Egoitza elektronikoa

Kontsulta

Kontsulta erraza

Zerbitzuak


Azken aldizkaria RSS

Euskal Herriko Agintaritzaren Aldizkaria

55. zk., 2017ko martxoaren 20a, astelehena


Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

HEZKUNTZA SAILA
1447

AGINDUA, 2017ko martxoaren 1ekoa, Hezkuntzako sailburuarena, zeinen bidez Jon Iñaki Zarraga Aburto jauna izendatzen baita Euskal Herriko Unibertsitatearen Gizarte Kontseiluko kide, Bizkaiko Batzar Nagusiek hautatuta.

Unibertsitateei buruzko abenduaren 21eko 6/2001 Legeak 14. artikuluan xedatutakoaren arabera, Euskal Unibertsitate Sistemari buruzko otsailaren 25eko 3/2004 Legeak V. tituluan arautzen du Euskal Herriko Unibertsitateko Gizarte Kontseilua.

Euskal Herriko Unibertsitateko Gizarte Kontseilua osatzeko aurreko arauetan – Euskal Unibertsitate Sistemaren otsailaren 25eko 3/2004 Legearen 71.2.b) artikuluan batez ere– xedatutakoaren arabera, Bizkaiko Batzar Nagusiek, 2016ko abenduaren 27ko osoko bilkuran, Euskal Herriko Unibertsitateko Gizarte Kontseilurako ordezkari berri bat izendatu dute.

Ordezkari horien agintaldia lau urtekoa izango da, euren izendapenak Euskal Herriko Agintaritzaren Aldizkarian argitaratzen diren egunetik hara zenbaturik; bestalde, Gizarte Kontseiluko kideok, aipatu legeko 72. artikuluan ezarritako bateraezintasunak izango dituzte. Halaber, Gizarte Kontseiluko kideak beste agintaldi baterako bakarrik hautatu ahal izango dira, segidako agintaldian edo beste batean.

Horren arabera, eta otsailaren 25eko 3/2004 Legearen 73.2 artikuluak –interes sozialak ordezkatuko dituztenak unibertsitateen arloan eskuduntzak dituen sailburuaren aginduz izendatuak izango direla ezartzen duenak– xedatutakoaren arabera, hau

EBAZTEN DUT:

Artikulu bakarra.– Jon Iñaki Zarraga Aburto jauna, Bizkaiko Batzar Nagusiek aukeratua, Euskal Herriko Unibertsitatearen Gizarte Kontseiluko kide izendatzea, Euskal Herriko gizarte-interesen ordezkari gisa.

AZKEN XEDAPENA

Euskal Unibertsitate Sistemari buruzko otsailaren 25eko 3/2004 Legeak 73.4 artikuluan xedatutakoaren arabera, agindu hau Euskal Herriko Agintaritzaren Aldizkarian argitara ematen den egun berean sartuko da indarrean.

Vitoria-Gasteiz, 2017ko martxoaren 1a.

Hezkuntzako sailburua,

CRISTINA URIARTE TOLEDO.


Azterketa dokumentala