Euskal Herriko Agintaritzaren Aldizkaria

32. zk., 2017ko otsailaren 15a, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

BARAKALDOKO LEHEN AUZIALDIKO 5 ZENBAKIKO EPAITEGIA

838

EDIKTUA, adostasunik gabeko dibortzioari buruz bideratutako 169/2015 prozeduraren ondoriozkoa.

Barakaldoko Lehen Auzialdiko 5 zenbakiko Epaitegia (Familia).

Judizioa: 169/2015 adostasunik gabeko dibortzioa.

Demandatzailea: M.A.G.A.

Prokuradorea: Naiara Elorrieta Elorriaga.

Demandatua: Claudio Rafael Roman Paredes.

Gaia: dibortzioa.

Judizio horretan, epaia eman da 2015-10-21ean. Hona hemen epaitza:

EPAITZA

Baiesten dut M.A.G.A.k Claudio Rafael Román Paredesen aurka aurkeztutako demanda; horrenbestez, dibortzioaren ondorioz, alderdien artean dagoen ezkontza-lotura desegiteko agintzen dut, erabaki horri dagozkion legezko ondorio guztiekin, eta onartzen ditut XXXXX eta XXXXX alaba adingabeekiko harremanak arautzen dituzten neurri hauek:

A) Claudio Rafael Román Paredes jaunak XXXXX eta XXXXX alaba komunen gainean duen guraso-ahala bertan behera uztea; ahal hori aurrerantzean amak baliatuko du esklusiboki, eta zaintza eta jagoletza ere amari esleitzen zaizkio. Ez da ezarri behar zaintza ez duen gurasoarentzako bisita- eta egonaldi-erregimena.

B) Ezkontzako semearen alde eta zaintza ez duen gurasoaren kargura, aitak kontzeptu guztietatik jasotzen dituen sarrera likidoen % 25eko euroko mantenu-pentsioa ezartzea, betiere hileko 200 eurotik beherako izango ez dena (alaba bakoitzeko ehun), zeina hilabeteko bakoitzeko lehen bost egunen barruan ordaindu beharko den, eta urtero eguneratuko egingo da Estatistika Institutu Nazionalak argitaratutako kontsumoko prezioen indizeak dituen aldaketekin bat; zenbaketa hasteko oinarritzat ebazpen honen eguna hartuko da.

C) Adingabeko semearen gastuak –ebazpen honetako oinarri juridikoan zehaztu bezala–, gurasoek erdibana ordaindu beharko dituzte. Guztiarekin ere, presazko ez diren aparteko gastuak guraso biek baimendu beharko dituzte. Dena dela, gastua beste parteari behar bezala jakinarazten zaionetik –gastuaren berri emanez, beharrezkoa dela adieraziz, zenbatekoa adieraziz eta dagozkion agiriekin batera– 10 egun igaro eta objekzio berariazkorik egiten ez bada, ulertuko da onartzen duela. Era berean, auzialdi honetan sortutako kostuen gaineko berariazko erabakirik ez da hartzen.

Ebazpen hau irmoa delarik, ezkontza inskribaturik dagoeneko erregistro zibilari jakinarazi bekio ofizioz, orri-bazterrean ohar egokia egiteko. Ez da hartzen auzialdi honetan sortutako kostuen gaineko erabakirik.

Aurkaratzeko modua: Bizkaiko Probintzia Auzitegiari zuzendutako apelazio-errekurtsoaren bidez (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta hurrengo egunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den, eta zein diren apelatutako ebazpena eta aurkaratutako erabakiak (PZLb, 458.2 artikulua).

Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santanderren duen Gordailuan eta Zainpean jartzeko Kontuan. Kontuaren zenbakia hauxe da: ........ Ordainagiriaren kontzeptua idazteko hutsunean, «errekurtsoa» dela adierazi beharko da (kodea: 02-Apelazioa). Diru-kopuru hori zainpean utzi izana egiaztatu egin beharko da errekurtsoa aurkeztean (BJLOko 15. xedapen gehigarria).

Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak, eta doako laguntza juridikorako eskubidea aitortua dutenak.

Eta epai honen bidez erabaki, agindu eta sinatzen dut.

Claudio Rafael Roman Paredes demandatuaren egungo bizilekua ezezaguna denez, aipatutako ebazpena Euskal Herriko Agintaritzaren Aldizkarian ediktu bidez jakinaraztea erabaki da, Prozedura Zibilaren 1/2000 Legearen 497.2 artikuluan xedatutakoaren arabera.

Ebazpen horren aurka, apelazio-errekurtsoa aurkez dezake demandatuak, zeina auzi-ihesean baitago.

Jakinarazten den ebazpenaren testu osoa eskuragarri du interesdunak, auzitegi honetako bulego judizialean.

Barakaldo (Bizkaia), 2017ko urtarrilaren 23a.

JUSTIZIA ADMINISTRAZIOAREN LETRADUA.

Azterketa dokumentala