RSS
80. zk., 2017ko apirilaren 27a, osteguna
- Bestelako formatuak:
- PDF (207 KB - 2 orri.)
- EPUB (193 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
JUSTIZIA ADMINISTRAZIOA
BILBOKO LEHEN AUZIALDIKO 14 ZENBAKIKO EPAITEGIA
2140
EDIKTUA, adostasunik gabeko banantzeari buruz bideratutako 1954/2015 prozeduraren ondoriozkoa.
Bilboko Lehen Auzialdiko 14 zenbakiko Epaitegia (Familia).
Judizioa: adostasunik gabeko banantzea. 1954/2015.
Alderdi demandatzailea: Victoria Mbasogo Esono.
Alderdi demandatua: Agustin Eyaga Mbang.
Gaia: banantzea.
Judizio horretan, ebazpena eman da, eta honela dio hitzez hitz:
XEDAPENAK
Victoria Mbasogo Esono andrearen eta Agustín Eyaga Mbang jaunaren banantzea aitortzen da, dagozkion legezko ondorioekin, eta ezkontza jasota dagoen erregistro zibilari jakinarazi eta ebazpen honen testigantza bidaltzen zaio.
Horien arteko harreman pertsonalak eta ondareari dagozkionak arautzeko, erabaki da honako neurri hauek hartzea:
1.– Amari esleitzen zaio elkarrekin duten semearen gaineko guraso-ahalaren erabilera esklusiboa eta haren zaintza eta jagoletza, baita familia-etxebizitzaren erabilera ere.
2.– Eten egiten dira aitaren eta semearen arteko bisitak.
3.– Aitak dituen diru-sarreren % 20 elikagai-pentsioa ordaintzeko izango da, gutxienez 100 euro; zenbateko hori aurreratuta ordaindu beharko du, hil bakoitzaren lehenengo bost egunen barruan, amak horretarako izendatzen duen kontu korrontean. Zenbateko hori eguneratu egingo da, KPIaren edo horren baliokidearen arabera, urtean behin, eguneratze-dataren aurre-aurreko urtea erreferentziatzat hartuta. Lehenengo eguneratzea 2018ko urtarrilaren 1ean egingo da.
4.– Aitak ordaindu beharko ditu elkarrekin adostutako edo baimen judizialez egindako ezohiko gastuen erdiak.
Ez dizkiot berariaz ezartzen prozesuko kostuak.
Jakinaraz bekie ebazpen hau alderdiei eta adierazi ebazpenaren aurka apelazio-errekurtsoa aurkez daitekeela.
Aurkaratzeko modua: Bizkaiko Probintzia Auzitegian aurkeztutako apelazio-errekurtsoaren bidez (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den, eta zein diren apelatutako ebazpena eta aurkaratutako erabakiak (PZLb, 458.2 artikulua).
Errekurtsoa jarri ahal izateko, 50 euroko gordailua eratu beharko da, eta, egin ezean, ez da errekurtsoa izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santanderren duen Gordailuan eta Zainpean jartzeko Kontuan. Kontuaren zenbakia hauxe da: ....... Ordainagiriaren kontzeptua idazteko hutsunean, «errekurtsoa» dela adierazi beharko da (kodea: 02-Apelazioa). Diru-kopuru hori zainpean jarri izana egiaztatu beharko da errekurtsoa aurkeztean (BJLOko 15. xedapen gehigarria).
Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak, eta doako laguntza juridikorako eskubidea aitortua dutenak.
Eta epai honen bidez erabaki, agindu eta sinatzen dut.
Argitalpena.– Epaiari dagokion egunean, jendaurreko entzunaldia egiten ari zelarik, epaia eman zuen magistratu berberak eman, irakurri eta argitaratu zuen; eta nik, justizia administrazioaren letradua naizenez, horren guztiaren fede ematen dut Bilbon (Bizkaia), bi mila eta hamaseiko irailaren hamalauan.
Alderdi demandatuaren gaur egungo helbidea edo bizilekua ezezaguna denez gero, Prozedura Zibilaren 1/2000 Legearen 156.4 eta 164. artikuluetan xedatutakoarekin bat etorriz, ediktu hau EHAAn argitaratzea ebatzi du epaileak, epaia jakinarazteko eginbidea gauza dadin.
Bilbao (Bizkaia), 2017ko irailaren 14a.
JUSTIZIA ADMINISTRAZIOAREN LETRADUA.
