Euskal Herriko Agintaritzaren Aldizkaria

143. zk., 2017ko uztailaren 28a, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

IRAGARKIAK

Obra, zerbitzu eta horniduren enkanteak eta lehiaketak

INGURUMEN, LURRALDE PLANGINTZA ETA ETXEBIZITZA SAILA

3829

IRAGARKIA, Euskal Autonomia Erkidegoko airearen kalitatea zaintzeko eta kontrolatzeko sarearen mantentze integralerako zerbitzua lizitatzeko (Espedientea: 016SV/2017).

1.– Entitate esleitzailea.

a) Erakundea: Ingurumen, Lurralde Plangintza eta Etxebizitza Saileko zerbitzu-zuzendaria.

b) Espedientea izapidetzen ari den bulegoa: Kontratazio Mahaia (Zerbitzu Zuzendaritza).

c) Espedientearen zenbakia: 016SV/2017.

2.– Kontratuaren ezaugarriak.

a) Helburua: Euskal Autonomia Erkidegoko airearen kalitatea zaintzeko eta kontrolatzeko sarearen mantentze integrala.

b) Multzotan zatitzea: ez da multzotan zatitu.

c) Burutzeko lekua: EAEko airearen kalitatea zaintzeko eta kontrolatzeko sarea.

d) Burutzeko epea: hamabi hilekoa.

3.– Izapideak, prozedura eta esleitzeko modua.

a) Izapideak: arrunta.

b) Prozedura: irekia.

c) Esleitzeko modua: zenbait irizpide.

4.– Lizitazioaren oinarrizko aurrekontua: berrehun eta berrogeita zazpi mila bederatziehun eta hogeita hamahiru euro eta laurogeita zortzi zentimo (247.933,88) gehi berrogeita hamabi mila eta hirurogeita sei euro eta hamabi zentimo (52.066,12) BEZarenak. Beraz, guztira, hirurehun mila (300.000) euro.

5.– Kontratuaren balio zenbatetsia: laurehun eta laurogeita hamabost mila zortziehun eta hirurogeita zazpi euro eta hirurogeita hamasei zentimo (495.867,76).

6.– Behin-behineko bermea: ez dago jarri beharrik.

7.– Agiriak eta argibideak lortzeko.

a) Entitatea: Eusko Jaurlaritza. Ingurumen, Lurralde Plangintza eta Etxebizitza Saila.

b) Helbidea: Donostia kalea 1.

c) Herria eta posta-kodea: 01010 Vitoria-Gasteiz.

d) Telefonoa: 945 01 98 26.

e) Agiriak eta argibideak eskuratzeko azken eguna: 2017ko abuztuaren 29a.

f) Kontratu honi buruzko informazio guztia webgune honetan eskura daiteke: www.contratacion.info edo www.euskadi.eus/contratacion

8.– Kontratistaren betebeharrak.

Sailkapena: ez.

Kaudimenari buruzko eskakizunak eta egiaztatzeko modua:

A) Ekonomia- eta finantza-kaudimena: urteko negozio-bolumena Merkataritzako Erregistroan edo dagokion erregistro ofizialean aurkeztutako urteko kontuen bidez egiaztatuko dira, enpresaburua inskribaturik dagoen erregistroa kontuan hartuta. Merkataritzako Erregistroan inskribaturik ez dauden enpresaburuek urteko negozio-bolumena egiaztatuko dute Merkataritzako Erregistroak legeztatutako inbentarioen eta urteko kontuen liburuen bitartez. Beste kasuan, urteko negozio-bolumena pertsona fisikoen errentaren gaineko zergaren likidazioaren bitartez egiaztatuko da. Enpresaren azken hiru ekitaldietako urteko negozio-bolumena, gutxienez, lizitazio-aurrekontuarena izan behar da.

B) Kaudimen teknikoa:

a) Azken bost urteetan egindako zerbitzu nagusien edo lanen zerrenda aurkeztu beharko dute enpresek, lan edo zerbitzu horien zenbatekoa, datak eta onuradunak (publikoak nahiz pribatuak) zehaztuko dituena. Zerbitzuak egiaztatzeko organo eskudunak egindako edo bisaturiko ziurtagiriak aurkeztu beharko dira hartzailea sektore publikokoa izan bada; eta pertsona pribatua bada, pertsona horrek egindako ziurtagiria edo enpresaburuaren aitorpena. Gutxienez, airearen kalitatea kontrolatzeko sareak mantentzeko lan bat egin behar izan du.

b) Lantaldea osatuko duten pertsonen zerrenda eta horien currikulum vitaea. Lantaldean, gutxienez, honako baldintza hauek betetzen dituzten hiru persona egon behar dira:

b.1.– Gutxienez, 5 urteko esperientzia airearen kalitatea kontrolatzeko sareen analizatzaile eta sentsoreak mantentzen.

b.2.– Gutxienez, 5 urteko esperientzia datuak kontrolatzeko XR software (5 eta 6 bertsioak) kontrolatzen eta erabiltzen.

b.3.– Gutxienez 3 urteko esperientzia XR softwareren XR-CMMS mantenimendua egiteko kudeaketa-eredua kontrolatzen eta erabiltzen.

9.– Eskaintzak edo parte hartzeko eskabideak aurkeztea.

a) Agiriak aurkezteko azken eguna: 2017ko abuztuaren 30a, 12:00ak baino lehen.

b) Aurkeztu beharreko dokumentazioa: administrazio-klausula zehatzen agirian adierazitakoak.

c) Eskabideak aurkezteko lekua:

c.1.– Elektronikoki lizitatuz gero, honako web-orriaren bidez egin daiteke aurkezpena: www.contratacion.info edo www.euskadi.eus/contratacion

c.2.– Paperean lizitatuz gero, honako leku honetan:

1) Erakundea: Ingurumen, Lurralde Plangintza eta Etxebizitza Saila.

2) Helbidea: eskuan eraman beharko dira Ingurumen, Lurralde Plangintza eta Etxebizitza Sailaren Erregistro Nagusira, Vitoria-Gasteizko Donostia kaleko 1era (Eusko Jaurlaritzaren egoitza nagusia), goian aipatutako epean. Postaz ere bidali ahal izango dira, eta eskaintza postan zer egunetan jarri den, egun berean kontratazio organoari telex, telekopia, edo telegrama bidez jakinarazi eta egiaztatu beharko zaio. Eskakizun bi horiek betetzen ez badira, ez dira eskaintzak onartuko. Nolanahi ere, eskaintza postaz bidali, eta hamar egun naturaleko epean jasotzen ez bada, inolaz ere ez da onartuko.

3) Herria eta posta kodea: 01010 Vitoria-Gasteiz (Araba).

d) Lizitatzaileak zenbat denbora eutsi behar dion eskaintzari: 2 hilabete, proposamenak irekitzen direnetik aurrera kontatuta.

e) Aldaerak: ez da aldaera edo alternatibarik onartuko.

f) Prozedura mugatua bada, eskaintzak aurkezteko gonbita egin nahi zaien enpresen kopurua edo gutxienezko edo gehienezko kopurua: ez dago horrelakorik.

10.– Esleitzeko irizpideak.

a) Formulak aplikatuz automatikoki balioestekoak diren irizpideak. Haztapena, guztira: 51 puntu.

Eskaintza ekonomikoa. Haztapena: 51 puntu. Formula: ikus karatularen 30.2.2 puntua.

b) Balio-iritzietan oinarrituta aplikatu behar diren irizpideak: Haztapena, guztira: 49 puntu.

A) Agiriak aztertzea. Haztapena: 25 puntu. Ikusi karatularen 30.2.b) atala.

B) Azterketa teknikoa. Haztapena: 24 puntu. Ikusi karatularen 30.2.b) atala.

11.– «C» gutun-azalak irekitzeko ekitaldi publikoa.

a) Entitatea: Kontratazio Mahaia (Zerbitzu Zuzendaritza).

b) Herria: 01010 Vitoria-Gasteiz (Araba).

c) Data: 2017ko irailaren 8a.

d) Ordua: 11:00.

e) Lekua: Lakua IIko 1. aretoa, Donostia kalea 1 (Eusko Jaurlaritzaren egoitza nagusia).

12.– «B» gutun-azalak (formulen bidez baloratu beharreko irizpideak) irekitzeko ekitaldi publikoa:

a) Entitatea: Kontratazio Mahaia (Zerbitzu Zuzendaritza).

b) Herria: 01010 Vitoria-Gasteiz (Araba).

c) Data: 2017ko irailaren 20a.

d) Ordua: 11:00.

e) Lekua: Lakua IIko 1. aretoa, Donostia kalea 1 (Eusko Jaurlaritzaren egoitza nagusia).

13.– Bestelako argibideak: ez.

14.– Iragarpen-gastuak: enpresa esleipendunaren kontura.

15.– Iragarkia Europako Batasunaren Aldizkari Ofizialera zer egunetan bidali den: 2017ko uztailaren 10ean.

16.– Deialdiari buruzko informazioa eta pleguak eskuratzeko atari informatikoa edo webgunea: www.contratacion.info edo www.euskadi.net/contratacion

Vitoria-Gasteiz, 2017ko uztailaren 14a.

Zerbitzu zuzendaria,

PALOMA USATORRE MINGO.

Azterketa dokumentala