Euskal Herriko Agintaritzaren Aldizkaria

13. zk., 2017ko urtarrilaren 19a, osteguna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

DURANGOKO LEHEN AUZIALDIKO ETA INSTRUKZIOKO 3 ZENBAKIKO ZUZENEKO LAGUNTZA EMATEKO UNITATE PROZESALA

316

EDIKTUA, ezkontzaz kanpoko seme-alabentzako neurrietarako 269/2016 prozeduraren ondoriozkoa.

JAKINARAZPEN-ZEDULA

Durangoko (Bizkaia) Lehen Auzialdiko 3 zenbakiko Epaitegian, ezkontzaz kanpoko seme-alabentzako neurriei buruzko 269/2016 prozedura bideratu da, Glory Matthew-ek eskatuta, Joseph Onweazu Attoh-ren aurka. Prozedura horren gainean epaia eman da. Hona hemen idazpurua eta epaitza:

125/2016 EPAIA

Epailea: Nuria Ballve Botas.

Lekua: Durango (Bizkaia).

Eguna: bi mila eta hamaseiko abenduaren hamalaua.

Alderdi demandatzailea: Glory Matthew.

Abokatua: Nerea Acha Urrutibeascoa.

Prokuradorea: Maria Begoña Jauregui Larrinaga.

Alderdi demandatua: Joseph Onweazu Attoh.

Abokatua.

Prokuradorea.

Judizioko gaia: guraso eta seme-alaben arteko neurriak eta neurri ekonomikoak.

EPAITZA

Partez baiesten dut Glory Matthew-en ordezkari prozesalak aurkeztu duen demanda, Joseph Onweazu Attoh-ren aurkakoa. Horrenbestez, XXXXX adingabearen –2016ko urtarrilaren 1ean jaio zen– zaintza eta jagoletza amari esleitzen dizkiot, eta guraso-ahala kendu egiten diot aitari (demandatuari).

Prozedura honetako kostuak ez zaizkio berariaz inori ezartzen.

Ebazpen hau irmoa denean, bidal bedi exhortoa Erregistro Zibilera, haren lekukotzarekin, dagokion inskripzioa egin dadin.

Aurkaratzeko modua: Bizkaiko Probintzia Auzitegian aurkeztutako apelazio-errekurtsoaren bidez (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta hurrengo egunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den, eta zein diren apelatutako ebazpena eta aurkaratutako erabakiak (PZLb, 458.2 artikulua).

Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santander banketxean duen gordailuan eta zainpean uzteko kontuan (4688 0000 33 0269 16). Ordainagiriaren kontzeptua idazteko hutsunean, «Errekurtsoa» dela adierazi beharko da (kodea: 02-Apelazioa). Diru-kopuru hori zainpean jarri izana egiaztatu beharko da errekurtsoa aurkeztean (BJLOko 15. xedapen gehigarria).

Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak eta doako laguntza juridikorako eskubidea aitortua dutenak.

Eta epai honen bidez erabaki, agindu eta sinatzen dut.

Eta Joseph Onweazu Attoh demandatuari behar bezalako jakinarazpena egiteko balio dezan, eman eta sinatzen dut hau, Durangon (Bizkaia), bi mila eta hamaseiko abenduaren hamalauan.

JUSTIZIA ADMINISTRAZIOAREN LETRADUA.

Azterketa dokumentala