultura eta Politika Linguistikako sailburuarena, arte plastikoak eta ikusizkoak sustatzeko Gure Artea Sariak arautu eta horietarako deialdia egiten duena.

Aipatu otsailaren 15eko Aginduaren 7.3 artikuluak jasotzen du modalitate bakoitzean saritutako pertsonen zerrenda Euskal Herriko Agintaritzaren Aldizkarian argitaratuko dela.

Horiek horrela, hau

EBAZTEN DUT:

Lehenengoa.– Arte plastiko eta ikusizkoak sustatzeko 2017ko edizioko Gure Artea Sariak direla eta, modalitate bakoitzean saritutako pertsonen zerrenda jakinaraztea:

– Ibilbide artistikoa aitortzeko saria: María Luisa Fernandez Olivera.

– Sorkuntza-lana aitortzeko saria: Alaitz Arenzana Letamendi y Begoña María Ibarreche Del Val, biak ere Sra. Polaroiska artista taldeko kideak.

– Ikusizko arteen arloan agenteek egindako lana aitortzeko saria: Azala Espacio de creación y alojamiento rural, S.L.

Bigarrena.– Agindu hau Euskal Herriko Agintaritzaren Aldizkarian argitara dadila agintzea, guztiek horren berri izan dezaten.

Vitoria-Gasteiz, 2017ko uztailaren 21a.

Kultura eta Hizkuntza Politikako sailburua,

BINGEN ZUPIRIA GOROSTIDI.

Azterketa dokumentala