RSS
32. zk., 2017ko otsailaren 15a, asteazkena
- Bestelako formatuak:
- PDF (233 KB - 3 orri.)
- EPUB (200 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
IRAGARKIAK
Beste iragarki ofizial batzuk
TURISMO, MERKATARITZA ETA KONTSUMO SAILA
850
IRAGARKIA, zeinaren bidez jakinarazten baita Kontsumobide-Kontsumoko Euskal Institutuaren zuzendariaren 2016ko abenduaren 19ko Ebazpena, kontsumo arloko SAN-48A001-18-2016 zehapen-espedientea ebazten duena.
Ebazpen hori jakinarazten saiatu arren, ezinezkoa izan da, eta, beraz, iragarki hau argitaratzen da, Administrazio Publikoen Administrazio Prozedura Erkidearen urriaren 1eko 39/2015 Legearen 44. artikuluan xedatutakoa betetzeko.
Sat Norte Servicio Asistencia Técnica Multimarcasi jakinarazten zaio SAN-48A001-18-2016 zehapen-prozeduran ebazpena eman dela, 2016ko abenduaren 19an.
Espedientearen deskribapena:
Hautsitako araua: 6/2003 Legearen 50.4.e eta 50.6 artikuluak (6/2003 Legea, Kontsumitzaile eta Erabiltzaileen Estatutuari buruzkoa).
Arau-haustearen deskribapena: bidegabeko baldintzak edo errekarguak ezartzea justifikaziorik gabe, ezarritako baldintzak, betebeharrak edo debekuak ez betetzea.
Ezarritako zehapena: 9.600 euros.
Legezko ohartarazpenak: Ebazpen honek ez dio amaiera ematen administrazio-bideari, eta, beraren aurka, gora jotzeko errekurtsoa aurkez dakioke Turismo, Merkataritza eta Kontsumoko sailburuari, hilabeteko epean, ebazpena jakinarazi eta biharamunetik aurrera.
Halaber, jakinarazten zaio honela ordaindu beharko duela zehapena:
Jakinarazpena hilaren 1etik 15era bitartean egin bada, egun horretatik hurrengo hilaren 5era bitartean, edo egun hori jaieguna bada, hurrengo egun baliodunera arte.
Jakinarazpena hilaren 16tik hileko azken egunera bitartean egin bada, egun horretatik hurrengo hilaren 20ra bitartean, edo egun hori jaieguna bada, hurrengo egun baliodunera arte.
Ebazpen honen aurka, gora jotzeko errekurtsoa jartzeko dagoen hilabeteko epea orokorrean ezarritako epea baino beranduago amaitzen bada, ordaintzeko eguna errekurtsoa jartzeko epea amaitu eta hurrengo egun baliodunean amaituko da, betiere, errekurtsoa aurkezten ez bada; hori guztia, Euskal Autonomia Erkidegoko Ogasunaren Dirubilketa Araudia onartzen duen abuztuaren 31ko 212/1998 Dekretuaren 44. artikuluaren 1., 3. eta 4. paragrafoetan dioenaren arabera egingo da.
Ordaintzerakoan, adierazi beharko da zein den zigortuaren izena (Sat Norte Servicio Asistencia Técnica Multimarcas) eta espediente-zenbakia (SAN-48A001-18-2016), bai eta espedientea Kontsumobide-Kontsumoko Euskal Institutuari dagokiola ere. BBVAren (Banco Bilbao Vizcaya Argentaria) 0182 5685 07 0000226271 kontuan egingo da ordainketa, Euskal Autonomia Erkidegoko Diruzaintza Nagusiaren kontu nagusia.
Horren berri ematen da, eranskinean adierazitako interesduna jakitun izan dadin eta jakinarazpentzat har dezan.
Jakinarazpen honek Estatuko Aldizkari Ofizialean argitaratu eta hurrengo egunetik aurrera izango ditu ondorioak.
Vitoria-Gasteiz, 2017ko otsailaren 6a.
Kontsumobide-Kontsumoko Euskal Institutuaren zuzendaria,
NORA ABETE GARCÍA.
