Egoitza elektronikoa

Kontsulta

Kontsulta erraza

Zerbitzuak


Azken aldizkaria RSS

Euskal Herriko Agintaritzaren Aldizkaria

143. zk., 2017ko uztailaren 28a, ostirala


Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

AGINTARIAK ETA LANGILERIA

Oposaketak eta lehiaketak

HEZKUNTZA SAILA
3815

AGINDUA, 2017ko uztailaren 20koa, Hezkuntzako sailburuarena, sail honetan hutsik dauden bi lanpostu izendapen aske bidez betetzeko deialdi publikoa iragartzen duena.

Helburua Hezkuntza Saileko Hezkuntza Ikuskaritzan ikuskari zentralaren bi lanpostu betetzea izanik, sail honek agindu honen eranskinean datozen lanpostuak izendapen aske bidez betetzeko deialdia iragartzea erabaki du, Euskal Funtzio Publikoari buruzko uztailaren 6ko 6/1989 Legeko 47 eta 48 artikuluetan xedatutakoaren arabera eta Funtzio Publikoaren Zuzendaritzak aldeko txostena eman ondoren.

OINARRIAK

Lehenengoa.– Eranskinean eskatzen diren baldintzak betetzen dituzten karrerako funtzionarioek eska dezakete agindu honen bidez iragartzen den lanpostua.

Bigarrena.– Parte hartu nahi dutenek Hezkuntza Saileko Langileriaren Kudeaketako Zuzendaritzara bidali beharko dituzte eskabideak, eta bertan euren datu pertsonalak eta gaur egun duten destinoa zehaztu beharko dute. Eskabideak aurkezteko epea hamabost egun baliodunekoa izango da, agindu hau Euskal Herriko Agintaritzaren Aldizkarian argitaratu eta biharamunetik hasita.

Hirugarrena.– Lehiatzaileek, idazkiarekin batera, curriculum vitaea aurkeztu beharko dute, datu hauek jasoko dituena:

a) Titulu akademikoak.

b) Administrazioan betetako lanpostuak.

c) Egindako ikasketen eta ikastaroen berri, dakizkien hizkuntzak eta izangaiaren ustez adierazgarri izan daitezkeen bestelako merituak.

Izangaiek, eskatzen diren betekizun eta aurkeztutako merezimenduei buruzko agiriak aurkeztu beharko dituzte eskariarekin batera. Halaber, argitalpenak, txostenak edota egokitzat jotako beste edozein agiri ere aurkeztu ahal izango dituzte.

Laugarrena.– Deialdi honen ebazpena Hezkuntzako sailburuaren aginduz izango da, eta Euskal Herriko Agintaritzaren Aldizkarian argitaratuko da, gehienez ere hilabeteko epean, eskabideak aurkezteko epea amaitu eta biharamunetik hasita.

Bosgarrena.– Agindu hau Euskal Herriko Agintaritzaren Aldizkarian argitaratzen den egunean jarriko da indarrean.

Agindu honen aurka, berraztertzeko errekurtsoa aurkez dakioke Hezkuntzako sailburuari, hilabeteko epean; bestela, administrazioarekiko auzi-errekurtsoa Administrazioarekiko Auzietarako Epaitegian, bi hilabeteko epean. Agindu hau Euskal Herriko Agintaritzaren Aldizkarian argitaratu eta biharamunean hasiko da errekurtsoak aurkezteko epea.

Vitoria-Gasteiz, 2017ko uztailaren 20a.

Hezkuntzako sailburua,

CRISTINA URIARTE TOLEDO.

ERANSKINA

Deialdiko lanpostuak: 2.

– Izena: ikuskari zentrala.

– Lekua: Ikuskaritza Nagusia.

– Lantokia: Vitoria-Gasteiz.

– Titulazio-taldea: A taldea.

– Kidegoa: Euskal Autonomia Erkidegoko Hezkuntzako Ikuskatzaileak.

– Berariazko osagarria: 7.223,30 euro.

– Hizkuntza-eskakizuna: 2.a, gainditutako derrigortasun-datarekin.

Betetzeko baldintzak:

– Euskal Autonomia Erkidegoko Hezkuntzako Ikuskatzaileen Kidegoko karrerako funtzionarioa izatea.

– Zerbitzu aktiboan, zerbitzu berezietan, edo seme-alabak edo senideak zaintzeko eszedentzia-egoeran egotea.

– Halaber, parte hartu ahal izango dute, EAEko administrazioan zerbitzu aktibora itzuliz edo prozedura honen bidez, egoera hauetan dauden lehen aipatutako kidegoko karrerako funtzionarioek: derrigorrezko eszedentzian, beste administrazio publiko batean zerbitzu aktiboan, etendura-egoeran eta norbere interesagatiko eszedentzian, betiere egoera horietarako ezarrita dagoen gutxieneko denbora bete badute.


Azterketa dokumentala