Euskal Herriko Agintaritzaren Aldizkaria

115. zk., 2017ko ekainaren 19a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

IRAGARKIAK

Obra, zerbitzu eta horniduren enkanteak eta lehiaketak

OSAKIDETZA-EUSKAL OSASUN ZERBITZUA

3082

IRAGARKIA, Osakidetza-Euskal osasun zerbitzuarena, espediente honen lizitazio prozedura irekiari buruzkoa: «Osakidetzako Zuzendaritza Nagusirako inprimakiak».

1.– Erakunde esleitzailea: datu orokorrak eta informazioa eskuratzeko datuak.

a) Erakundea: Osakidetza-Euskal osasun zerbitzua, Osasun Sailari atxikitako Ente Publikoa, Zuzendaritza Nagusia, Araba kalea 45, 01006 Vitoria-Gasteiz (Araba). Posta elektronikoa: contrata@osakidetza.eus. Kontratatzailearen profilaren Interneteko helbidea: www.osakidetza.euskadi.eus

b) Espedientea izapidetzen duen bulegoa: Zuzendaritza Nagusia-Erosketa, Obra eta Zerbitzu Estrategikoetako Zuzendariordetza.

c) Informazioa eta dokumentuak eskuratzea: Zuzendaritza Nagusia, Araba kalea 45, 01006 Vitoria-Gasteiz (Araba).

d) Espediente zenbakia: G/127/20/0/1122/O001/0000/052017.

2.– Kontratuaren xedea.

a) Kontratu-mota: hornidurak.

b) Deskribapena: Osakidetzako Zuzendaritza Nagusirako inprimakiak.

c) Loteak eta kopurua: ez.

d) Gauzatu eta entregatzeko lekua: Zuzendaritza Nagusia.

e) Gauzatu eta entregatzeko epea: urtebete.

f) Luzatzeko aukera: bai, urtebeteko luzapena.

g) Esparru-akordio bat ezartzea (hala dagokionean): ez.

h) CPV (Nomenklatura Erreferentzia): 79810000-5.

3.– Izapideak eta prozedura.

a) Izapidetzea: arrunta.

b) Prozesura: irekia.

c) Esleitzeko irizpideak: klausula administratibo partikularren pleguko karatulan ezarritakoaren arabera:

c.1.– Balio-judizioetan oinarritutako irizpideak: % 35:

c.1.1.– Ingurumenaren aldeko irizpideak, paperari dagokionez: 15 puntu.

c.1.2.– Paperaren ezaugarriak: 20 puntu.

c.2.– Formulen bidez ebaluatu daitezkeen irizpideak: % 65:

c.2.1.– Prezioa: 65 puntu.

4.– Kontratuaren balio zenbatetsia: 102.876,00 euro (BEZik gabe).

5.– Lizitaziorako oinarrizko aurrekontua: 42.865,00 euro (BEZik gabe).

6.– Eskatutako bermeak.

Behin betiko bermea: esleipenaren zenbatekoaren % 5.

7.– Kontratistaren berariazko eskakizunak.

a) Sailkapena: ez da behar.

b) Kaudimen finantzarioa eta ekonomikoa eta kaudimen tekniko edo profesionala enpresa espainiarrentzat, Europar Batasunaren kide diren estatuetako enpresa atzerritarrentzat eta Europar Batasunaren kide ez diren estatuetako enpresa atzerritarrentzat.

b.1.– Ekonomia- eta finantza-kaudimena:

b.1.1.– Betekizunak: enpresa lizitatzaileek azken hiru urte bukatuetan negozio-bolumenik altuena izan duen urteko negozio-bolumena ziurtatu beharko dute, eta bolumen horrek lizitazioko oinarrizko aurrekontuaren zenbatekoari (BEZik gabe) dagokiona izan beharko du.

b.1.2.– Agiriak edo/eta ziurtagiriak: urteko negozio-bolumena (zenbatekoa) ziurtatzeko, Merkataritza Erregistroan jasotako eta onartutako urteko kontuak aurkeztu beharko dira, enpresaria erregistro horretan inskribatuta badago, eta bestela, kasuan kasuari dagokion erregistro ofizialean jasotakoak aurkeztu beharko dira. Merkataritzako Erregistroan inskribatuta ez dauden enpresari indibidualek haien urteko negozio-bolumena egiaztatuko dute haien inbentarioen eta urteko kontuen liburuekin, Merkataritzako Erregistroak horiek legalizatu ondoren.

b.2.– Kaudimen teknikoa edo profesionala:

b.2.1.– Betekizunak: enpresa lizitatzaileek azken 5 urteetan kontratuaren xede direnen antzekoak diren edo pareko ezaugarriak dituzten zerbitzuak egin izana ziurtatu beharko dute, eta urteko zenbateko metatua lizitazioko oinarrizko aurrekontuaren zenbatekoa edo hori baino handiagoa izan beharko da (BEZik gabe).

b.2.2.– Agiriak edo/eta ziurtagiriak: azken bost urtean gauzatu diren eta lizitazio-kontratu honetakoen berdinak edo antzekoak izan diren hornikuntza nagusien zerrenda; bertan adieraziko dira haien zenbatekoa, datak eta hartzailea (publikoa zein pribatua). Hartzailea sektore publikoko erakunde bat bada, eskudun organoak bisatutako edo egiaztatutako agirien bitartez ziurtatu beharko dira egindako hornidurak; hartzailea arlo pribatuko eroslea bada, horrek emandako ziurtagirien bidez, eta halakorik ez bada, enpresariaren aitorpenaren bidez.

8.– Eskaintzak edo parte hartzeko eskabideak aurkezteko era.

a) Aurkezteko azken eguna: 2017ko abuztuaren 21a, 13:00ak.

b) Aurkezteko modua: administrazio klausula partikularren pleguan adierazitakoa.

c) Aurkezteko lekua: ikusi 1.a) puntua.

d) Prozedura mugatua izanez gero eskaintzak aurkezteko deia egingo zaien enpresen kopurua: ez dagokio.

e) Aldagaiak onartzea: ez.

f) Eskaintzaileak eskaintzari eutsi behar dion epea: 2 hilabete, eskaintza ekonomikoaren gutun-azala irekitzen denetik zenbatzen hasita; hamabost egun baliodun gehiagoz luzatu ahal izango da epe hori, SPKLTBaren 152.3 artikuluak aipatzen dituen izapideak egin beharra badago (balio anormal edo neurrigabeak).

9.– Eskaintzak irekitzea.

a) Eskaintzak irekitzea, balio-judizioa egiteari lotutako irizpideei dagokienez: Erakundea: Zuzendaritza Nagusia, Helbidea: Araba kalea 45, 01006 Vitoria-Gasteiz (Araba). Eguna: 2017ko abuztuaren 28a, 13:00ak.

b) Aplikatzeko formulak kalkulatzea eskatzen duten irizpideen gutun-azala irekitzea: Erakundea: Zuzendaritza Nagusia, Helbidea: Araba kalea 45, 01006 Vitoria-Gasteiz (Araba). Eguna: 2017ko irailaren 12a, 13:00ak.

10.– Publizitate gastuak: esleipendunaren kontura (466,14 euro).

11.– Iragarkia «Europar Batasunaren Aldizkari Ofizialera» bidali den eguna (halakorik bada): ez dagokio.

12.– Beste argibide batzuk: pleguetan jasota daude. Deialdiari buruzko argibideak lortzeko edo pleguak eskuratzeko web-orria: www.osakidetza.euskadi.eus

Vitoria-Gasteiz, 2017ko ekainaren 9a.

Kontratazio-mahaiko ordezko presidentea,

ENEKO ZARRAOA GARMENDIA.

Azterketa dokumentala