RSS
78. zk., 2017ko apirilaren 25a, asteartea
- Bestelako formatuak:
- PDF (228 KB - 2 orri.)
- EPUB (196 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
JUSTIZIA ADMINISTRAZIOA
VITORIA-GASTEIZKO LEHEN AUZIALDIKO 2 ZENBAKIKO ZUZENEKO LAGUNTZA EMATEKO UNITATE PROZESALA
2068
EDIKTUA, erantzukizun zibilaren gainean bideratutako 352/2016 hitzezko judizioaren ondoriozkoa.
94/17 EPAIA
Epailea: Francisco Javier Pablo Pablo jauna.
Lekua: Vitoria-Gasteiz.
Eguna: bi mila eta hamazazpiko martxoaren hogeia.
Alderdi demandatzailea: Viorel Carabanianu.
Abokatua: Ibañez de Garayo jauna.
Prokuradorea: Marta Paul Nuñez.
Alderdi demandatua: CIA Aseguradora Allianz (1), Consorcio de Compensación de Seguros (2) eta Abdelfattah Ech Chafiy.
Abokatua: Murua andrea (1) y Jimenez jauna (2).
Prokuradorea: Soledad Carranceja Diez (1).
Auzigaia: erantzukizun zibila.
EPAITZA
1.– «Allianz, S.A.»ren aurka, zeina ordezkatzen baitu Carranceja prokuradoreak eta lagundu Murua letraduak, Paul prokuradoreak ordezkaturik eta Ibáñez de Garayo letraduak lagundurik, printzipalki Viorel Carabanianu aurkeztutako demanda, zenbateko bat erreklamatzeko zena, baietsi egiten dut; eta
Viorel Carabanianu jaunari honako hauek pagatzera kondenatzen dut «Allianz, S.A.» aseguru-etxea: 3.886,31 euro; AKLko 20.4 artikuluan zehaztu legezko interesa, zehazki, aipatu kopuruari dagokionez 2014ko apirilaren 12tik ordainketa guztiz egin artekoa.
Baieste haren ondorioz,
2.– Jiménez letraduak lagundutako eta ordezkatutako Consorcio de Compensación de Seguros-en aurka eta auzi-ihesean den Abdelfattah Ech Chafiy-ren aurka, Paul prokuradoreak ordezkaturik eta Ibáñez de Garayo letraduak lagundurik, subsidiarioki Viorel Carabanianu jaunak aurkeztutako demanda, zenbatekoa bat erreklamatzeko zena, ezetsi egiten dut; eta demandatu horiek absolbitu egiten ditut, prozedura honetan, euren aurka egindako galdekizun guztietarik.
Guzti hori, «Allianz, S.A.» kondenatzen delarik, bere kasuan, prozedurako gainontzeko parteei eragindako kostuei dagokienez.
Jakinaraz bekie alderdiei.
Inpugnatzeko modua: apelazio errekurtsoa, Arabako Probintzia Auzitegian (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, hauek adieraziko dira: aurkaratzea zein alegaziotan oinarritzen den eta apelatutako ebazpena eta aurkaratutako erabakiak zein diren (PZLb, 458.2 artikulua).
Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santander banketxean duen Gordailuan eta Zainpean jartzeko Kontuan (0010 0000 02 0352 16). Ordainagiriaren kontzeptua idazteko hutsunean, «Errekurtsoa» dela adierazi beharko da (kodea: 02-Apelazioa). Diru-kopuru hori zainpean jarri izana egiaztatu beharko da errekurtsoa aurkeztean (BJLOko 15. xedapen gehigarria).
Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak, eta doako laguntza juridikorako eskubidea aitortua dutenak.
Gainera, kondenatuari ez zaio onartuko apelazio-errekurtsorik, baldin eta, errekurtsoa jartzerakoan egiaztatzen ez badu gordailutu dituela kondenaren zenbatekoa, interesak eta eska daitezkeen errekarguak (PZLb-ren 449. artikulua). Gordailua abal solidarioaren bidez egin ahal izango da, PZLb-ko 449. artikuluaren 5. atalean ezarritako eran.
Eta epai honen bidez erabaki, agindu eta sinatzen dut.
Argitalpena.- Epaiari dagokion egunean, jendaurreko entzunaldia egiten ari zelarik, epaia eman zuen magistratu berberak eman, irakurri eta argitaratu zuen. Eta nik, Justizia Administrazioaren letradua naizenez, horren guztiaren fede ematen dut Vitoria-Gasteizen, bi mila eta hamazazpiko martxoaren hamazazpian.
Abdelfattah Ech Chafiy demandatuari behar bezalako jakinarazpena egiteko balio dezan, ematen eta sinatzen dut idazki hau, Gasteizen, bi mila eta hamazazpiko martxoaren hogeian.
JUSTIZIA ADMINISTRAZIOAREN LETRADUA.
